¹ Nebeisa, Yesus Na Roh yea yaweungehokhe akhala khalare ewote walobo yea wabennehindere. ² Yo rorele ube reniai bele rai bele ramang anekoi mo meungekhekokhe, nebeisa moni hubangehike. ³ Walobo mekhe Yesusre hubannihindere, "Weyea nahele Allahle khelune nda rukha weimi feuwfe yeaibo." ⁴ Nebeibe Yesus yea weunge, ""Homofeane molokokhe, romiyea wali feuwfa mo enekheijea, Allah na akho feukora na hului walire nekhenate." ⁵ Nebeisamo walobo yea yawengehokhe Yerusalem yo re Allah yoimae raloimaene maliranne haungebokhe. ⁶ Nebeisa a weunge, "Weyea nahele Allahle kheluna ndara honoinyihi a re ruwei oyo rabuhinebhan na homofeane moloukokhe ware malaikat naei meranne ruwele wa oro rukhane wele belene." ⁷ Yesus yea walobore weunge, "Benen wawale Na Homofea ne molaikokhe weyea Tuhan Allahre ehubaijea ya. ⁸ Bene walobo Yesusre yawengehokhe mokho na randanna hele iketemo khelewounge nda khanina yo honate nemene fomene, ⁹ Naei a nda wanengyea weunge, "Rare wauga a ne raungehinde be hineufebonde, nda yo yoni yoni honate na one honggobele ware kinyereibonde. ¹⁰ Nebeibe Yesus yea weunge, "Raei bera ei nundeibo walobo! Homofene molaikokhe, weyea Tuhan Allahre mo be hineungele buma khaeungele. ¹¹ Nebeisa walobo na fere ewole. Malaikat-malaikat mekhate Yesusre ei ainyobokhe. ¹² Yesus borowole Yohanes kilaibokhe, nebeinye Neyea Galileare yea eu faeubokhe. ¹³ Neyae Nazaret yo nukheunge bokhe fokhe Kapernaum bhu ene ne fokhe nekhewole, Zebulonle heram bele Naftalile heramne bele, ¹⁴ Na yebeai bhu beai Yesaya yea yen kholoukokhe huluinye meuyeubokhe. ¹⁵ Zebulonle khani Naftalile khani, nibi bhu kelaunge, Yordan refina, Galilea, Yahudi romiyea ban neai anuwau, ¹⁶ Romiyea ouben nolone nekhate yo ahehe Khaban erenaibonde , nane merau romiyea yo einye nekhaunge yo, herere halaeungebokheyo, nebei Ahehe ma yung ranne naeukokhe. ¹⁷ Nebei hera Yesusna ahuba huwewole nda ma, "Nulu khenembombe surga mendere nobeungobokhe." ²⁰ (Yesus Ro Kheli Na Bemere Khaneumikokhe Yo) ¹⁸ Yesus oro moloubokhe Galilea bhu enera, ereleabae Simon Petrusle naugekhe Andreasle Galilea bhu ne waunge hayete, neyeabe kha beai beaise beatebe. ¹⁹ Yesus ye weumi, "Mebu Rare hakhoisokho Reyea mokhorepope romiyea neai waufe hayepere ya." Hokholobe nahibi na wau nukheibokhete Yesusre hakhoinekokhe. ²¹ Benen ndire Yesus aloungekokhe erelebea, Zebedeusle fafa be Yakobusle Yohanesle be hubayaeikokhe khakai einye na naekho naei wau foinye mokhaite, nahibi hokholobere khaneumikokhe. ²² Hokholobe naei khakai, naekho nukheinyebokhe Yesusre hakhoinyekokhe. ²³ Yesus Galilea khani yaneukokhe, sinagogene khelewoumi Allahle a foi faeu foi, nane mekhai romiyea erana bulonayo onomi iwoumi. ²⁴ Name u mokhowole Siria khanine bele ai borobokhe, nebeisa romiyea erana bulona yo, waloboyea na u bulune ayeubokhe yo, boiboijea bayekeyo, orora nimewaimi yo nemene onomi yarowate. ²⁵ Nda romiyea heleng bolem Yesusre hakhainyekokhe yo, Galileara, Dekapolisra, Yerusalemra, Yudeara, nane merau Yordan wi refina.