¹ Kristus meke aere onomi ikeume, belene yae, Naei yebaei bubaeite yaendeboke, benem moite eijae nekemayende ² Raeinya a wamale foi jae borombo, Reyae Paulus, mare wamale ro u huba folaikokere meyae hakombombena, Kristus na foi mare mokowombe nemene mebaei bam yeuboke. ³ Raeye benem mare wamale, hinye yae ro u huba nainyehake re hakombendena bele yo Taurat a eleyene hakainyeboke. ⁴ Taurat a eleyene mai wali hakaungeboke na, mai wali Kristusre ra wekaube, namekai kole-kole maemae, onomi honomi mai waline enekeyei. ⁵ Waeinya Roh yaele, maeinya hila rabo yaele, meyae nekande rakaende. ⁶ Yesus Kristusre einye, ro u huba folaimile yaele, ofoloi jaele, monye balengonde. Hila rabo Yesusre halenneleyae onoi roumale. ⁷ Na bere Yesus Kristus mare kaenenggokombe wali nibi ikembe, bele yare hinye yae mare ahembe? ⁸ Kristus yae mare kaenenggokombe bele u mekai Neyae omokoiboi hangga. ⁹ Mare wabeyembe yo ragi wanem bae a arunere bondere, ragi kending ken sele yae tepung kabam aleiboyate, bele ragi yae tepung nemene weye kabam yeibiyoye. Bele mekai mbai a faeu wabayembe, mai u benene eyesi hangga. ¹⁰ Hinye yae mai u bene wabene nebam mokonembena. Reyae bele ro miyae re ehe bukulu itemile. ¹¹ Bele neyae aka naei baeke naei, mekane reyae ro u huba folate a yae ro miyae ehire huwamaele, mekane rare a waukele? Bele mekainya, Yesus ohaline habaeikoke, me baeibam yembonde. ¹² Raei rabo halaele, ro miyae mai u benere bulaeyembe yo, mai jemaat nalora enaibalende. ¹³ Aka naei baeke naei, Allah mare kaenengge kombe ro miyae emere yaeubokaube. Bele yaere bele ro miyae eme yaubokeyae, hambum-hambum waei kena hului jae emokoyei jae. Bele yaere ro miyae ehire kena buhae yae hemmiyembe mokomembe. ¹⁴ Meka nebam, HukumTaurat ne moloukoke a faeu, nemene, homo fae mbaine mo moloukoke, "Kena buha rohi-miyae ehire haemile mekai mbai, waure naeimekai jae heungele." ¹⁵ Kayaa yaele yae ma wali maite maite hebembe, a nebam faeu nebam eleijae nekembe. (Roh Allah Kenare Koye Mekai Jaele Me U Nebam Mokale Yaele, Kikine Boikoke) ¹⁶ Reyae mare wamale, Allah rena Roh mare kelembe mekai jae ma wali harennebombe bele nibi niyae mare yawenembombe nibi nebam kaye moi hayennekombe. ¹⁷ Eyae ro miyae nebam helem mokowammile, beleneyae, kena re kojande kiyae Allah aere eyeiyei. ¹⁸ Bele mekai mbai hambum eyae kenare kojende kaye Allah Naei kena ekoyei nekejeyene yae eyae ehubayei nekejande. ¹⁹ Wali nebam kaye kenare okoi rake niyae, yoko kaimae, wali nebam nibi namekai wali nebamne enduwende. ²⁰ Walobo re hakonebonde, ei molonnele, kena nebam nakene ambonde, kena hensem, ikele isam, u maenggeuw, keu buli. ²¹ Kena hensem, bune annenende keu buli konde, namekai mehi-mehi bumbum. Mana mare benem a wamale, bele ro miyae wanem Allahre mekele-u kelere eyeiboi hangga. ²² Ro miyae Allah re mekele u kelene nekendena, Allahre Roh yae na waline maemae konnekonde nekendena na wali kena buhae yae mae mae nekende, rei mai annebonde, na wali ro miyae ehire kena foi moi nekenende namekai Allah afaeu hayaeukoke honate na waline nekenende, ²³ Nime haba, u herawembonde nekende. ²⁴ Ro miyae Yesus Kristus Naei kenare koye mekai yaeiboke yo, bele ro miyae naei nibi a foite mo mokeijate, nebam nibira haeinyuke. ²⁵ Allah Naei Roh yae keleumi wanem, bele wali wanem bae nekemayende. ²⁶ U maenggeu okoi jae nekemale, ro miyae ehimaei ahufui ehuweyei jae, namekai kena hensen ekoi jae nekemayende.