Pasal 3
1
Fun Yesus woun keik sinagoge, Wasang tili nee wining tou pagi.
2
Nee Farisi yegen tobo Fun Yesus fasos nee wining tou pagi, pau dewe belem, yefai.
3
Fun Yesus Webe fusu nee winin tou fedefar pagi, nama nibili nosuwong pau faulu.
4
Fun Yesus wafai fusu yewi tafasos pobok, pobok dau fau dewe belem? tiningkei wusu kam Pobok, pobok so, tuu nee? Yuwani sou tikai.
5
Fun Yesus upeek wegen yus yifi,wisinagi pusu yewi, ima wegen yalan puduk pusu wai. Fun Yesus webe pusu nee winin tou mel pagi, yamana nusuni winin tou, nee o wusu wining pusu Fun Yesus Wai, wining tou mlan.
6
Nee Farisi yalan pot Fun Yesus, yum ketek yefes alm yusu pegelek Herodian, yuu Fun Yesus.
7
Fun Yesus wali dman yumu sulu yusu goung, kousa nein Galilea, nein Yudea yawanin busu.
8
Kousa yein Yerusalem, Yudea mala defar kla Yordan, kausa yein Tirus Sidon, yefeden yuwanin Fun Yesus wewifilik ligin belem.
9
Fun Yesus wasayuk dman yefeles kama yilim yumu katek kousa, yefeden yasantili yolongti.
10
Nee Fun Yesus wafasos yalansu yamalan,yeindik yefeden pau wai, wuluk wining yusu yiwi,
11
Gala futudun fegen Fun Yesus, fai, fusu wai puwak pasal kampel,Nin Minye Funna.
12
Fun Yesus manati yefai filik dau wikidi pusu kousa
13
Fun Yesus Walin wusu mala, webe nee walan palin, kausa yuwanin webe yeindik biti yefeden yus wai yolong fagu.
14
Wafagu nee fe timal ali, yum fagu filik ligin foos.
15
Wusu kuson fusu wefi yawuluk kasas.
16
Fun Yesus wuluk kedi pusu dman fee timal ali, Simon wekidi su Petrus.
17
Yakobus, miye Zebedius, Yohanis, talk Yakobus, wikidi alfe Boanerges, minye Funna,
18
Andreas Filipus, Bartolomeus, Matius, Tomas, Yakubus, wimiye Alfeus, tadeus, Simon nee Zelot.
19
Yudas Iskariot, wasau Yesus.
20
Fun Yesus Woun keik Sinagoge, wasan tili kousa yafagu yetolo, Fun Yesus wali we dman yisik kamik roti nutun.
21
FunYesus wenekaun yawanin, liginko yumu yabatili, yil wusu, pau kousa yafai wasata kidi pobok dau.
22
Nee ligin Taurat yulu yein Yerusalem, yafai wakasas�� ima wauluk kasas, wasan, kuson pihin kasas.
23
Fun Yesus webe, yefeden pusu wai, wafai yus yewi pau weben ligin. Nee sauwa wisik kasas,wisik kasas sou.
24
Foos, polong tifi yisik wilik nin salm.
25
Keik lomel petifi pisik salm.
26
Fono sua kasas pibili pakafa wilik pasan manada.
27
Nedau wai youn keik nee kuson,yisik nekook, wonok suya nee koson wisik fuk wekam yu we kei podor.
28
Fun Yesus wumana ayomoloyo pusu yifi, nanin dadi nasan kamsel,
29
Nee wufai tabar gala wusutak dau nee kam sele nonosalkane.
30
Nee Taurat yefai wesan gala fobok dau.
31
Dime mali Yesus, walama yefeden yosowon yi keikle, you nee webe Yesus.
32
Wolong wai keeik podor wali kousa, Nee fai pusu wafi, nou neme, nalama yutolo nin.
33
Fun Yesus fai pusu yewi, nee nemsauwa, teme, talama?.
34
Wegen tobo nee meding yolong yada ane.
35
Nee sak wa kulu yefai ligin Funna, tebe talama nee dela, nelagi, tebe temem. PASAL 4 Ligin Ben Pein Etek Kamolo Neuhkuk