¹ Neang mong mewere, domyea tereng mekhaije adiresikhaije be etamang bang, Yesus yea nea u na tomona yo Keaneumikoke mo weumi, ² Deyea nenda domyea tereng tokhowere mewaije te kenabusea meyerea Khameare ya, mekhaije Deaibere nendane ya name nekeimiyaje, neande be eyea etamang bang. ³ Wewaminde nea imea te nea moni yea bea nibi norone barnaije, tanyebang nea yoo atau butau. ⁴ Nea u na tomona yo yea Wainye, "Makerna do yea amang yengminde angnaikonde nenda do bang miyea bang yowa ne?" ⁵ Neangkhaije Yesus yea sineumi, "mai mena ouw neang-neang?" Neande yo yea wainye, "nembase mesining bee." ⁶ Neangkhaijea Yesus neang domyea Wekeumi khani rang ne dungkhokhaje mo Neyea neang ouw mesining embai douke mo a Diyeisike, angkhai neang ouw petewere Nea u na tomona yo te Yeweumi mo neang domyea tereng te wasewaimi. ⁷ Nea u na tomona yo neai kha memerea ibikeng tongwaije. Neang kha dang ne a Deiyeisike mo Nea u na tomona yo te Wekeumi neang domyea te wasewaimi. ⁸ Neang domyea tereng neang etamang angwaije u deibokhaije, angkhai nea mosi - mosi adireikokhaije mo orong einye kengkhokhaije, nea nembase orong mesining bee. ⁹ Neang domyea nea nembase 4000. Neangkhaije mo, Yesus wekeumi ewaije. ¹⁰ Yesus nesbi Nea u na atomona yo bere ipo enye kembokhaije, Dalmanuta yo te powaije. ¹¹ Farisi domyea mekhaije Yesus te tuwanainybonte, Yesus te diywainye Surga na nou te kerengmibonte. ¹² Yesus Allah re Boye eijea noo yomboke mo Weumi, "Taikene nenda uniyau nou te mekhaije beaje? Deyea mate neatetere be wamare, nou embai tambai mai nenda uniyau te eyei." ¹³ Neangkhaije, Yesus nukeumiboke, ipo einye beneng akhoke mo pasi te powaje. ¹⁴ Nea u na tomona yo nea ouw benaumitake ewaje, ouw embaikeng io einye. ¹⁵ Yesus yea weumi, "meuga khaya tebempe!" Farisi domyea bere Herodes re ouw areiboi etamung khaya poi tebempe. ¹⁶ Neangkhaije dungkhokaje ouw bang a ne erwaije. ¹⁷ Yesus neang a botoke ne bea, weumi, "taikene oubang a ne erauge? Meeyea nea nemang iseyeiboi? Ma kena u erea yeibokhaje? ¹⁸ Meeyea nenda ijoko bere be, ijoko neasinoibang etei? Engkea bere be engkeai ebotoi? Ma ubene einye ebeikoi, ¹⁹ Neandeya ouw mepea embai peteikokhare domyea 5000 yea angwaije, nea mosi - mosi orong neang - neang adireukokhauge? Nea u na tomona yo yea Wainye, nembase orong 2000." ²⁰ Angkhai ouw mesining bee domyea 4000 yea angwaje, nea mosi-mosi orong neang-neang adireukokhauge? Neangkene wainye, "orong mesining bee." ²¹ Neangkene weumi, "neandombe, meeyea nemang iseayeiboi mo?" ²² Neangkhaije, Yesus nea u na tomona yo bere pokhaije Betsaida ne. Angkhai, kumba na do embai domyea yea Yesus re te yaweinyetokhaije mekhaije mo Yesus te diywainye mee te Ikerengebonte. ²³ Yesus neang kumba do ikerenyeboke mo yawenyetoke yo moi se eweje. Yesus neang kumba do neajoko eiki yea touboke mo angkhai Nea mee neang do re euga dang ne Khoroungekhoke. Sineunge, "Etamung embai ijoko eteyea?" ²⁴ Neng kumba do buma te eiweke mo weunge, "Deyea domyea etameare be, neandebe etare bea ernaije oo otoyea otaje maneng." ²⁵ Neangkhaije mo, Yesus nea me beneng neang do re ijoko rang ne taukeunge, neang do neajoko pekeaukoke, nejoko onomi yeuboke, etamung-etamung nea yakha yea etewere. ²⁶ Yesus yea wekeunge nea imea te ewere, weunge, "yoo eise eyeisiyjea." ²⁷ Neangkhaije, Yesus nea u na tomona yo bere Kaiserea Filipi na yo pepere te ewaije. Nibinorone mo bea, Yesus yea nea u na tomona yo te sineumi, "Domyea Deate sinde yea eraije?" ²⁸ Nea u na tomona yo yea Wainye, "Yohanes bu te korweumi kiyea, suwa yo wa Elia yea eraije, suwa yo wa nabi-nabi neai norona nea do sii." ²⁹ Neangkhaijea, Yesus yea neate sineumi, "angkhai meeyea Deate sinde yea erauge?" Petru yea Weunge, "Weyea Kristus." ³⁰ Yesus yea neande yo te aseimikhoke Neai euga neai a ereijea mo. ³¹ Neangkhaijea, Yesus Nea u na tomona yo te kerweumi weumi, Domyea Keru ubusea wabusea mengnederengekhonde angkhai Yahudi neai do tutuwa yo, Imam yunjung, angkhai Taurat yunjung yea Nenainyesinde angkhai tonaibonde, neandebe ya name neai mo teteyea Angnunde. ³² Yesus neande a nesbi weweumi. Neangkhene bea Petrus Yesus te yobouboke weari te ekeije mo a seainyeboke. ³³ Neandebe, Neajokho eiweke nea u na tomona yo te eteumi mo Petrus te a seanyeboke, weunge, "Deaijea dere, burowarbo!" Tanyebang, wea ubene Allah re mee u te ebei, domyea neai ubene mo meyerea beayeuge. ³⁴ Neangkhaije mo, Yesus neang domyea nembase Nea u na atomona yo bere Keaneumikhoke mo weumi, "sinde Deate takhontebonte na bea, nea u te asiwengende mo nea otari neneaijea keambonde mo Deate Takhontebonde. ³⁵ Tanyebang, sinde ne wari te tore morongende bea, nea no borentonde. Neandebe, sinde newari tore emoroi Deai eatene, Allah re Akho peuko kenane, neyea wari tena endowende. ³⁶ Tanyebang, taiterengbara te domyea embai nenda bu khani neai mee einya, neandebe ne no yea borentode. ³⁷ Taijea domyea embai nea no beaikoi see yengminde? ³⁸ Tanyebang, mai nenda toro uniyau be bubureise khauge torona yo, sinde meaning Deai kena ne, Allah re Akho peuko kena ne pee khonde bea, Domyea Keru neate neaima moijea burtenebonde neande ya Allah nea bumakhabang dang dea Nea Malaikat-malaikat bere menaije.