( Belajar Dari Kesalahan Israel ) ¹ Aka beake neai nehahina eai yobe neai Mesir kanira aibaleke heena beibatere reyea beneng mare iteaitembombere, Pele yo nanemene Allah nekewoye manggo kelene ohowate nawangeng Allah yea bu moko wekeunge nolora oro yea faimeaiboke. ² Rake hee romiyea bu koumi iwau yea keleaimi wali ondofolo neai yun de hebeye waneng. manggo iwau yeale bumoko iwau yeale keleimboke Allah yea eleuboke Musa pele ro miyea neai yunde hebende. ³ Pele Mesir kanira aibaleke yo nanemene Allah yea iwoum hamamng mbai jea anawate. ⁴ Nawaneng nanemene Allah iwoumi bu mbaijea anewate, pele Allah iwoumi bu rukara rilewoye. neuga Allah iwoumi rukara bu anewate waneng , na kena uw rukara anewate. Pele ruka mbai wali ondofolo. ⁵ Allah nare hamang yeale bu yeale iwoumi horo yea, Pele romoyea a mulun mulun yeale elewai. pele romiyea heleng na here no a kalaka;ane hereayaiboke honowete, haubihine bang Allahre kena foite omokoinye ⁶ Eyea iteaimabonde pele yo hambung nebang kena mbea yobaimokoke wanen eai kena mbea yobommebonde yealere pele hambung benate. ⁷ Na mekai pele yo yea neaite bahere Allah wanengei molowaimi waneng mea omoloi jea, peleyo neaite rake wanneng molaikoke, pele yo kabang yang kabang raiboke, hamang bu anaikokera ainyuke Allah ikelere mokainye me uw keleainye. ⁸ Pele heene ehi yo yoko kaimea koibatene, Ya mbai mo 23 ribu romiyea neai nolora heraiboke. Meyea yoko kaimea okom bea. ⁹ Na waneng pele hee ehi yo yeiboumi hammamde kena bang elewate yea Tuhande uw mali hubannyekene rani yea akewate herewate meyea Tuhande uw mali ehumannem bea. ¹⁰ Na mekai pele heena Allah foi mokowoubi yeare, peleyeare ihi yo a mulum mulum yeale elewatene. Malaikat yea pele yore houkoke mayea a mulum mulum yeale elem mea. ¹¹ Eai yobe uw mekai nebang mokowate waneng mbai eyea mokomale yealene, Rake yo neai uwne beibate yoni yoni nenemene iteai mabonde, Neaite , Homone molaikoke eyea Allah merauke haungehike huba mokoi koi yane wa nekando yo. ¹² Pelene uw mekai nebang mbea wabenembe embalembe yeale, Hila rabo elea haleaube yea elaube romiyea uw kaya yea hebembe. ¹³ Uw bene nekenayembe, mai wali einye wabenembe uw mekai nebang nemene ninea romiyea ehire wabaimihike. Na mekai Allah neai eleye a huluinye mokoye kiyea, Uw mekai nebang wabenengkombe yoni yoni hila rabo nebang mokonanyebonde neaite Allah eweaisiy . pele uw mekai nebang wabenensimbe hee omokoi neai nibi alonensambere allah yea inyembe. ¹⁴ pele earene reyea kena buheare heamale aka beake, Hoime bahare Allah waneng mea ei omoloimmi mea. ¹⁵ Rake a wamelere mayea iteai hebean yeale romiyea waneng, Ame karebai naei, Na hele naei, menaijea hokonnekombe. ¹⁶ Jemaat ne rokoyea rokoyea koleai anggur bu yeae yaroikoyande , Allah re heleng foi wannelera aneisiyande nawaneng feu kayande aneikoyande eyea nare hila rabo haleanne ro miyea earene Yesus neai okiy rileu ngebokere heleng foi uwmande neaite. pele anggur bu anemale pele feu anemakondene eyea yesus yeale mbainye nekade neaite wo kande. ¹⁷ Feu mbai keng selera eyea heleng mea aneikoyande . Eyea uw mbai yandekoke , haubihine bang eyea feu mbaita nanemene anandekoke waneng ro mbai Yesus weume a huluinye nekande. ¹⁸ Israel romiyeare ijoko eren, Allah hili akau ehare itukai rande onggou filate haman anate romiyea allah ei molainye. ¹⁹ Hoime bahere ei molowaine hambung yeale pele hoime bahe yeale Allah waneng neai a reyea wamamle bang. na hului bang sele. ²⁰ Allah oroboi romiyea walobore ei moloiboite hili eha akau eha onggou felaim. Allahre ei molainye bang. mayea walobo yeale mbainye nekembe neaite, Reyea kena bang sele. ²¹ Meyea Tuhan de yeale, waloborena yeale hamam yeale bu yeale yembe bu enengkombe anensimbe waneng na kulung mbai, Neyea wambe a huluinye enekei bulai. ²² Pele wali waneng nekemalere relemanggondena, Allah kena henseng konde Allahre elea eyea ehamekoi huluinye, Na foi sele neai kenare koye huluinye nekemale. ²³ Reke hee eyea Musare walora wali heere folaikoke a hului ehee bukulu hayemmera me ruboume boke, peleyeare eyea kena kendere haraime yoni yoni nanemene foi bang na waneng eai wali ondofolore eita eai aka beake neai hila ainyui. ²⁴ Hi yea ha yea neai uw mbaite foite mo eoleijea . Ehiyo neai foite yeale olende. ²⁵ Obo yoku meleng naite heate anuwaungan yea yarombe walobore hili eha a kau ehare mokainyeboke omokoiboi neai a ehinei jea . ²⁶ haubihine bang Allahre homofeane rake waneng molaikoke, rake kani kelaeinye hambung yoni yoni Tuhan neai bangga mo. ²⁷ Wali ondofolore hila rabo ehalei holona ro yea hamang mbainye anakobere rinyeisitena, waei kena koyeana, Koloikokete hamang amandemo anaye. ²⁸ Peleyeare ro mbai jea ware ungete, Pele hamang walobore hili eha akau ehare onggou felainyebokera yaraikoke mekate, a re ukete ro foi neaite, Nawaneneg kena uw na ijen neai weunge a hole moloungebonde neaite, pele hamang emeanei jea. ²⁹ Neai wamale kene uw naije naei wete a weai bang, Peleyeare a rewete kiyeare neai. Musare walora wali heere foloukoke a huluinye, Ehee buluku hayemmera me ruboukeboke, ehi yo neai kena uw na ijen naei weumi a yea reai walire hului okoloi sului. ³⁰ hamang yoni yoni Allahre heleng foi yeale wanele anale bambea, na meaki bang hele romiyea ehi pele hamang analene aukeakea kaitele. ³¹ Pelene mayea hamang bu anembe waneng , Me uw nanemene mai uw mekai wa mekai haran nele mokombe waneng, allahre hiu hebennele neaite mokombombe. ³² Yahudi romiyea yeale, yunani romiyea yeale. Allahre jemaatna ro miyea yeale, mai wali waneng erenayembe oro halung mbea wommiyonde yeale mai wali na mekai jea nekembe. ³³ Romiyea nanemene na hibi hibi neai, kena foite reyea releanale wali waneng bune wane hamenengkombe, pele yore hole molommibonde naeite naei foite beaye , reai foite beai.