( Hak - Hak seorang Rasul ) ¹ Reyea Musare walora wali heere foloukoke huluinye ehe bukulu hayemmera me ruboukeboke. Yesus wali ondofolo neai abu akore yeubokale , Yesus eai Tuhande reai ijoko yea ereubokale, Reai kali mokowanalera mayeawalifodofolore hila rabo haleaunge. ² Meahea mekai horo romiyea ehi reai a rake waneng honate. Neyea wali ondofolore abu ako bang, Peleyeare mai bene reyea abu ako hele. Reyea huwamalera meyea wali indofolo re hila rabo haleaunge walora kelaumi reyea na hele Tuhande abu akore yeubokale. ³ Reai walire hului kolaitele romiyea rake a yea ukemile. ⁴ Meyea nahului bu hamam anemale? ⁵ Namekai wali ondofolo Abu Ako ehi yeale Kefas yeale Yesus naka beake wa yeale waneng Yesusre hila rabo haleunge miyea meangge mbainye koyere ohate waneng, meyea nahului miyea yeale ohomale. ⁶ Rambele Barnabasre nahului meai wali hambung de mai me eita riyahinde meai roibura mo bang yarakonde. ⁷ Felayo nemmene ro hi neai roibu yea wali hambung yennnele wali mbea pulo fela releainye. Anggur heke ro nemene bolure molaukokera anggur ani anate , namekai kambing neai nime yobate yo nemene pele kambing nime anate. ⁸ Reyea romiyea neai uw bene a feau huluinye mo eleikoi. Musare walora wali heere folaikoke homofeane namekai ambainye moloukoke.? ⁹ Pele homo fea ne rake a mekai molaikoke, Lembu gandum rangne haungeboko oro yea alende hee, Gandum koo ebingkeng ra belenate erende kena konkonde anendena neuga eiaruneijea. Lembure mo hole molommi lere Allah ra a eleikoi. ¹⁰ Eai neaite Allah pele a haraungeboke-eleukoke haubihine bang na mekai sele moloi moloite malate romiyea nawaneng anire malunate ro miyea rabo eleahaleneinye pele kaliara ani, Neai kayee yaronate. ¹¹ Meyea mai wali einye Allahre Roh neai ohaka meleme kolandekokene, Na mekai sele mai wali hambung de mai me eita yaromale? ¹² Mayea romiyea ehi mai nolone kalia mokate yore hambungde yemmilere na mekai sele mayea feare feare yea meare yemmelere meahea waneng horoye yea ya na wali hului jea meyea nahului wali hambungde mare riyemale yea re, Meyea eriyeijea nekande. Yesus wali ondofore a foi feau foi huwejaetera hung ramami hinde yealene, Meai kena kande pele hambing yoni yoni mai roibu yea yaromale. ¹³ mayea maiteai hele Allahre imea na kabang hele kiyea naeinya kalia mokate yo pele imea einya hamang mea wali nekenate namekai Allahre hili eha akau ehare onggou yea felaine anuwaunge kali mokate yo ple anuwaunga hamang mea nawali nekenate. ¹⁴ Pele hului Tuhan a hokoukoke wali ondofolo re a foi feau foi huwenayende romiyea pele afoi feaufoi hakonate miyea wali hambung inyaimile yea nawalere nekenate. ¹⁵ Peleyeare reyea roko mbai reai wali hambungde mare eriyei nekale, Namekai rake homo moloukokalene rake hee yea mayea pele hambung rare yendekombe neaite eharaiboi omoloikoi-neai foi sele reyea herele reai wali hambung de mayea eyei jea mai nolone kali mokale earene uwre ekeai. ¹⁶ Peleyeare wali ondofolore afoi feaufoi huwamalene reai uwre ekeai hului haubihie bang pele a foi feai foi huwameale neaite Allah yea reai baka ranne kinyeukebokene. pele afoi feau foi ehuweinya, Reai uw yea kabeukokale endewonde. ¹⁷ Reai kenare kele huluinye pele afoi feau foi huwkemilena, reai roibu pele kalia mokorele walora hobendekonde. Reyea kenara okoi hului pele afoi feau foi huwkwmilena Allah pele kaliare real baka ranne kinyeukeboke huluinya mo mokorele. ¹⁸ Meahea waneng mea reai roibu hobendekonde ? Rake niyea, reyea nahului wali ondofolore afoi feaufoi wali hambungde waneng ereyei jea huwkemile peleyeare huwameale ro ro yea reyea na hului wali hambungde riyenrensimbe. ¹⁹ Reyea wali hambung de riyensimbere me ruboukeboke nawaneng ehi yo neai yebeai bu beai enekeyei horo yea, romiyea hele sele yaweremobonde wali ondofolore hila rabo halenainyele neaite reyea romiyea nanemene neai yebeai bubeaite yea nekale. ²⁰ Yahudi ro miyea wali ondofolore hila rabo haleneinyelere yaweremibonde menate neaite, Reyea Yahudi romiyea yea nekale-Musare walora wali heere folaikoke me keele uw keelene nekate neaite , Reyea pele a honatere hubara heaita yanate ro miyea yea nekale, Peleyea pele are me rouboukeboke. ²¹ Musare walora wali heere folaikoke ehakoiboi romiyea wali ondofolore hila rabo heleneinyelere yaweremobonde menate naeite , Naei nolone reyea pele yo yea nekale. Na hele Allahre wali heere foloukoke na me kelee uw keleene nammam nekale. haubihine bang, reai wali Yesus weuke a huluinye nekale. ²² Hila rabo elea bang yo reyea na hului wali ondofolore a weumi huluinye nekenatere yaweremibonde menate neaite, Neai uw nolo uw ikainye pele yo yea nekale. Nibi mehi waneng einye hareibole ehi yore hole moloremibonde neaite , Romiyea nenemene na nekate wali mekai jea eisaraiboyanale. ²³ Wali ondofolore hila rabo haleate romiyea hubainye foi yoni yonire rambele hubarende yea naeite. Wali ondofolore na afoi feau foi earene wali mehi mehi yea nekale. ²⁴ Meyea maiteai hele habelenate heene pele ate yo nanemene hakoi koyate peleyeara mbai keng de na roibu hobenanyekonde pelene waei be haraungebonde roibure hobenayeubote waneng mbea hakaubone. ²⁵ Wanggo konate yo elea renenainyekonde neaite kena heraungaibonde yea uw re elea mokonaimile. Ro miyea nahului nebangde yembonde me buhea yaronaokonde neaite, pele uw mekai mokoiboyate. Peleyeare me behua nebangde eyeiboi hului yaromakonde naeite elea yea releannele. ²⁶ Pelene reyea anuwau mbaite be habaungebokale hebealale merulu wanggore kate waneng naisong bang reyea oboi. ²⁷ Reyea ro miyeare wali ondofolore afoi feau foite huwkwmile beansonde heene, Reyea me buhea na hului jea roukele neaite uwre elea releanale haranale reai kena foite huluinye mokorele.