( Mengenai Perkara Hukum Diantara Orang Percaya ) ¹ Foi bang hele hila rabo mbainye haleaube yo mai uw nolo uw ikainye ro ehi yea naka beakere aku nau hotena, Pele aku nau hote huluite kolonaimikonde neaite wali ehimaloiboi yo neai be re eite , Yesus neai eleuboke wekeumi yo bokore eyei. ² Meyea maiteai hele ya mbai Yesus neai eleuboke wekeumi yo yea rake kani kelana yo neia walire hului kolonaimile neaite mai me einye honatene nayakala hele, Meyea nahului mai uw nulu ikainya aku nau haubere meneai jea hiyei ranembombe. ³ Meyea maiteai hele Malaikat yoni yonire eyea hului emamkolondene rake kani kelane wali nekande uw nolo ikainya beate yoni yoni nahinggi foi hiye ranenembe. ⁴ Pele earene jemaat uw nolo uw ikainye uw mekai wa mekai hiyei raneibote walire hului kolonai milere mai jemaat na yore elembombe, Peleyeare neai hila rabo elea bang. ⁵ Mare fee re mokorembombe neaite pele a uw iteai wamale, Naubea aku anau haube are hiyei raneibote mambele hila rabo mbainye halaube yo uw nolo uw ikainye iteai hebean yeale waneng yea uw mekai haraungeboke rombai u hele nekaubene. ⁶ Rake hee mambele hila rabo mbainye haleube yo uw nolo ikainye romiyea be aku honetena wali ondofolo hila rabo ehale yo nabene hiyea ranei boyaimi, Pele mekai bang. ⁷ Mai jemaat uw nolo uw ikainye , ehi yea ehiyeale aku anau hote hiyei raneibote jemaat moinya romiyea nebang de enate walora meyea keleaumi Allahre Roh wembe huluinye enekei-nafoi sele mai aka beake nebang mokonenembombe hee ame karebai sea mai hambungde yaronggonde hee. kena niyea herawembombe foi jea nekembe. ⁸ Peleyeare meyea ame karebai jea hambung yaraube nawaneng uw mekai nebang mokaumi, mambele hila rabo mbainye haleaube aka beake yea re yeale mokaimi. ⁹ Meyea maitea sele Allare mekele uw kelene na romiyea foi hubanainyende ame karebai mbea wabenayembe yeale, Rake a wamalere borombe, rake u mekai waneng ro miyea nanemene Allahre mekelee u keelene nekate ro miyea foi hubanainyende hanbungde ehubaikoi hulu. ¹⁰ Ro miyea yoko kaimeare koijate, Hoime ro miyea neai hambungde kena heahea koijate yo, Keubu mali yo, Ro miyea ehi neaite a nebang feau huwate yo, Ame karebai jea hambung yarate yo. ¹¹ Mai nolona ehi yo na bere pele uw mekai waneng wali nekewaube. Peleyeare rake hee meyea nulu kembo kembe neaite kelemmikombere bu yea konggokombe , Namekai Allah yea romiyea wali himalain yeboke yo yea mare beaumbokembe. ¹² Reyea elli neai hambung heere folaikoke a huluinye ehee bukulu hayemmera me ruboubokale. Peleyeare hambung ehi reai foi neaite bang. Hambung ehi neai yebeai bu beaite yea nekeyere neaite reyea eweasi. ¹³ Hamang yahele foi neaite, Namekai yahele itamang foi neaite . Peleyeare na beene beene Allah nebang emmimokomkombonde, eai uw yokokaimea koikoi neai bang, Neai hesele eai uw tuhande kena foite mokomanende. ¹⁴ Allah neia eleyea Tuhande mo bang nuku yo maheyora waleungeboke peleyeare neyea eai uw yeale walemmebonde. ¹⁵ Meyea maiteai sele mai uw wali ondofolo neai meleng bai mbai uw neai te heijate meangge yeale uw mbainye ohoinoi jea hele. ¹⁶ Meyea mateai hele ro mbai uw neate heijate meangge yeale uw mbainye hononetena, Pele bee mbaite yeiboke , Haubihine bang, Allah homofea ne rake mekai moloukoke. Romiyea yeale uw mbainye hononeetra, mbaijea inyeibonde ( neai kena uw aweneikonde ). ¹⁷ peleyeare romoyea Tuhan yeale mbainye yeiboke kiyea , Tuhan de kena uw mbainye inyeibonde. ¹⁸ Reyea mare wamale yoko kaimea koikota uw wemwmbe, uw mekai nebang yoni yoni ehi, Moko yea kiyeare uw moita mokounge. Peleyeare yoko kaimea koye kiyea uw mekai nebang neai uw re mokounge. ¹⁹ Meyea mateai sele mai uw Allahre Roh yea nekeye anuwau , Pele roh Allah neneaijea mare ikembe. Mai uw naei bang, Pele uw Allahre neai. ²⁰ Allahyea Yesusre okiyea mare yaronggokomke pelene mai uw kabang Allahre hubara heaite yanenembe.