( Injil Tentang Yesus Kristus ) ¹ Akaneai beake neai, Rake hee reyea kena kele wali onofolore afoi feau foi ne bere huwamale mbai mbea beneng mare iteaitenbombore. Meyea pele afoi feau foi nnahele elaukoke nawaneng wali ondofolo wembe a huluinye nekembe. ² Pele afoi feaufoi huwamale huluinye , Wali ondofolo neai a eleyere na hibi hibi hila rabo ehaleinya, Bare pele a foi feau foi na hele elaukokere haubihi bang yembonde. ³ Rare keleukoke a mbai mbea a na beereite waneng yea reyea mare huwenggokamale. Pele uwngamale a rake niyea-Yesus wali ondofolo eai nebang earene hereke, allahre homo feane nuleinyekoke hului. ⁴ Pelera Yesus abulune molaisake name nenja Yesus a bulura aunguke Allahre homo feane nuleainyokoke hului jea. ⁵ Kefasre Yesus uw yakalaungebokera mo pelera Yesus na moita ohowate yo me bee oror nen bee yealere uw yakalaumiboke. ⁶ Mainyekeko mo Yesusre eita aka beake wa lima ratus hului nakulung mbainye Yesus uw yakalaumoboke-pele romiyea heleng holo nammang wali nekate-keli name heraiboke. ⁷ Pelera Yesus na uw Yakobusre yakaungeboke-nekaikoke mo Abu Ako nanemene Yesus na uw yakalaumiboke. ⁸ Na huba mokoikoi nibi mehi yea na uw rare yakalaukeboke. Reyea Yesusre hila rabo halewanale nibi waneng honoi ya nammam mea honggatele fa waneng. ⁹ Reyea Allah jemaare weiitasi koibea meale earene Abu Ako kenewoumira reyea me baei bang hele. ¹⁰ Peleyeare Allah rare kena buhea eare bang mea heukekoke earene mai ijikore erauke waneng mea reai uw mekai nekale. Nawaneneg Allah rare kena buhea eare bang heukekone Yesusre abu ako yea nekate yo nolora reyea kali mokowale waneng ehameikoi hului reyea kena kale huluinye omokoi, Peleyeare Allah reai walora ro miyeare kena buhea earebang hewoumi huluinye mokowale. ¹¹ Wali ondofolore na afoi feau mbai reaita , Abu Ako ehi yo neaite huwate pele a mbaite mayea hila rabo halewaube. ¹² Peleyeare Yesus wali ondofolo nuluyo maheyora aungeke neai a huwayembere, Mai nolora romiyea ehi yo yea elte, nulu yo mahe yore ate yo beneng ainyui sului, neai a na hele bang. ¹³ Romiyea herate yo nahele beneng nuluyo mahe yora eyanyuinya, Nahele Yesus wali ondofolo nuluyo mahe yora eyanyui. ¹⁴ Yesus wali ondofolo nahele nuluyo mahe yore ainyunya-meyea huwayembe a mekai mai hila rabo haleaube haubihire eyeiboi. ¹⁵ Bararembonde , Nayakala yeubobe meyea Allahre neaite ame karebai jea huwammi, Haubihine bang meyea huwayembe allah yea Yesus wali ondofolore nuluyo maheyora aungunuke. ¹⁶ Peleyeare herewate romiyea nuluyo mahe yora eyanyuinya-Allah yea wali ondofolo herekera ewaleiboi, Nawaneng neyea nuluyo mahe yora beneng eyanyui sului. ¹⁷ Yesus wali ondofolo herekera eyainyui, Mai hila rabo heleaube haubihire eyeiboi nawaneng mai uw mekai nebang einye mammang nekaube. ¹⁸ Pele nehele na romiyea eherei heen wali ondofolore hila rabo halewainye yea herewate yo yeale Allah yeale wahwaukoke honoimeyaube. ¹⁹ Rake wali nekande neaite mo eyea rabo wali ondofolore elea heleandena-eai wali beanggo bang ro miyea hele, Rake romiyea nekatera. ²⁰ Peleyeare , Rake niyea nahele-wali ondofolo nuluyo mahe yora aunuke ani yeale yea keleaimi na heki bang wauwau yaronate waneng Yesus aunguke yea kelewoumi Allahre