Pasal 4
1
Yesus werifin ligin pau klau pigik. neyimok yefeden yusuwon yuluw maniwalim wusu kama ya pimilino mangkaiso ne yimok yusuwon ye kalawu pigik.
2
Pein wefai pai ligin ben paw ligin ben kuluh, pakafu wamana.
3
Nan'wani! ne khuluw wamu wetek kamolo nukhuk.
4
Nitili wetek kaamolo nukhuk, wain nolok nu wo pigik mangkaiso kelim nifeden nik dadi nein.
5
Kamolo wain wetek nolok nutum nu eges kwak
6
Petili dewe walim wolobok kamolo nigi peso neldelik dawain.
7
Kamolo nukhuk wain wetek nolok nu eges ginik nodor, pakafu ginik nutum nuluk dadikamolo yen mani nigi pakafu nisim dawain.
8
Mongkaiso kamolo nukhuk wain wetek nolok nu eges bulum. mani nutum nilim nesin. wai nesim saluk nidin nemelwagi ne ali wininfe. wai nesim saluk nidim ne tuluk yigi. wai nisin saluk nidim utim mele.
9
Pein suk Yesus wamana ne yaw wutouk ow wawani matu.
10
Petili Yesus, ney yusuwon wai we daman fe tima ali - ali yen wunuk wai so ligin ben wefai yo.
11
Pein wefai pusu yiwi, " fulus malaso nanesans. mangkaiso pusu kowsa key tefai pau ligin ben pau ligin ben kulu.
12
Peso yegen kay, yee daw, pakafu yu wani yusumdau, mani yein biti yumodo yasan daw bok kuluh.
13
peynsuk yesus wamana pusu yey,nanek aw ligin benkoh pono sina nanek ligin ben-ligin ben kuluyna.
14
Newilik ow we fay fulus malaso,
15
kamolo nuhkhuk nolok nu wopigik punu so, yuwani ligin belem mangkayso kasas nefeden nisik neyn yiwi.
16
Nonobusuh so yetek analok nu eges kale. Neyuwani ligin belem pobok yobowo.
17
Mangkaiso peldelik daw paw yalan podor pimilik mili petili sutana phe pefeder,yokosam daw.
18
Pakaf yetek analoknu ginik nodor,ponoso ney yuwani ligin belem.
19
Mangkaiso yunuwi paw malawen pey so angkar pey koleh yunuway kamsabuk manih ligin belem putum daw.
20
Peinsuk yetek ,kamolo nu eges pobok pubulum ponosoh ney yuwani ligin belem yusum telem mami yesan bok ay yasan nidin pabal nemelwagi neyalwining fe ay yasan nidin pabol netulak yigi. ay yasan midin pabol utim mele.
21
Peynsuk Yesus wanana pusu yey, newit laga pay wauk pauw dawkatu pakafu duk pawu, mangkaysi paw duk pelik.
22
Peyso kamkulu pekaldaw yefay dadi,pekafu ligin pamsul daw pagasa sebek.
23
Neyaw wutouk ow wuwani matu.
24
Peyn Yesus wanana, pusu dey,"Nanunuk way telenligin kowp. Gini penisik ow pein yiginik busuk pusu nan. Pakafu yususk pusu nan.
25
Peysoh neyawasan yususpusu sukway. Mangkay so neyaw wasidi kam'nein biti. Pein yewaluk nein walomsidi.
26
Peynsuk Yesus wamana,"Yefay ligin belem ponosoh yetek kamolo nu eges bulum.
27
Peynsuk petili leim waw,wibili pay dewe wegen kamolo nutum nalas mangkaiso ney yow we daw kamolo nutum punuyow.
28
Kamoloyen nutum nalas nesin,nein nutum nila sotoh nalas,n'sarah mamih nuwun pakafu niligi.
29
Petili yow gandum nuwun hu majak,peyn ysak kedik.
30
Peyn Yesus wamana,"Pay kam swa paw ow ginik ligin gelem ywa? paw ligin ben swa paw'mana wai telen ywa.
31
Ligin kelem mah ponoso sesawi nuwun ane yetek en. nuwun nen nikiyemik nagan kamolo nu malawen.
32
Mangkayso yetek nutun nalas newela,nagan kamolo kuluyen,nemagan mani kelem nefasok nasak mani nolom pobok.
33
Yesus wefay fulus makeso pay ligin ben nimok mani neyulum telen pobok.
34
Yesus wefay sidi daw ligin pusu yiwi mangkay so paw ligin ben pakafu wefay busuk pusu wedaman yiwi.
35
Petili dewe yuwunsuyo,Yesus wamana pusu wedamar. Nanimi pawusu kalawu pigik dawar anji.
36
Yum keting neyimok, yumu yeli Yesus yolom yey kama podor. kama nimok neway busuk.
37
Yumkiti,mo dewer pefeden pows, mo bak newela neben kama mani pumudu won.
38
Petili yo Yesus waw way gelek podor. Yuwulu yemana guru nibilise, paw wamudu so.
39
Yesus wibili manati mo yow,"nusow, nuso mobak notono kalawa pu
40
Peyn suk wamana pusu yey,"Nanbahkolo kam'na? kosom daw yo?
41
Yebahkholo pakafu yun'way wilik,"Nemawono ywa payso wamanati telem mo pakafu kdawu putono pey masow!" Pasal 5