( Kasih ) ¹ Ro miyea neai a feau yoni yoni yeale, Malaikat yoni yoni neai afeau yeale nenemene na hului elale horo ; Peleyeare reyea ehi yore kena buhea uw buhea bang na, A waku mo keanale. ² Allah weuke are huukemile meli mekai yeale nekalena, Namekai Allah nunne heraweuboke honate yono yoni reateai bangga mona, Iteai hebean yoni yoni nane mene iteyeubokalena, Na mekai reai hila rabo eleakea sele huluinye elu yoite reyea ehi yore kena buhea uw buhea ehei , Reyea haubihi bang mea nekale. ³ Reainya honaitele hambung yoni yoni nanemene hele hung bang wai bang yoye waheremikonde beansonde, Nawaneng ine nanenaitebonde horo, Peleyeare reyea kena um buhea uw buhea eheinya, nanemene reai foi neaite eyeiboi. ⁴ Kena buhea uw behea rake waneng niyea, Kena hebang sebeang, kena nime haba, kena hengseng yoko bang, Uw ekeayei, embei aikoi bang. ⁵ Wali mekai bang de omokoi, Uw foite ebeai-ikele ihang uw hale okoyei ehi yo nebang mokoibiyatera uw benera nundeyaimi. ⁶ Uw mekai ijeng bang be kena eroweisi-peleyeare nahele neaite kena roweisiyaimi. ⁷ Romiyea ehire kena buhea heami yo yea rake uw mekai mokonaimile neai rore holeaimi, Na a elendere hila rabo haleaimi, Rabo elea haleate Allah nare foi mokonnele, Kena uw heraungate ,yea na hibi kena buhea henaimile. ⁸ Kena buhea huba bang heaibang-Allah weunge are huwaimi meli mekai ya mbai huba mokonnekonde-a feai mehi mehi elate neai meli mekai ya mbai hennunde-iteai hebean nunne honate hambungde iteayeate neai meli mekai ya mbai enanyundembonde. ⁹ Haubihine bang eai iteai hebean na hele yeale nawaneng Allah weunge are hiyei eraneiboi jea huwemmile. ¹⁰ Peleyeare nahiyei raneiboi kiyea mende ya, Hihei eraneiboi hambunh yoni yoni nuwdenaibobde. ¹¹ Reyea fafa nekewale hee na a feau elewale, Uw bene wabene nekewaite nou heibuale, fafa neai waneng mo mokowale. Reyea uw henaubokalene. ¹² Rake heena eai uw unulu nana waneng , Allahre neaite eyea be nulure erate hambungne ijoko erande-peleyeare naya yeale mensembonde be yoi mbembane waneng enerende-rake hee eai uw nulu hebean nammang hiyei eraneboi-pele hee yea wa, Allah reai uw re iteayeuke waneng mbai reyea Allahre neaite iteaitebonde. ¹³ Rake wali nekande heene uw mekai name hele hononayende, Rake niyea wali ondofolo hila rabo haleanne-rabo elea haleande Allahre are nuleuboke huluinye mokombonde, Namekai kena buhea uw buhea peleyeare rake namenolona, Be ereite hele kena buhea uw buhea.