holona romiyea herewate yora nehele ainyainyu eneikonde. ²¹ Here neai ro mbaita walora mekene-pele mekai mbai hului yo mahe yora ainyainyu enaikonde neai ro mbaite walora meke. ²² Romiyea Adamde uw mekai jeale nekatene nanemene herate. Pele hului mbai romiyea wali ondofolo yeale mbainye nekate yea herenatera walenaibonde. ²³ peleyeare nemene hele nahubara benate . wali ondofolo ani yeyena waneng kiyeana bere aunguke , Pelera neyea bennehonde mende neai holona romiyea anainyunde. ²⁴ Pelera hubare mokonnelene hee yea mere mokaimi yoni yoni nenemene hele wali ondofolo yea nebang mokombibondera, Ondofolo one henggo yeale yea Ako allahre me ei uw einye kinyenembonde. ²⁵ Yesus yea me mokommile mende neai yokeijo yoniyoni nenemene mokommibonde neai oro kelee me keleene menai arulembonde. ²⁶ Na yokeijo huba mokoikoinya nebangde mokonnebonde kiyea , here. ²⁷ Allahre homo feane rake waneng molaikoke, Neyea mokoungeboke hambung yoni yoni nemene neai me kelee orokeleene maiyaruleuboke peleyeare, Na yakala yeuboke Allah hambung nemene foemene wali ondofolore me kele oro keleene oeolauboke, Peleyeare Allah neai uw bang. ²⁸ Allah neneai jea hambung nemene me emmimokonde neaite nemene foemenemai wali ondofolore oro kelee me keleene meani arulembinde hee- Neayea neako Allahre oro kelee me keleene orulensinde. ²⁹ Wali ondofolo herekera uw neme yeuboke, Pele hului mbai bu kayeng gokombe heene mai uw ne meleyembokembere here waneng beneng mau uw yakalaubokere wali neme waneng-Herewate yo eyaunyui na rake heena ro miyea herenate hee earene bu kaimire haubihi bang yeuboke. ³⁰ Namekei meai wali na monne beai nebang nolone nekeijandere haubihi bang. ³¹ Akai neai beake neai, Eai Tuhan Yesus wali wali ondofolo wembe a huluinye mai wali nekaubene, Kena roweisiyeuke-peleyeare nayane beai na hului rare haitebouse meuw mate horo yeare keneyea herawei jale. ³² Nabere Efesus yone reyea wali ondofolore earene obo yoku isang yeale (uw mwkai waneng romiyea) Oyendeboke relewonde. Herewate yo beneng eyanyuinya, Pele me uw haubini bang-Herewate yo beneng eyaunyuinya weungehinde Allahre homo feane moloukoke a benate mem, Hamang bu anemakonde- haubihine bang, wahenare bea heremabondere mbea. ³³ Kaya hebembe ! Romiyea uw mwkai nebang de mokate yo yeale kahila awengkombena, Pele yo neai uw mekai nebang yea aungayeufote mai wali foi horombonde. ³⁴ Rake hee yea mai uw alomombombe, Uw mekai nebang de hee nennele, Haubihine bang mai uw nolo uw ikainye romiyea ehi nauw mekai Allahre oroiboi waneng nekate. Mare fee mokorembombe neaite rakea waneng yea wamale. ³⁵ Peleyeare romiyea ehi rake amekai jea hinate, herewate romiyea meahea mekai jea beneng anainunde? Namekai maka uw beyoi waneng mea menate? ³⁶ Pele a mekai naboku hele hinaufike, Ohaka kanine moloisayaite kaka eyeiboinye-beneng hong bure eketei hului. ³⁷ Gandum haka namekai hihi mayea kanine molaube pele ohaka monanemene. Ketenate yo waneng hi hele, O haka waneng bang. ³⁸ Allah neneijea pele ohaka kenare koye waneng mea yea no fea arunennekonde. O haka na mehine mehine Allah no fea na huluinye eyarune wounge. ³⁹ No yeale mokoube yo nenemane uw waneng mbai bang, Ro miyea uw waneng mbai