¹ Paulus Allah yebaei-bubaei, Tuhan Yesus yae kaeneungekoke, namekai Sostenes aei aka baeke mbai. ² Jemaat Allah, Korintus yone nekaube yo, mare onomi Yesus Kristus yae ikembe, ro myae ne hale re yembombere. ro miyae ehi yona Tuhanre ro re kaeneijate yo, aei anuwaunge nekate yaele, naei anuwaunge nekate yaele. ³ Onomi hele mare wamale, namekai Ako Allah rena rei mai namekai Tuhan Yesus Kristus rena. ⁴ Reyae Ako Allahre buma kabam kolanale, haubuhi nebam, mare Yesus Kristus re eita mare onomi yembe aerene. ⁵ Meyae hambum-hambum mehi mokaube ne, mare kole-kole mae-mae hayenembe, ane faeune, itaeihaba ne, ⁶ ne hangga mbai mai kaliya Kristusyae elae yembe. ⁷ Meyae kalo mom ehubayei hangga, mekanebam, Tuhan Yesusre rakeijaungelene. ⁸ Mare elae wake ikembe, Naei mende yane mare erenembe niki bam kanau bam nekaubene. ⁹ Allah ninae rakeijeume, belene mare kaenembe na riyare kobounge nekemalere, Na kelu KristusYesus.nambele nekemale. Jemaat nolone kaye waheukoke. ¹⁰ Mana reyae mare utaei wamale, aka naei baeke naei, Yesusre ro aerene meyae nemene a mbai jae mo elembe nekembe, kaye e wahei jae mai nolone nekembe, u bene wabene mbai jae mo nekembe. ¹¹ Ma u mekai nekaube rare ukatele, aka naei baeke naei, Kloe imaena yo, meyae kaye waheukoke nekaube. ¹² Raei kena kale, meyae mate-mate wo konggombe nekembe, "Reyae Paulusre refina", "Reyae Apolosre refina" "Reyae Kefasre refina" namekai ¹³ "Reyae Kristusre wahaeikoke? Paulus mai aerene ohali ne habaeikoke? Meyae Paulusre royae bu kolowayembe? ¹⁴ Romiyea ehi reai royea bu koungebokene raei moita hakate reyea hubannele yealene heleng foi jea hubanele mai uw nolo um ikainye ehire bu okoikoi, holoko yea krispus re gayusre mo. ¹⁵ Ehiyo naon eklenate, Raeto yae bu koumikokale. . ¹⁶ Nahele Stevanus imea einye nekate romiyeare reyea bu koumikokale peleyeare reai uw benera nekaitelera beneng romiyea ehi bu okoikoi mo. ¹⁷ Ehiyore bu ekoikoimo, haubihine bang wali ondofolo yea bu re koremile naeite pare ewei emei, peleyeare wali ondofolirena afoi feaufoi huwkemile naeite ukeuke mekate, Yesus ohali rangne baikoke hereke a feauke elea bang yembonde yealere, pele afoi feau foi huwamalere romiyea neai iteai hebean mea bang. ¹⁸ Haubihine bang Allah yeale waheaikoke yo yea elate , Yesus ohaline baikoke hereke eare holere moloumebonde nibi mokouboke a feauke a bangga banggare yeaboke, peleyeare eyea bele afeau hulunye, wali henabona uw mekai hubanne, yo eai wali einye pele a feau Allahre eleane yeuboke. ¹⁹ Allahre homo fea ne neyea rake waneng a yea noleukoke iteai hebean yeale romiyea, Neai iteai hebeande reyea nebang mokoremibonde nakekai romiyea neai iteai hebean mea walire hiyei raneito yore-reyea mokoremobonde neai iteai hebeande haubihi bang yerembonde. ²⁰ Rake kani kelana iteai hebean yeale romiyea yeale, Musare walora wali heere folaikokere iteai yeaikoke keleaimi holona yo yeale, nemekai rake kani kela folaikokekere a huwaimi yore yeale Allah yea na kobu kelemmibonde. ²¹ Allah neai iteai hebean hulunye, Romiyea rake kani kelana wali nebang nibine ohate yo neai iteai hebean walora Allah oboroi. Allah kena koukoke neai mokouboke nibi huluine wali ondofolore itila rabo halenainye romiyeare hole molombondi, pele nibia a feauke huwaimi hee, romiyea pele a feauke a bangga yea elate. ²² Pele nibi a nahele kelemmile neaite, Yahudi romiyea hambung eme emere koli koli yeaukoke romiyea namekai Yunani romiyea bea iteai hebean yea beaite. ²³ Peleyeare meyea huwammile wali ondofolo ahaline baikoke yea wali hena bon a uw mekai hubanaikondere nibire mokouboke, Pele a huwaimmi Yahudi romiyea nahele elenaikondere kabewainye, Haubihine bang wali ondofolo ahaline bang yo yea pele a feauke a bangga bangga yea elate. ²⁴ Peleyeare Yahudi romiyea yeale Yahudi bang romiyea yeale Allahre keanewomi yo wali ondofolore hila rabo halenainyele hee, Allahre elea wakere nawaneng Allahre iteai hebeande iteainyate. ²⁵ Allahrena a bangga banggare romiyea naie iteai hebean mea ehameikoi huku, Nawaneng Allahrena male yambire romiyea neai eleai yealeyoniyoni ehameikoi huku. ²⁶ Aka neai beake neai Allah marekenengkokombe heena mai uw mekai nekewaube waneng, uw bene foi jea nekenayembe. romiyea neai ijoko hulunye erewambe keli name mai nolona rake wali mekaijea nekewaube, Romiyea neai iteai hebean yeale, ro yeale roibayembe ondofolo kote kelu omi. ²⁷ pele yeare iteai hebean yeale romiyea re feere mokommbonde neaite Allah mehau bea eraima kobu yeale romiyea re eleuboke, nawaneng elea yeare romiyea re. ²⁸ Ro miyea ehiyea-hayea Allahre robe royoinye u maenggeu bae enggonde yeare Allah mehaubae naei holona yo eleuboke wekeumi rake kani yea ro bang mea eraimi yore. ²⁹ Mebeai mea nekate yore haubihi bam ereunge yore. ³⁰ Allah neneaijea mokombokombe Yesus wali ondofolo yeale mbaine nekaube. Wali onofolo yea mokombokombe Allahre iteai hebean eai kena uwne nekeye. Neai walora Allahre robe royoine eyea wali himalaneboke yo yea me beaume Allah yea eleuboke wekeumi holonare yeandeboke nekande, Nawaneng eai nebang aheukoke beaufoke. ³¹ Allahre homofea ne rake waneng molaikoke-kena uw meanggeuke kombale ro Tuhan de me uw mo koubokore mo uw meanggeuke konde.