(Yesus Namota Ohonate Yore Eleukoke Yo Maei Ahuba) ¹ Ya mbai Genesaret bukoune meke hebewoye, ro miyae helemsele arilewoye Tuhan eleye ako faeukore boronatere mekate hebewate, ² Erewoye kayi bee mekete yabane yoroiboke yawete, bele yaere kare baete yo akaikoke na elane kuiwate. ³ Yesus belena kayi mbai einye hebeunguke, Simon re kayi ukeunge ebifem neufike itauke wanem na keleifike anggem nuweubokemo bele kayi randa ro miyaere kelewoumi. ⁴ Keleumikoke baeufokemo Simon re weunge, "Eye ebifem itauke neufindemo, wa ela wowonde ka haweikonde.'' ⁵ Bele yaere Simon be beufoke weunge, "Tuhan mana reniyai koko elaehale kare hubaimakondere relewannele, bele yaere mbaijae heuboke bam! Tuhan, Weyae ukaraene reyae benem ra rake wau ukondere." ⁶ Yesus are ukeumi mekainye haisaine hayewatemo ka ela wokatene helem sele maemae koukoke, na wau hubara kayeweke. ⁷ Ka helem sele elane haeibokene kayi ehina yore kenaimikoke rikenaimibondere. Mekate bele kayi bee enye yarowate haubate bele kayi bee ka maemae kaikoke. ⁸ Simon Petrus naei ijokoyae erekene Yesus bene oro hele roroukokemo weunge, "Tuhan rare nukeitebo, reyae bulofela kou-kalo mae-mae kouko koke'' ⁹ Petrus baeke a Tuhan re ukeunge nambele ro miyae helem meiwate ka helem haubatene yeije koibate emehahele hubawainyele. ¹⁰ Belemekai mbai Zebedeus re kelu fafa bee Simon naei ohate Yakobus re Yohanes re Yesus beufoke weumi fe efaeijae, Mana ya, meyae ma wau yaronggombe ro miyaere hayemmembere. ¹¹ Bele ya mo na kayi yauke yobaikoke ikate, naei naneme fomene nukaikoke hayaeikoke mekate Yesus re hakanyekoke. (Yesus Baubauke Koweke Ro Mbai Onomi Ikeunge) ¹² Ya mbai Yesus yo mbaite eke. Bele yo einya, ro mbai na u baubau kusta yae feleungeboke,Yesus re erekeunge, meke be are meungeke riyewounge, "Tuhan Weyae rare buhae haerena, onomi yae yeukele.'' ¹³ Yesus name nekeunge karaungehike weunge, "Reyae kena kale weyae onomi yeubonde. Nahibi hekibam bele ro onomi yeuboke." ¹⁴ Yesus yae ahun raungehike ro ehi miyae ehire ehuwei jae, "Oro moloubonde aloungekonde imam bokore eye, onomi yeuboke yakalaumibonde, Musa Tauratna eleye borowainyele, ehana bulona yo foi baeyeke bele waei akau ha mekai yembonde." ¹⁵ Yesus re igwau heraeyeuboke hurewoye belene ro miyae helemsele hokoumeke naei a feu elewoye borowainyele, eha na bulona yo foi baeyeke. ¹⁶ Yesus ro miyae helem nolora namaleubae ikai molouboyeunge Naeko re ebelire bonnelere eye. (Yesus Ro Mbai Orome nimainyekoke Re Onomi Ikeunge) ¹⁷ Ya mbai Yesus ro miyaere kelewoumimo, bele nolone Farisi holona,Taurat itayeikoke falem falem Yudea, kanira Galilea ra, Yerusalem yora mekate.Tuhan rena elae wake naune keteungeboke ehayo buloyo helem sele onomi yeuboumi. ¹⁸ Bele anuwaunge nekatemo erewate ro riya mbai ro mbai orome nimanyekoke na ijoku honoitanne kaeibokate Yesus bokore mekate relewainyele Yesus Nabene nenainyendere. ¹⁹ Relewainyele nibi ehubaikoinye ro miyae