Keselamatan besar ¹ Pelene eyea foisele eremande, romambonde, aei anggaei borandeboke mekai pelewaneng mea eyea kobu kemene eimoloiboi. ² Nawaneng malaikat malaikat yea, Bele wali heere folaikoke are asasi kaikoke yo pele hubara heaita eyanei yo yeale,pele a huluinye ehe bukulu hakaimikoke, ³ Pele mekai beibatene-Allah yea ukeumi holere molommibondere nibina foi sele a feake moi bulemandena Allah eare me nommeyonde hele pele a feau nabemere Tuhan Yesus neneai jea iteayewoumi, Belera anggeai borowate yo eai Bukore mekate elewate, pele a feauke na hele ⁴ Nawaneng neai kaliare mokonate romiyea walora iybuaw yoniyoni emere emere naemekai jeale mokowate nanewaneng neai kena koukoke waneng neai Roh yea meli mekai romiyeare wahewoumi walora Allah kelewoumi pele afeau nahale. ⁵ Eyea are elande kani kela neme ennenulenggonde kiyea mere enaimimokonde neaite malaikat yoni yonira Allah ekinyeiboi ⁶ Allahre homofea einye ro ehiyea rake waneng haraungeboke noloukoke Allah, romiyea yoniyoni yeale neai orona mena yeale me ebeaiyo mbea nekate, peleyeare weyea nare ijoko foi sele roboijamea. ⁷ Weyea romiyea mbea mokoumibokea-malaikat yoniyoni nekate anuwauka ebi feng ane oumiraufikea-nare hilire enaimihebende neaite namekai bere enaimihinende neaite mokoumibokea. ⁸ Namekai weyea nuleubokea yoniyoni neai mekele uw kelene orolenaibondere moloumibokea Allah mokoumiboke hambung nemene fomene romiyea neai me kele uw kelene nekenate,peleyeare rake hee hambung nemene foemene romiyea neai mekele uw kelene nekenatere eyea ijoko ereiboi. ⁹ Peleyeare rake hee Yesus ijokore erannele kiyea, ya na fofo hele Allah yea mokoungeboke malaikat yoni yoni nekate anuwauka are oungeraufike. Peleyeare rake hee neyea nebang hubawoungera hereke beneng waleubokene, Ondofolo yea neare hili hebeyainye, nawaneng behineyainye. Allah kena buhea eare bang mea heumi uw mekai waneng nekeyene, romiyea earene Yesus hereke. ¹⁰ Allahre neai kenafoite mokonnele neaite nemene foemene yeaiboke nawaneng Allahre elea wake walora nemene fomene yeaiboke, Allahre na uw mekai huluinye na mekai mokonnele-Neai ukeunge meke romiyea hole molommile kiyea, wali hiyei ranembombe neaite, nebang hubawounge. ¹¹ Romiyeare mokommile Allahre kenafoite mokonainyele uw mekai waneng nekenate kiyea yeale, pele uw mekai waneng nekate.Romiyea yeale, Ako Mbai-pele earene Yesus fee bang hele romiyeare neai akabeake wa yea eleye. ¹² Yesus yea,Allahre weung "Reyea,weyea weukele ayea reai aka beakere eremiteayende-nawaneng jemaat uw nolo uw ikainye koibea yea ware ei ere molote." ¹³ Nabemekai Yesus yea eleukoke, reyea kena elea eisubawanale huluinye mokorende. Beneng Yesus yea, Allahre weunge; "Ereimobo,reyea namekai rare kinyeukeboke kelu omi yeale rakene hebande." ¹⁴ & . Walobo yun here mere ikeleuboke kiyeare nebangde mokonembonde neaite nawaneng romiyea nawali koko herere fee feameyate yo,neyea na hului pele fee ra ¹⁵ hayemmikonde neaite,Allahre kelu omi melem uw ha mbai jea Yesus yeuboke. ¹⁶ Nayakala yeuboke Yesus malaikat yoni yonire hakoumi bang, peleyeare Abraham de orona menare me beaumi yore hakoumi. ¹⁷ Yesus romiyea re yanekoi yare yea ei hawemmile nawaneng Allah a weunge hului mokoye Imam Kabande yembonde neaite, naweneng nibi mbai mokobonde romiyea neai nebang sabang mokaimekere Allah fanyemmibonde neaite pele me uw mokobondere Yesus na aka beake waneng mbainye yembonde. ¹⁸ Yesus neai uw umalire hubanyehike hee ne nebang hubawoungene neyea nahului umalire hubanaimehinde yore hakommiyende.