obo yoku , Aye yoni yoni, Rake kani kelana neai, Surgana nekate yo neai uw re ketewoumi yoni yoni na beanggo neneai waneng rakekani kelana uwre ketewoumira. ⁴⁰ Hu, oko , findelau , uw re ketewou mi yoni yoni na beanggo neneai neneai, Nawanenng findealau yoni yoni na hele roroibiyate nenea neneai. ⁴¹ Hu hehe naenggonde hebende, oko he yaele nehangga mbai bam, ralo, findeleau hehe naenggonde, ehiyo yaele nehangga mbai bam. ⁴² Herewate romiyea nulu yora mahe yora anaiyunde yo neai uw pelemekai abulune molaisake uw kakare enjembondekiyea, Peleyeare nulu yo maheyora annununde uw karare eijeiboi kiyea. ⁴³ Moloisaite oki uw meleng uw male uw yambi beanggo bang uw yeare a bulune ai moloufake peleyeare beanggo yeale uw elea uw wake nulu yo mahe yora annunnunde. ⁴⁴ Rake kani kelana nekenate naeite nuleuboke uw mbea eimoloisayande peleyeare nulu yo maheyora annunde uw pele Allah yeale mbainye surgana nekenete neaite nulembonde. ⁴⁵ Allahre homo feane rake waneneg molaikoke, Romiyea nabemena hele mokouboke kiyea, Adam-meleng uw, oki uw yea uwre arunewounge wali yeale rore yeauboke. ⁴⁶ Nanembere meleng uw oki uw kiyea meke, Pelera Allahre Roh yeale uw eai nolone yakalauboke. ⁴⁷ Allah kanira adamde mokouboke peleyeare Yesus wali ondofolo surgana meke. ⁴⁸ Rake kani kelana romiyea na uw yoni yoni nabemera kanira mokouboke kiyea Adamde na uw waneng, Peleyeare surgana yo wali ondofolo surgana meke kiyeare uw waneng. ⁴⁹ Eyea rake kani kelane Adamde uw waneng uw yeale nekewande. Pele mekai mbai surgana meke wali ondodfolore uw waneng ue yeale ema nekende. ⁵⁰ Aka neai beake neai, Reyea rake a wamale, Eyea rake uw meleng, Uw oki uwyea Allah are heteungekoke. Neai holona ro miyea re yemmikonde hambung yoni yoni re ehubaikoi hului, Namekai kakare enaibende uw kanire eibei hambungde erowei hului. ⁵¹ Anggeai borombo-Allah nunne heraweuboke honokeke ayea wamale eyea nanemene eisereiboi, Peleyeare aming waku waneng hambung huba mokoikoi neai ranebonde hee yea weambim mea wembonde eyea nanemene kakare ebei uw yea bemmehonde uw yea amminunde namekai eyea wali nekande yo bemmehonde. ⁵² Haubihine bang eai uw kakare benate kaayero eibei uwre bemmehonde hele nawaneneg herande uw kaaye ro wali hena bona nekenate uw re bemmohonde hele. ⁵³ Nebam bennde hambum, nebam ebejae hambum yae rewende, hereke kaye walire nekende kaye yae hirenggonde. ⁵⁴ Kakare benate uw kakare eibei uwre bemmehonde namekai herande uw wali hena bona nekenate uwre bemmehonde, Pele heeyea Allahre homofeaine molaikoke rake a na hului inyaibonde, Elea yeale kiyea mokounge here u yeuboke. ⁵⁵ Nawaneng Allah homofeane rake waneng hareungeboke moloukoke, here, Weai elea yeale rena yeale uebe yeubokete. ⁵⁶ Rake wali nekande yea uw meaki nebang mokandene, Allah heere foloukoke a yea iteayeande nebang sabang mokate ro miyea Allah ehee buluku hainyemili. ⁵⁷ Peleyeare Allahre heleng foi uwmande. Neyea mokoungeboke wali ondpfolo walora eyea Allah yeale ewaheikoi. ⁵⁸ Pelene, Keana buhea heamale aka beake, Kena uw me bobo yea wali ondofolo hila rabo helembe. Tuhan wembe a huluinye nahibi hibi neai kaliare mokombe, Haubihi bang ne , Maiteai nekaube mai kalia mokaubere foi benate.