( Pengumpulan Uang Untuk Orang Orang Kudus ) ¹ Yerusalem yona Yesus neai heleuboke wekeumi, Romiyea, moni mai nolona nekateteakommibombere roi arilembe neaite, Reayea wamale Galatia kanina jemaat mokonate waneng keleum bokale huluinye meyea mokombe. ² Reyea melere heene pele yore hakomimbombe roite arilembe neai nouke hembe hele. Na monne beai uheaube yaroyaube naroi-kayee mbai wene kommiyembe holone anuwaunge imeane kolomembe. ³ Reyea mai bokore erele hee, Meyea nahului jea erennele romiyea rore romambonde neaite, Jemaat na yun yunde homore molorekonde, Ukemile mai me na uw na arilaikoke hambnung yeale homo itemile pele Yerusalem yona emmiyende. ⁴ Pele heene pele yore hakoremibondere na mekai yealena, Rambele nanemmbaita emale. ⁵ Reyea Makedonia kanire erelere heera mai bokere erele, Haubihine bang reyea merau haungehikale Makedoniara erengyanensondere. ⁶ Reyea erelere yo yangde mainya eha inyale yea hakondebombe neaite nauwea mai pokore Korintus yone heki holo nekerele, Him mandiling meinyeye hee fombean sonde. ⁷ Reyea kena okoi rake kulunne mai bokore erelere noro ranne bang eai Tuhan eheng kondokonde na mai pokone heki holo nekerekonde. ⁸ Peleyeare reyea Efesus yonemo erenekende Pentkosta ya kabang beansonde. ⁹ Haubihi bang ne maehae meaki horo oror halung de hayeaime yokei jo heleng ; Rakene mom heleng sele Allahre kaliare mokorele. ¹⁰ Timotius mai pokore endena, Feere ehubai neaite meyea ei annebonde, Haubihine bang neyea reainya waneng eai Tuhande kalia mbea mokonde. ¹¹ Meyea nemene nare haubihi bang ro yea elembe yeale, Eijea annebombe neyea na hului reai bokore mende neaite neai kena uw foi mokonnenbombe reyea raneke mai yona aka beakewa ehi yo yeale Timotius yeale hubaimakondere rakeu meyameale. ¹² Aka beake Apolos moi eleayea hurewanale eai aka beake wa ehi yo yeale mai bokore ende heene hakommobonde ebate. Peleyeare neyea rake heere , Mai bokore nahului ende. ¹³ Aka beake mai uwre kaya foi hebembe, Wali ondofolo neai a eleyere hila rabo elea yeale halembe, Beyea rabulembombe kusei mahei bang nekembe. ¹⁴ Mai kalia nenemene foemene yanekoi yase yeale emmokombe. ¹⁵ Akaineai beake neai, Yona hele Stefanus neai imea ei obe einya romiyea yeale- akahaya yona romiyea na bemere hele wali ondofolore hakowainye namekai rake hee yeale Yesus neai eleuboke wekeumi ei hawaiyaimi. ¹⁶ Reyea moi huramale pele romiyea waneng yore nawaneng romiyea ehi wali ondofoflore kaliare mokate yore ei hawemmile. ¹⁷ Stefanus yea, Fortunatus yea nawaneng Akhaikus yea mekatene neai kenare roweukhike. Haubihine bang meyea mokaukele kalo mekai mokaite nawaneng. ¹⁸ Rake name reai kenare foi mokaite. Pele hului mbai kenai foi makayembe pele uw mekai waneng ro miyea neai me uwre yakalammibone. ¹⁹ Asia kanina jemaat-jemaat mare ro meleayayembe, Akwilare Priskilare, Nawaneng jemaat neai imeane arileisiyeye yo yo yeale Tuhande eita mare foi sele meleayayembe. ²⁰ Rakena aka beake nanemene anuwaunge Yesusre eita aka beake yea foi sele ro meleayayembe. ²¹ Rake mare ro meleayayembe are reyea Paulus me yea moloukokale. ²² Romiyea Tuhande kena buhea eheinya, Allah yea ehe bukulu ennehayende, Tuhan, weyea mei ! ²³ Reyea ebeli banale Tuhan Yesus mare kena buhea earebang mea henemembe. ²⁴ Yesus wali ondofolore eita mayea nemene reyea kena buhea heamale- Amin.