( Yohanes Bu Re Koloumi Kiyea ) ¹ Nebei he Yohanes bu re koloumi kiyea, yakauboke, Yudea faunge ahuba huwewoumi. ² Neyea weumi, "Mai wali himalen nebo Akho Hena surga yo ra mendere nobeungeboke." ³ Yohanesle a be Allahle Yendo Khayalo Yesaya yea a yen kolowole, "Ro mbai kala akhalara khali khanele, Tuhanle nibi a anuwau khala khalane mokonnehambe Tuhan mendere wali nibi mokonneha!" ⁴ Yohanes na malo bele na yolu bele unta elangra mokaibokhe. Na ramang kesenggi bele akhelana madu bele. ⁵ Nebeisa mo Yerusalem romiyea mekhate, Yudeana yo, Yordan wirangna yo bele. ⁶ Yordan wine Yohanes bu kholoumikokhe nane merau na bekho bakho ehen wo khaikokhe. ⁷ Nebeibe Yohanes erelebae Farisi homona yo Saduki homona yo helengsele bure kholomikonde re mate, nebeinye a weumi, "Mayea rami ehekhaile orona mena yo, nde mare ukembe Allah na yobei yambei bera emfaebombere? ⁸ Nebeinye mai erammeleme molaukokhe hului nebeisa ani yarombe (hokhombe) u mekhai eme hului, ⁹ Mai ure nimoko eboijea, maei akho hena Abraham, Reyea wamale nda rukhare Allah nahului wemmile walenaibonde Abrahamle fafare inyaibonde! ¹⁰ Mana ramekhahu raisike o mabone ani bam kiyea hakhenai nekonde italo rangne kaenaenyihinde ende. ¹¹ naei sele reyea mare wali mare naei kholorenggombere be nebei be raei moisa mende kiyea na bumana hele na oro mehaufe reyea ekulaiboi hului. Mare Niyea Roh bele i bele nebei bu yea kholonenggombe. ¹² Hiloi khaban raufike khayere wahendere. Ani yo falene kholonde rabauka yo i nolone ensayanggonde hukhulunate. Nebei hului mbai Allah romiyeare mokhommile. ¹³ Nebeisamo Yesus Galileara Yordan wirande mekhe Yohanes bu re ranensinderene. ¹⁴ Nebeibe Yohanes ahiyea ukenge weunge, "Naeisele Weyea rare bu raufihindere nebeibe weyea raei bokhore mekhae?" ¹⁵ Yesus yea weunge, "Nebei kharo aei nolone yeuboke." Na nahele kiyae yakhaubokhe. ¹⁶ Bhu raungehikera Yesus yeukuke erelebae surga romau wekheunge Allah Na Roh nakheukohke okhe nauga rangne yea. ¹⁷ Nebeimo surga ra a weunge, "Nda niyea Reai Henafa Hoifa Nare khena khomale."