( Karunia - Karunia Dari Roh Kudus ) ¹ aka neai beake neai , Reyea kenakale Allahre Roh yea meli mekai yeumi neaite iteaitembombe. ² Meyea nammam Allahre eroiboi heena nekewaube uw mekai waneng maiteai sele. Uwbene foi enekeikoijea mare wabayensikembe a mum feau mum hoime bahe yoni yoni allah wanende be hinaumiyeke. ³ Pele earene mayea iteayembombe, Allahre Roh yea aiboyeunge ro rake are eleikoi sului, Allah yea " Yesusre olomo neungeboke ", Pele hului mbai Allahre Roh yea el aiboi romiyea rake are eyelekoi hului , " Yesus reai Tuhande" nekeye. ⁴ Mele mekai naite naite wahewoumi, Peleyeare nanemene Roh mbaita yeumi. ⁵ Hakoi sakoi kalia waneng naite naite, Peleyeare nanemene Tuhande mbaita. ⁶ Eai wali einya hambung mehimehi eibeate, Peleyeare Allah mbai jea pele hambung yoni yonire romiyea neai wali einye nemene imokowoye. ⁷ Nanemene neai foite , Romiyea uw mbemba mbemba naeinye Allahre Roh yea yakalaumi. ⁸ Romiyea mbaite iteai hebean yeale waneng yea uw harannebondere a neai mele mekai Allah Roh yea yeunge. Ro ehire pele Roh mbai jea iteai hebean neai mele mekai yeunge. ⁹ Ro ehire pele Roh mokounge wali ondofolo neai a hila rabo elea emekai yeale halende, Ro ehire onomi yemmile neai meli mekai yeale halende, Ro ehire pele Roh mbaijea ehana bolona konate romiyeare onomi yemmile, neai meli mekai yeunge. ¹⁰ ehi Ro hambung emere emere mokonde neai meli mekai yeunge , Ro ehire Allah yea weunge a re huwemmile neai meli mekai yeunge, Ro ehire allahre na Roh walobo a elene hinyere huluite kolonnele neai meli mekai yeunge roheuire afeau mehi mehi are yakalammile neai meli mekai yeunge. ¹¹ Pele meli mekai yoni yoni nanemene Roh mbaijea mokoye. Pele Roh kenare koye hului jea ro miyea mbemba mbembare meli mekai ijeumi. ¹² Eai uw buru meleng bai heleng , Pele meleng bai yoni yoni mbainye arunaikoke uw mbaite yeibiyoye. Pele hului mbai wali ondofolore ue mbaite yeibiyoye. Pele hului mbai wali ondofolore uw. ¹³ Haubihine bang eyea nanemene Yahudi romiyea Yunani romiyea yebeai bu beai yo, Yebeai bang, yo uw mbainye eite Roh mbai jea bu koumekoke, Eai wali einye Allah re elea na hibi hibi yaromele neaite bu anande waneng mea-wali ondodfolo yea eyea nemene neai Roh mbai ikeume. ¹⁴ Eai uw meleng bai heleng hayeukoke honande , mbai bang. ¹⁵ Oroyea rake waneng eleube, Reyea me bang earene rare pele uene ebeai, Na hele pele oro uw kabangne nammang me beaunge. ¹⁶ Anggeai jea eleube, Reyea ijoko waneng bang ne rare uw kabangne me ebeai jea, Na hele pele ijoko uw kabangne nammamn me beaunge. ¹⁷ Pele uw na meleng bai nemene ijoko remo inyaibondene-pele uw anggei oboroi hului. Namekai pele uwna meleng bai anggeaite mo inyaibondena pele uw yea fololo yeale hambungde ehuneisi hului hunensinde ? ¹⁸ Peleyeare Allah kenare koukoke hului jea rake meleng bai yoni yoni neaite neaite nekenate anuwaunge arunewoumi, Uw kabangde yeuboke. ¹⁹ Pele meleng bai yoni yoni fean nekonde neneai neneai hononayende wa, Uw mbaite eleikoi hului. ²⁰ Mokoumiboke hului uw yoni yoni meleng bai heleng honate yeare peleyeare um mbai. ²¹ Ijoko yea mere rake awaneng ewei sului, Reyea ware me beai bang erewale pele hului mbai yun mea orore ewei sului, Reyea ware mebeai bang erawale. ²² Peleyeare meleng bai ehi yambi yea erami yo neainya hesele rake uwre na huluite mokoibiyeunge. ²³ Namekai meleng bai eai ijikone erande na ro bang kiyeare eyea ei hawanne eai uwna fee yeale meleng bai yoni yonire buhea buhea yea malo felammi. ²⁴ Peleyeare fee okoi meleng bai yoni yoni efelei. Uw mbai einye neneai neneai nekenate yeale, Rake meleng bai yoni yoni ehi yea ehire nou henate neaite Allah eai uwre huba mam hele. aruneungekoke namekai fee hubammi meleng bai mokoungeboke ei hawammi. ²⁵ Meleng bai mbai uw buhea kondena ehiyo yo nanemene buhea konate meleng bai buma enainyekeandene. ²⁶ Ehi yo nanemene reimai buhae konaitena nemene buhae mo konatea, ehiyo onomi hubanainyelena onomi mo hubamande. ²⁷ Meyea nanemene wali ondofolore uw nawaneng maite neaite pele uwre arunaukoke meleng bai yoni yonire yeauboke. ²⁸ Pele mekai mbai jemaat einye Allah yea rake meleng bai Waneng yo keaneumikoke, Ukeumi, Neai kalire mokonate mbai kiyea Abu Ako , Be nengdo Allah weumi are huwaimi yo, Namenendo wali ondofolore wali nibi are huwaimi yo, pelera hambung emere emere mokateyo, eha bulona yore onomore yaimi meli mekai yeale yo, ehi yore hakonaimiyende yo, Ehi yore me mokaimi na meli mekai yeale yo. a feau mehi mehi elateyo. ²⁹ Pele yo nanemene Abu Ako bang, Allah weunge are huwaimi yo bang wali ondofolore wali nibi a keleami yo bang, Iwau emere emere mokate yo bang. ³⁰ Ehana bulona romiyea onomi yaimi mele mekai yeale yo bang-afeau mehi meli elate yo bang-pele afeau mehi mehire yakalaimi yo bang. ³¹ Peleyeare mayea meli mekai emekai yeale yaronggombe pele meli mekai yoni yoni yaronggombe neaite relenenggombera.