( Iman Yang Berdasar Pada Allah ) ¹ Aka naei beakenaei, Allahre a feau ke huwkembere reyea mai bokore mekale heena ahuba huwamale beanggo yeale waneng bea yea omokoikoi nawaneng iteai hebean bumana yeale yea erenaitele waneng mea ekelei. ² Haubihine bang reai a hokoukokale hukunye, Mai bokone erenbonde hee, rake a feauke mo huwerembe, Yesus wali ondofolo ahaline paikoke hekere yea romiyea wali hena uw mekai hubanainyende nibi mbai mokouboke, a ehi ehi mare ewei. ³ Mai bokone ekale hee reai u yambi koluweukere koibale. ⁴ Ro miyea neai iteai hebean earene bang pelene Allahre elae earene meyea hila rabo halaennele. ⁵ Raei hila rabo halaele, bele ro miyae maei itaei jae bam, bele yaere Allah rena elae wake meyae mokande. Allah elae wake, itaei haba Roh yae yeume. ⁶ Mai nolora wali ondofolo re eita uw henaiboke yore meyea Allahre iteai hebean keleammile, Peleyeare rake kani kelana wali nebang nibire ohate yo neai iteai hebean yeale rake kani kelana haubihi bang inyaibonde mere mokaimi yo neai iteai hebean yeale meyea ekelei koi. ⁷ Meyea pele Allahyea weane nenne huraweuboke honoweke iteai hebean de huwayembe eyea nahulu nene weane yeale nekemale naeite, Rake kani kela Allah me enuleiboi heene. Neyea rake iteai hebean mokoungehake. ⁸ Rake hee na ondofolo yoni yoni nemene Allahre iteai hebean itiang nekewate neyea nateijea nekateyea, Tuhan nene weawea yeale kiyeare ahaline oboikoi hele. ⁹ Pele yeare Allahre homofeana rake waneng molaikoke, " Allahre kena buhea heanye yore neyea relahi yea mokoungehake hambung de ro miyea ijoko roko mbai ereibo, Anggeaije oboroiboi, namekai ro miyea neai kena u eita eyakalaiboi nekeimeyate." ¹⁰ Allah merauke haungehike nunne honayeke hambung Allahre Roh walora aere iteayeumeboke, Haubihinw bang Allahre Roh yea hambung yono yoni nemene fomene hame yeumine. ¹¹ Romiyea uw nekainye hambunde pele romiyea na kena uw mo neaite nekeye ehiyo itiang. Pele hului mbai Allahre uw bene nekainye hambunggdo romiyea yea itiang, Allahre Roh mo neateai. ¹² Allah yea nakano yeiboime hambung yoni yoni nanemene eyea iteamabonde neaite, Rake kani kelana wali nebang nibine ohate romiyea neai iteai hebean mea , Pele yeare Roh yea ikeu me. ¹³ Allahre Roh yeale yore Allahre neai a re huwaimile re. ROhyea neai iteai hebean hului jea meare ekelei. Peleyeare Allahre Rohyea keleume meyea Allahre Roh a weume nibi huluinye neai nehele a feake ikelewammi. ¹⁴ Allahre na Roh bang romiyea pele Roh yea yakalaumi a re nahele eyelei haubihine bang pele hambung yoni yoni a bangga mekai erami pele romiyea iteayeiboi hului. Haubihine bang pele hambung yoni yoni Allahre Roh walora mo hamenaimile. ¹⁵ Peleyeare Allahre Roh yeale romiyea yea hambung hambung nemene hamenaimale, Peleyeare ehi yo yea neai uwre ehamekoi hului. ¹⁶ Allahre homo feane rake wanemg mea molaikoke-romiyea mbai sambai Tuhande a utea wennekonde, Neatea uw benena nekainyere iteayeaibonde -peleyeare Allahre Roh ikelewoume " Wali ondofolo re hambungde iteayeye waneng " meyea iteaimale.