( Ketidak Dewasaan Dalam Jemaat ) ¹ Akaineai beake neai, Reyea huwamale hee Allahre Roh a re weumi huluinye nekate romiyea waneng bang, Peleyeare rake kani kelana wali nebang nibine ohate yo romiyea manemfa hele fafa wali ondofolore hakowainye yo waneng mare kelewamale. ² Nime hele wayeufare neisoyainye waneng mea, a nafomafoma kelewamale, Haubihine bang meyea wali ondofolore einye uw elenaiboi nekewaube namekai nammam nekeimiyaube. ³ Nammang hele rake kani kelana wali nebang nibine ohate romiyea waneng mai uw mekai mokoimeyaube. Mai uwnolo uw ikainye kena henseng kaubene namekai aku haubene mai wali nammang hele rake kelena wali nebang nibi ohate romiyea huluinye nekaube ⁴ Romiyea ehiyea elande , reyea Pulusre hakanane, nemekai ehiyea elande reyea Apolosre hakanale, Pele uw mekaijea meyea nammag wali ondofore einye ehenaiboi romiyea hosoro wali mekai mo nekaube. ⁵ Apolos hinye ? Reyea Paulus hinye? meyea Allahre yebeai bubeaite nekende-Allahyea ukeumi hului uwbayembe walora miyea wali ondofolore hila rabo halewaunge. ⁶ Reyea mai nolone bolu moloukokale, Apolosyea bu hereayende peleyeare Allahyea kitenate neai eleai elea yeumi. ⁷ Pelene molate yo yeale, Bu re heleyeaayaimi yo yeale haubihi bang Allah mbai kitena neaite eleare yeumi kiyea na ro yeale. ⁸ Moloi moloi na yo yeale bu hereai hereaite holona yo yeale uw bene mbai harainyebo. Namekai nakaliare mokowate huluinye na roibo enaijaronde. ⁹ Meyea Allahre heke waneno nekaube. Meleyea ne mekai Allah imea waneng nekaube, meyea yea Allah kaliare. ¹⁰ Imea heate iteaito hebeando imea earure na mekaijea mokoye waneng reyea Allah kena buhea earebang mea heiboke kiyea a weuke yea wali ondofolo afoi feaufoi mare huwamale. Pele imea earu reyea yea raufikale, Ehiyo yea randa ananyunde. Reyea earu ranne hende romiyea na hende waneng foijea erenengkonde hele. ¹¹ Haubihine bang Yesus wali ondofolo nembai hele pele imeai neai earure yeuboke ro ehi miyeaehi yea earu ehire ehaisi hului. ¹² Yesus wali ondofolo earure yeuboke, imea ainyuite ehiyo emas yea ainyunuke , Ehi perak yea, permata yea, o yea , kee yea hung mea. ¹³ Pele romiyea imeare ainyaiyure kaimi hambung yoni yoni Yesus wali ondofolo mende heene nayakala hele yakalanaibonde. Pele kalia mokowate neai hambungde iy yea umali hubanaihinde. ¹⁴ Romiyea mbai imeare aunguke hambung iy naunge himi eyeiboi nya pele romoyea na roibu endowende. ¹⁵ Pele imaere aungunuke hambung yoni yoni iy naunge ne hukelembonde na pele romiyea kalo mbea hubayenggonde . Neai uw hole molonembonde peleyeare namekai waneng romiyea i feau kabang nolora eufeauboke waneng. ¹⁶ Meyea mateai hele mai uw Allahre imea obe, namakei mai uw einye Allahre Roh nekeye. ¹⁷ Pele earene romiyea hinye Allahre imea horombondena, Allah pele romiyeare nebang mokommbonde haubihine bang, Allahre imea obe yea neai hambung honoye, mai uw na yea Allahre imea obe yea nekaube. ¹⁸ Mai uwre ame karebai erenmbea mai uw nolo uw ikaine ehi yea neai uere rake kani kelana wali nebang nibine ohate yo neai iteai hebean yeale elendena, Neyea Allahre iteai hebean yeale yembonde neaite neai foi sele pele uw bene waneng wononde rake kani kelana wali nebang nibine ohate yo erami kobu ro miyeare yembonde. ¹⁹ Haubihine bang rake kani kelana iteai hebeande Allahre kobo yea ereunge Allahre homo fea rake mekai molaikoke, " Allah weamehike neai uw iteai yeale elate romoyea pele iteai hebean bea nauwre alangga mbea woke. ²⁰ Namekai rake waneng homo feane molaikoke, " Na uw iteai yeale hebean yeale elate yo yea merauke koloyainye uw bene wa bene nana hele nanemene foemene haubihire eyeiboi neate Tuhan neaite." ²¹ Pele earene rake kani kelana iteai hebeande iteaikoke yore hakaimilene uw keai ekeaijea hele, Wali ondofolo yeale mbainye mekaube yea nemene foemene mai hambungde. ²² Paulus, Apolos, Kefas rake kani kela, wali here, rake hee nekade bena ya honoifiyoyere hee, nanemene foemene mai bangga mo. ²³ Meyea wali ondofolore neaite yeauboke , Namekai wali ondofolo Allahre neite yeuboke.