YESUS LEBIH BESAR DARI PADA MUSA ¹ Pelene mare Allahye elembokombe wekembe holona aka beake, Yesus yeale mbainye Surga nekembere kanenggokombe romiyea romiyea,Yesus re nou nennele neyea Allahre abu ako nawaneng eai Imam Kabang yea wokande kiyea. ² Allahre holona yore imea ayea aruneuboke, na bere Allah yea elewoye a huluinye Yahudi romiyea Musare kalya mokoweke waneng mbai,Allah eleye a huluinye Yesus neai a eleyere hakainye romiyea foi neaite mokoumi. ³ Yesus na nene weawea huluinye yeite reaiboi emekai yeale Musare na haubihine bang imeare mokouboke aungunuke kiyeare ra yeisi reaiboi emekai yeale pele imeare aungunuke kiyearera. ⁴ Imea ainyuite naromiyea yeale,peleyeare Allah yea hambung hambung pele neaite nayobolo makoungehake. ⁵ Musa Allahre holona yo neai yebeai bubeai waneng mokowoye Allah weibounge huluinye mokowoye. Bena ya neai wali are huwewoumi. ⁶ Peleyeare Yesus Wali Ondofolo Allahre Kelu yea `Allahre holona yore Allah weumi huluijea me mokoumi. Eyea kena wauwau okoinya, naweneng Allah eleye a huluinye mokondere rabo elea halemandena,eyea Allah imea obe niyea. ⁷ Pelene Allahre Roh yea rake a eleukoke hului mokombombe rake ya meyea reai ako feauko wamalere boraubena. ⁸ Abuneai ateai neaite waneng mea kena elea uw elea okonnem mea nehahina a kala kala anuwaunge nekewate ne, Allah uw malire hubawoumi hee na kena uw elea yea nekewatene, Allahre uwoumi a huluinye ehakoiboi. ⁹ Pele anuwaunge abuneai ateai neai ralo yakama rorele uw bee, iybauw mehi mehi mokowoye na ijoko yea erewate horoyea reai eleye a huluinye mokorele neaite uwmali hubawaite. ¹⁰ Pele earene rake yore ikele isang koibeameale rake a yea eleukokale. Pele yona kena einye uw einye wali nalaiboke nibira hakoijate nawaneng reainya wali nibi kelewamealere iteayeiboi. ¹¹ Pelene Rakena ikele yea rake a holo koibeameale, "Pele romiyea Reai mokoungehakanale no yeiboi wali nibire eisubaikoi hului." ¹² Aka neai beake neai mai uw kaya hebembe, beneng uw mekai nebang mokombera, wali Ondofolo neai a eleyere hilarabo ehaleinye. Allah wali yeale kiyeare moi bulennembombe yeale. ¹³ Peleyeare eyea nammam elande, rake ya, yea mainolo uw ikaite ehiyea mai nebangde kena kaubere harayembe elea karebai jea mokonembombe kena elea uw elea mbea yembonde belene na ya beai a uw iteai wateai maite neaite homo mbai a mbainye ohomembe elemembe. ¹⁴ Nabemena wali Ondofolorena afoi feau foi borowande hee, Allah a eleye huluinye mokoyere hilarabo elea haleande hului nekemalena wali Ondofolo yeale mbanye nekemale. ¹⁵ Pene nekenayembe rake Allahre homo feana a na ranne moloukokale mbai rake ya, Reai ako feauko wamale meyea horaubena, "Kena elea uw elea yea okonnem mea, abuneai ateai neai jea Allah yea uw mali hubawoumi hee na neai uwboumi are ehakoiboi nekewate waneng." ¹⁶ Yo meaning hinye neai Allahre ako feako borowate horo, be elea uw elea yea Allahre koibanye? Musayea Mesir kanira yaweumiboke foibate romiyea mbai niyea yea! ¹⁷ Nawaneng yo meaning hinye neai ralo rayama rorele uw be hele Allahre kena ikelere mokowainye yo? Pele uw mekai nebang mokowate romiyea a kala kala anuwaunge heraikoke yo! ¹⁸ Pele be elea uw eleare koibate yore Allah rake ayea a holore koukoke pele romiyea mokoungahakale no yeiboi wali nibire eisubaikoi hului-Allah pele a mekai haraungeboke eleukoke. ¹⁹ Belene eyea iteayeanboke, pele yo Allah yea uwboumi are hilarabo ehalei earene. Neai mokoungehake no yeiboi wali nibi hubaikoite Allah eweaisi hele.