¹ Akha naei baeke naei, ro miyae mbai na wali wenendena, meyae Allahre Roh yaele yo, makena nime habaye bele ro miyae yawennehombe nibi foinye hannebombe. Bele yaere mai u kaya hebembe. ² Ehee yaele hambum eitike meitike yae wali nekembe, Kristus Naei kena koye wanem bae. ³ Hinye maenim na umbaite ereunge eleye, reyae ro nehaleyae nekale, bele yaere neyae haubuhibamsele, na ure nenaije ame kerebai jae mokoye. ⁴ Ro miyae mbai nenaeijae name u moko yere mehinim hangga rannehinde, nehale foinya, bele aerene mbei aiko konde, namekai ro miyae ehiyo maei waline mehinim kolonnele. ⁵ Haubuhinebam, ro miyae mbai naei wali nenaeijae nou henggonde. (Me Foi U Foi Nahibimo Mokomayende) ⁶ Yesus walilorena afoi faeu foite kelainyekoke kiye namena hambun foi maei kayere keleungekoke kiyere wahanete. ⁷ Ma ure ame karebai emokojea. Allahre ro miye yae ame karebai ewabeisi hangga. Hekena eha mele mele molande wanembai, ro miyae bele hangga mbai jae hokombonde. ⁸ Ro miyae mbai namele mele Allahre Roh yae naei kenare koye molondena na ani, Allahre Roh yae wali hena bona endowende. ⁹ Me foi ufoite nobam hebam mokomande, rilibo ehayeijae mokomayende. Naei ja mbai mensembonde, eyae naei ani emahokonde. ¹⁰ Bele neyae, weyae ikai hubayeukondena, mefoi ufoi aei rombai miyae mbaite moko jammile ema mokonde, na kabam sele aei aka baeke Yesus re einye yaendeboke yore mokomamile. (Paulus Na Homo Aruneiboite) ¹¹ Wa ijokoyae ereibo, rake utaei homo nakabam kabamsele raei meyae moloukokale. ¹² Mai ro u elare folonayembere waeli-waeli baete yo, ro miyae bumane kolonaimilere uwakeyae relaeinyele, Yesusre hakainyekoke aerene Yahudi ro miyae ne iwetasi konaimile yaelene, beleyae mare wabayembe. ¹³ Nabe holombai naei ro u hubare folaimikoke riyana, Tauratre mam hena are emokoyei, naei kena kate mai ro u huba folonayengkombena, bele ro miyae mbei aiko konate. ¹⁴ Reyae rei mai okoi hangga, Yesus aei walilo henalo Naei aerene nahinggi mbei korele. Yesure aerene, rake kani kela ohaline habaeikoke. ¹⁵ Ro u naisake, eneisainya haubuhibam sele. Na foi sele ro miyae eme Yesusre einye yeubokale. ¹⁶ Reyae ebeli banale, ro miyae nanemene mare kelamale a feuw mekai, Allah rena onomi honomi ei hawennembe, kena buhae konnembe, Israel yae naro raimiboke. ¹⁷ Na moi sunde reyae arundebondere reyae mare riyamale, rare kena himi emokondembae, haubuhinebam Yesusre aerene iwetasi koiwatena ba, ra u ranne namam nekate. ¹⁸ Onomi foka aka naei baeke naei reyae ebeli banale, aei Tuhan Yesus walilo henalo rena kenabuhae, mai kena ei u einye hawenembe. Amin