¹ Nebheinye Allah yae Naei Kelule walora a u ² Allah na ayo bhuyo yoni-yonire ukheumi Musale walora wali heere foloukhokhe are asasi khaikokhe yo bhele hubhara haeise eyanei yo bhele nebhei a huluinye ehee bhukhulu hayaimikhokhe. ³ Nebhei mekhai bhewatene,Allah yae ikheume holera molommebhonde nibhi na foi sele a faeufe moi bhulemandena,Allah aere me nommeyonde hele.Nebhei a faeu na bhemere Tuhan Yesus nenaeijae isaeiwoumi.Nebheisa anggaei bhorowate yo aei bhokhore mekhate yae elewate nebhei a faeufe na hele. ⁴ Allahle puyo ayo yoni-yoni,naei khaliare mokhate ro miyae walora iwau yoni-yoni emere-emere emekhai bhele mokhowate nebhei waneng Naei khena khoukokhe huluinye Naei Rohle meli mekhai ro miyaere wahewoumi walora Allah khelewoumi nebhei a faeuna hele. ⁵ Eyae are elande khani khela neme ennenulengkhonde kiyae mere enaimikhonde naeise ayo bhuyo yoni-yonire Allah ekinyeibhoi. ⁶ Allahle homofae einye ro hi nda waneng haraungebhokhe moloukhokhe, "Allah, ro miyae yoni-yoni bhele naei orona mena bhele me ebhaei bhan yobhe nekhate, nebheibhe Weyae nare ijokho foi sele robhoyamae. ⁷ Weyae ro miyaebhe mokhoumibhokhae ayo bhuyo yoni-yoni nekhate anuwaufa ebhi fere ane oumiraufikhae. nare hilire enaimihenende naeise mokhoumibhokae. ⁸ Nebhei waneng Weyae nuleubhokha yoni-yoni naei me khelee u kheleene orulenaibhondere mokhoumikhae."* Allah mokhoumibhokhe rambung nemene fomene ro miyae naei me khelee u khelee nekhenate,nebheibhe nda hee rambung nemene fomene ro miyae naei me khelee u kheleene nekhatere eyae ijokho ereibhoi. *2:8 Mazmur 8:4-6 ⁹ Nebheibhe,nda hee Yesus ijokhore erannele kiyae.Ya na fofo hele Allah ya mokhoungebhokhe Ayo Buyo yoni-yoni nekhate anuwaufa are oungerafike.Nebheibhe nda hee Neyae bheko hubhawoungera herekhe bheneng waleubhokene,Ondofolo yae Nare hili hebheyainye nebhei waneng bhe hineyainye.Allah khena bhuhae aerene bhang mae heumi u mekhai ma nekhelene,ro miyae aerene Yesus herekhe. ¹⁰ Allahle khena foise mokomnele naise nemene fomene yaeibhokhe.Allahle elae wakhe walora nemene yaeibhokhe,Allahle u mekhai huluinye na mekhai yae mokonnelene,Naei ukheunge mekhe ro miyaere hole molommile kiyae wali hiyei ranembonde naeise,bheko hubhawounge. ¹¹ Ro miyaere mokhommile Allahre khena foise mokhonainyele u mekhai waneng nekhenate kiyae bhele,nebhei u mekhai ma nekhate Kiyae bhele,nebhei u mekhai ma nekhate ro miyae bhele,Akho mbai.Nebhei aerene Yesus Fe bhang sele ro miyaere Naei akha bhaekhe wa yae elele. ¹² Yesus yae Allahre weunge, "Reyae,Weya wende a bhe Raei akha bhaekere eremisaenyende nebhei waneng jemaat u nolo u khainye khoi bha yae Ware ei ereimolote."* *2:12 Mazmur 22:22 ¹³ Nebhei waneng: "Reyae khena elae eisubhawanale Allah Naei elele a huluinye mokhorende."* Bheneng Yesus yae Allahre weunge, "Eremobho,Reyae nebhei waneng Rare kinyeufebhoke khelu omi bhele ndane hebhande."* ¹⁴ Walobho yun here mere ikileubhokhe kiyaere bheko mokhonnebhonde naeise,nebhei waneng ro miyae na wali khokho herere fe faeimeyate yo Neyae na hului nebhei fera hayemmikhonde naeise. ¹⁵ Allahle khelu omi meleng u ha u mbai yae Yesus yeubhokhe. *2:13a Yesaya 8:17 *2:13b Yesaya 8:18 ¹⁶ Na yakha yeubhokhe Yesus na bhuyo-ayo yoni-yonire hakhoumi bhang,Abrahambhe orona mena yae me bhaeumi yore hakhoumi. ¹⁷ Yesus ro miyaere yanekoi yase yae ei hawemmile nebhei waneng Allah a weunge hului mokhole imam khabhande yembonde naeise,nebhei waneng nibhi mbai mokhombonde ro miyae naei bheko bhako mokhaimekhere Allah faeinyemmibhonde naeise,nebhei me u mokhombondere Yesus Na akha bhaeke waneng mbainye yembonde hele. ¹⁸ Yesus Naei ugare umalire hubhainyehike heene bheko hubhawoungene,Neyae na hului umalire hubhainyehike heene bheko hubhawoungene,Neyae na hului umalire hubhanai miyende yore hakhommiyende.