¹ Rake mekai jae ahuba arunerebondere, ro mbai herendena, naei hambum hambum honate, na kelu benare nukei biyounge. Rake kelu fa na kendingna, bele kelufa na wali nekende aei u mokoi jaele nehangga mbai. Nehalehele na akorena hambum-hambum nemene naei mo. ² Na wali kaya einyemo nekende, kabam yembonde namekai naeko ehe konnekonde. ³ Bele mekai mbai aei wali, eyae bulo walobore bammile. ⁴ Allah Naei ya merau raungehike yembonde ya, miyae maengge maei kou bulu yahi bulura mende yakalambonde Fa, Taurat eleye wali mekai jae nekende. ⁵ Yesus meke, Taurat kelene nekande yore onomi ikeume, Naei Kelu omi yae me baeumiboke. ⁶ Eyae nanemene Allah re kelu omire yaende bokene, Allah meke Naei Roh aei u einye aungeboke, eyae Nare a bannele, Abba, ya Bapa. ⁷ Belene yae meyae Naei u mokoi bam, Naei kelu omire yaeubokaube. Eya yebaei bu baei yo bam, naei sele eyae Allah re kelu omire yaendeboke. (Bulo Walobo Yae Mare Ewabeijae) ⁸ Na bere meyae Allahre ro oroiboi, meyae bulo walobo maei einye nekewaube. ⁹ Mana mekaube Allahre ro raungebokena, na wanem Allah mare ro rombokembe, bele yaere meyae baeubokaube bulo walobo re baumile? ¹⁰ Yahudi maei ya kabam, okone, ralo yakamane meyae mataei mo mokaube! ¹¹ Reyae buhae hokoike, mai aerene ra mene nibi bu nibi mokokokale haubibamre benayende. ¹² Aka naei baeke naei, reyae riyamale, raei wali mekai jae nekembere, mekanebam, reyae namekai mainya u mekai jae rokale nekale. Meyae rare u mekai himi ekeleiboi ja. ¹³ Meyae bene nekayembe ha, na bere hele mare a foi beme hele a foi faeu foi mare hubamale he, eha pulo raune koubale. ¹⁴ Raei una eha bolo hubawanale, mare umali mekai jae hubawaungele, bele yaere meyae rare enukeiboi. Bele yaere meyae rare Allahre u mokoi wanem bae mokowaukele, namekai Yesus Kristus Naei u mekai mbai erewaukele! ¹⁵ Mehae mekai jae kole-kole maemae maei u ne hubawaungele? Mai foi mokowaukele reyae ahubare huwele, namekai mai ijoko reyae keleikole yaroikole, meyae rare a ewei. ¹⁶ Mana a foi faeu mare wamalene rare yokeijo yae me baeukele? ¹⁷ Ro miyae ehi afoi faeu foi ehire huwai mile yo, a nehale mekai mekai mare hungayembe, bele mali kena re reungatere, bele yaere u bere nebam ba na waline mae-mae nele. Neyae heeyae dolate membele rambele ra. ¹⁸ Na doi sele ya, hambum doi temo mai u bene nekeyembe, bele yae mokom reyae mambele nembainye enekei hei yae. ¹⁹ Kelu naei omi naei foi, mai aerene benem ra u nebam hee hubanale, Raei u naei mekai rele rende, Kristusre u mekai wa mekai mai u ne hikaembonde miyae mbai fare honondere mekai ra u hubanale. ²⁰ Reyae kena kabam hele kale, mai nolo u kakainye nembainye nekemalere, mekanebam, reyae a namekai yae mare ukembe bele yeare reyae meka yae ukembe bam (Hagarre Sarare Wanem Bae) ²¹ Kristus aere onomi ikeume. Beleneyae eyae nehale ro miyae onomi mekai jae nekemale. U kaya hebemale, onomi yae mo nekemale, Ro miyae ehiyae ewasi jae eyae bulo walobo me kelee u kelee ne nekemale yaele? ²² Rake a wamalere, kaya foi jae hebembe, Musa rake mekai jae mo eleukoke Abraham na keluwa bee, kelu fa mbai nenake bae Abrahamre yebaei bubaei miyae, bele yaere kelu fa mbai nenake Allahre me kele keleena miyae. ²³ Kelu nake miyae Abrahamre me kelee ne nekeweke kaye nasom mekai nenake, bele yaere kelu Allahre me kelee na nekeweke miyae, na kelu honoke Allah yae nenaei jae ukeunge honoke. ²⁴ Rake ahuba mekai arunei bokale huwamale namekai miyae ²⁵ Miyea bee, rake niyae Hagar Sinai homunggae mekai Abraham re yebaei bubaeite nekeweke, Yerusalem yone na kelu onu hononayende. ²⁶ Yebaei bubaeite nekeweke, bele yaere Yerusalem surgana kaye, Yerusalem Allahre me kelee u kelee na kiyae, bele neyae aei nake miyae. ²⁷ Homo fae ne Yesaya rake wanem moloukoke, "Wa u ba kiho miyae, kelu omi ohonoi mo nekeyae kiyae, rei mai jae koi, fa hiyaunge buhae hubanae mekai roko mbai ehubasi kiyae rei mai me foka yae hayaeinya, mekanebam, kihone na molo ebim fem nukeunge boke miyea, kelu omi helem hononggonde, rone nekeye kiyaere kelu omi bam nekenggonde." ²⁸ Aka naei baeke naei, meyae nahemene Allahre kelu omi mo, Allah yae eleu meboke, Ishak re eleuboke wanem. ²⁹ Bele yaere Ismael yae Ishak re weitasi kowngeke, bele mekai rake hee. ³⁰ Allahre homofaene rake mekai eleye, "Yebaei bu baei maenggena fa yaele hukeimihi eibale! Mekamebam, Yebaei bubaeitena fa naeko mokongehake hambum neyae eyarakoi sangga, bele yaera Abraham re me kekee na miyae na kelu bele hambum hambum yaronggonde. ³¹ Aka naei baeke naei, eyae Hagarre kelu imobam, eyae Musare me kelee na ro miyae re yeandeboke nekande.