( Makan Yang Diprsembahkan Kepada Berhala ) ¹ Mana reyea hoime bahere hili eha akau ha wanende kinyeuboke hamam naeite iteitembhebean. Pele hamang anate neaite eyea nemene iteaihebean yeale ro miyeare hubanne- na uw iteaihebean yeale erate ro miyea embeite aiko kate, Peleyeare ro miyeare kena buhea heami romiyea pele heami romiyeare na hila rabo amminunde. ² Romiyea neai uwre iteai hebean yeale elateyo-wali nekate naeite hambung heleng na mekai jea iteayeiboi. ³ Peleyeare Allahre kena beheare heainye romiyea Allah iteayeuboke pele neai holona. ⁴ Pelena , Reyea hoime bahare hili eha akau earare kinyainyeboke hamang anate beaite rake a wamale eyea iteai nekade home bahe yoni yoni haubihi bang mbai na mekai Allah mbai keng hele. ⁵ Nahele yaku bumana rake kani kelana allah yea , tuhan mea keaimi yoni yoni heleng buleng. ⁶ peleyeare eai neaite Allah mbai keng, Neai eai ako, Rake kani kela yeale hambung neinya yeale nuleungekoke kiyea, Neai earene eyea wali nekande na mekai eai neaite tuhan mbai sele Yesus wali ondofolo niyea neai walora habung nemene mokowoye namekai neai walora eyea wali nekande. ⁷ Pele Allahre are romiyea nanemene iteayeiboi. Na bere neyea pele hoime bahere ei molaimiyeke earene rake hee bee hili eha akau ehare kinyainyeboke hamande anenaikondena, na kena uw einye na ijende neaite weunge a elea banne, Nebang mokaikoke waneng hubaninyele. ⁸ Neai nehesele Allahre kena foite mokomande nibi hamam walore eyeiboi anemakone el aneikoi nekemale eai uwre foi neai. Nebang neaite omokoiboi. ⁹ Peleyeare hoime bahere hili eha akau ehare kinyaiboke hamam aneye yea mokommile hila rabo elea bang yore oro halung mbea woumiyonde yeale buhea buheare kombe. ¹⁰ Kena uwne naijeng neaite weunge a elea bang holona ro mbai weyea wali ondofolo wali nibi are iteayeuboke rore erenete hoime bahere eite molaimi imeane enayeane, pele ro yea rabulembonde na kena buhea buhea yea konde pele hamang powende anenggonde. ¹¹ Weai iteai hebean mea aka beake hila rabo elea bang ro Yesus wali ondofolo neai earene hereke kiyeare kena uw na ijeng eleye are asasi koukoke. ¹² Pele uw mekaijea wali ondodfolore eita aka beakere mokommile na kena uw ne na ijen neaite weunge alea bang are asasi konatena, Mayea wali ondofolo ro be yoinye a mekai nebang mbea mokombonde. ¹³ Pelene reyea anale hamang mokoremibonde reai wali ondofolore einya aka beakere beneng uw mekai nebang mokoremibondena beneng oro halung mbea yeyea woronde yealene, Reyea beneng walobore hili eha akau ehare kinyaiboke meleng emanei nekerele.