( Dosa Seksual Dalam Jemaat ) ¹ Romiyea mbemba yeufike huwate mai Jemaat nolone ro mbai me uw nebang hele mokouboke neako miyea uw mbainye honowote pele uw mekai waneng nebang hele, Allahre eroiboi romiyea nolone emokoye waneng. ² Peleyeare mayea nammang ukeai keaube, Na hele mai baka ranne holone mayea kena nebang uw kombe, Namekai pele me uw mokouboke ro mai jemaat uw nolo uw ikaita hukenehimbe enduwende. ³ Meahea mekai horo rake hee reyea mai uw nolo uw ikainye, eneke, Peleyeare mai neaite uw bene heleng hele nekaite, Reyea mambele mbainye nekande waneng pele rore me nokanale. ⁴ Meyea Tuhan Yesusre ro yea jemaat mokombombe hee reyea kelewamale a re uw bene nekenaisimbe namekai Tuhan yesusre elea hubaneasimbe yane. ⁵ Pele rore nebang hubannele neaite walobo yunde kinyenembonde pele mekai jea re neai nebangde kena heahea koye haraunge eleare nebang yembonde namekai Yesus wali ondofolo bensonde mende hee nare hole molonembonde. ⁶ Mai jemaat na uw keabe uw mekai foi bang hele ragi ebinggeng yea tepung kabang mokoibinnebonde mai jemaat kabande nebang yembonde. ⁷ Mekai nebang ro miyea maei jemaat nolore hukkennehimbe, ragi male womombe waneng nehanina Yahudi ro miyea Mesir kanira aibaleke heena Allah ukeumi neai ragi nemene imeara kanaimikonde namekai pena fafare ohoite domba kelu honate yea imea romuke na okiy yea rilembonde Pele domba waneng mea wali ondofolo eai earene haoboke. ⁸ Belena mem neyea mokouboke earene eyea Yesusre einye aka beake eaite neaite u yeale wali nibire hakomale yeale yea reai mai komale mayea nenamde benate me u omokoijea, Namekai u mekai nebang omokoijea. ⁹ Moite wokannele ne homo moloukokale einye mare a u iteai ukamale yoko kaimeare koijate ro miyea yeale homo mbai ohoyei jea. ¹⁰ Rake kani kelana wali nebang nibi ohate romiyea nenemeng pele a mekai haraungebokale bang, Pele ro miyea rake me u mokate yoko kaime koijate ro miyea meai hambung de kena heahea kojate, Ame karebai jea wabate hoime bahere el moloi jaimile. ¹¹ Pelene reai mekai rake a mare haraungebokale wamale, romiyea wali ondofolore eita mai aka beake yeaubokere eleye yea re peleyeare yoko kaimea koye , Romiyea neai hambungde kena heahea koijeye homime bahere el molomi, romiyea ehire a nebang feau nebang huweye keu bu mali koye , Ame karebai wabeye , Pele uw mekai bele romiyea manbele homo mbainye eyohoije namekai hamang mbainye eianeijea. ¹² Jemaat moinya romiyea nawalire hului kolorelemile neaite reai baka rangne bang. Peleyeare jemaat nolora romiyea nawalire hului kolaimile neai mai baka rangne honoye. ¹³ Jemaat moinye romiyeraee Allah me emminononde . Peleyeare Allhre homo fea ne rake mekai molaikoke , Romiyea uw mekai nebangde mokate yore mai uw nolo uw ikata hukemmile.