( Pelayanan Utusan-Utusan Kristus ) ¹ Pelene wali ondofolore yebeai bu beaite namekai Allah nunne heraweu boke honayeke merauke haungehike are feauke huwaumyeinyendere meai baka ranwe raumehike yo yea meare eremmele. ² Ya ya mokate huluinye a feam baka ranggne haungehike ro are ukeunge kiyeare a huluinye hakonde mokonde hele. ³ Meyea ehi yo yea namekai reneaijea reai walire mehining raisi neaite haubini bang mea erenale. ⁴ Reai kena uw na ije neaite weuke a foi mo weuke, Peleyeare reai uw mekai foite reyea eleikoi hului, Tuhan mea reai walire mehining ransehinde. ⁵ Pelene Tuhan mende ya nammang mea , Meyea romiyea ehi, neai walire mehining okoijea hele, Tuhan mende yane oubeng nolone uw mekai nebnag felaimiyeke hinayeke, yoni yoni neyea a yakalane mokommibonde nawaneng kena uw einye merauke kolaniye uw mekai pele hului jea wa Allah romiyea ehi neai amikande ( ehi ehee bukulu emmihayende ) ⁶ Akai neai beake neai meyea reai wali iteayembombere homone molaikoke hului mo ebarai boi jea, Neaite reai uw ne yeale Apolosre uwne yeale kelewale. Mai uw mekai hele iteayembombena, ro ehi ro yeale roibainye yea nekendere maeye erei. ⁷ Ro mbai sambai mare ro yeale roibanyere erei ! Mainya honayembe ? hambung yoni yoni nanemene Allah yea ikembene. Na mekai bang hele waneng uw keaube. ⁸ Mai u bene nekayembe hului jea meyea kani ehine nekewande yea, Mai roibu walora wande yeaiboke, eba he yeale ondofolo kotere yeauboke nekaubere a yekele yekele kamale, Reyea kena meyea na hului nambele mbanye ondofolo kote yea nekaube. ⁹ Haubihine bang reyea hubanale meyea wali ondofolo abu akore Allah mokoume bokkene ro bang hele yeandeboke herenate hele a rukrne honaibonde anuwauke etere ehi yo yea isane erainye waneng mea kung waunga erate yo nemele MAlaikat yoni yoni yele ro miyea yeale. ¹⁰ Wali ondofolo earene meyea koburomiyea yea eraume, Peleyeare mai uw bene nekayembe wali ondofolo eniya waneng mea iteai hebean yeale ro miyea mbea nekaube. Meyea male uw yambi uw ro miyea peleyeare mauea lela wake yeale romiyea yea hubaungele. Maite neaite be hineyaube peleyeare maere be ehineiboi. ¹¹ Meke rake hee yeale yea moni buki releimeyanele, Malo kalo moloyeumera hauwbuhea oleaime nawaneng nekei nekei anuwau bang ohande. ¹² Hamang uhei eheite roijea buyea beaijande. Meare a nebang waimere meyea afoi jea beisoyammi, Meare weitaise kaimere meyea kena yea heraweyandene nahibi wali ondofolore hila rabo haleyanne. ¹³ Ro miyea meai a huwfuw wea huwatere meyea a nime haba yea beisoyammi-meke rake hee yeale meyea ro bang, namekai retara waneng mea beaimele. ¹⁴ Rake homona moloukokale nanemene mare fee re mokorembombere bang peleyeare mayea kena buheare heamale keluonu wanenne a uw iteai fe ukengkombe neaite. ¹⁵ Meahea mekai horo wali ondofolo re einye mare holoyembe yo heleng pele yeare mayea ako hele bang, wali ondofolo afoi feaufoi reyea mare huwamalene, Reyea mai akore yeubokale. ¹⁶ Pelene reyea a uw iteai jea mdi huramale reai bunewane hamenele. ¹⁷ Pele earene reai kelu waneng buheare heanale kiyea, Timotius namekai Tuhan weunge a huluinye mokonde kiyea mai pokore ukanale endere neyea endemo mokonembe reyea Yesus wali ondofolo yeale mbainye nekende wali waneng mare beneng iteinyembonde, Pele wali waneng mbai Jemaat newene foemene kelewa meale. ¹⁸ Reyea iteayeubokate mai nolona ro miyea ehi reyea beneng mai bokore ebeisoi emei hului jea hubainyene, embei aiko yeale kate. ¹⁹ Peleyeare Tuhan kena kongkondena reyea nahekibang hele mai bokore erele, Pele hee yea wa pele uw meanggeuke kate yo neai a eletere reyea iteaitebonde namekai Allahre Rohyea elea ikeumi, Eyei ererebonde. ²⁰ Haubihinebang romiyea nahele Allahre me kelee uw keleene nekatre ro miyea a elate walora ekelei, Peleyeare neai kalia Allahre elea yeale mokate walora kelenai mile. ²¹ Mai kena meahea mekai jea kaube , Mai bokore merele haubea boi boi oki yeale, Mare kena buhea herembene kena uw nime habayea uw mekai mokorembe-meneaijea mo elenggo.