helemselene, imae bumare yaei keteke, na ijoku honson ranne honowoye nokainyele oiboye Yesus nabene oke. ²⁰ Yesus erekeumi narabohalei elaekesele bele ro re ukeunge, "Wa bolo-fela hobeukokawale." ²¹ Imam falem falem, Farisi riyana yo naeite naeite naure hinate "Rake ro nahinyebam meke Allah re aukaekae mekekounge? Ro ehi fa ehi yae mokoi kabei ehobeiboi, Allah nenaeijaehele?'' ²² Yesus erewoumi nakena einya elate a iteyayeubokene beufoke weumi, "Makane makena einya bele ubene wanem bene nekembe? ²³ Mbele a na foma foma hele elerekonde, waei bulo fela'? hobeukokawale yae anyu aloinyoko yae. ²⁴ Mana yakala rembombe Reyae Allah bokora ro miyaere yeubokale, Allah na nene waewae, '' keteukeboke ro miyae na mokoi kabei nahinggi hoberemikonde.'' ²⁵ Nahibi baeke ro aunguke ro miyae helem nolora erewanyele na ijoku honson kaeuboke Allah re buma koloungeke eiboye. ²⁶ Ro miyae helem erewate Allah. re buma kolowainyele na fanggege yaele koibate elate, "Eha emeha hele mana ya ijoko erande yeuboke!''. (Lewi Yesus re hakoungeboke} ²⁷ Yesus bele anuwauka meukuke aloungekoke eiwoye pajakre yaroijate ro mbai Lewi yae kenai nyele erekeunge,pajak yarate umaene nekewoye.Yesus keneungekoke ''weunge rare hakotebo . ²⁸ Lewi nahibi ewaunguke nemene, nukeuboke hayeuboke, Yesus re hakoungeboke. ²⁹ Belera Lewi Yesus re hamam bulau kabam mokouboke naei imaene. Pajak re yaroijate yo, ro miyae helem ehiyo yaele mbainye nuwaikoke anewate. ³⁰ Farisi holona falem falem Yesus namota ohate yore olomo rorowate waimi, "Mekane ro miyae bulomo yo yaele mbainye nuwaukoke hamam anaube. ³¹ Yesus ye weumi, "Onomire nekate yo onomi re mokaimi yore ebaeyaei, ehane bulone kate yo yae baei jainyele. ³² Reyae mekale ro miyae wali himalanyoboke yore bam ro miyae nebamre mokoi jate yore kaeneremile menate, na u neihuwemmibonde. (Moni Buki u Heraweiboyate Maei A) ³³ Bele ro miyae Yesus re wainyele, "Yohanis na moita ohate yo roko mbai ba moni buki u heraweibi yate hamam heinyuyate yo yaele nembainye inyekate.'' ³⁴ Yesus ye weumi, "Meyae nahinggi ro mbai miyae neme reweyere, na ro miyae hokoimeyere na bulauke mate yo inyekete? ³⁵ Ya mbai mensembonde miyae neme rouke na nolora yaunganyehonde ende bele ya niyae moni buki nekenate.'' ³⁶ Yesus ahuba raweuboke a habeibo wanembae aruneuboke weumi, "Ro mbai na malo neme kayeukoube, na malo male hireye kayere hakam weube. Rake mekai mokoubobena, bele ro malo neme nebam bae mokouboke, malo neme foloukoke, malo male ranne eboikoi hangga, na yakala-n hayakala hele yembonde. ³⁷ Bele mekai mbai anggur bu eme anuwau malene erileiboi hangga. Bele anggur bu eme, kabam bende mokombonde bure rilate male kaye ferenggonde, himi yembonde. ³⁸ Hole moloiboite anggur bu eme, anuwau emene rilenggombe. ³⁹ Hinye yae anggur male anande kaye aneufike mo benem anggur emere annensindere, anggur eme aneufikemo eleye, Anggur bu male anande kaye, 'anggur bu hena mbai naei foi sele."'