Pasal 5
1
Yilik dapar ana nee Gerasa.
2
Peino Fun Yesus wulu wein kama, peino nee fuduk guyuk nee welekam wabatti Fun Yesus.
3
Nee walom pau guyuk-guyuk, nee wa wisidau, yasakdau pakafu kii louk.
4
Neeysak tolomoso, yisik wilik nuum kruku pakafu kii louk, kii louk nkadak waintu wu kruku, nee wisdau yogoti dau.
5
Pau depe pauleim, wafain pau guyuk mala laba malaba, wilik fakilis wikisik pa kapak.
6
Pitiliyo wou Fun Yesus wein beis, nee wudun wosom pau Fun Yesus wein beis, nee wudum wosom pau Fun Yesus
7
Wabapapi papiwisala pela, "wafai punu sken ta ya ligin kulu tit taka fu ni ma
8
Fun Yesus meye naa a wa laan, "tebe pusu napi, papi naa nafasos nobok au nusu tapi."
9
pein ok Yesus wonok wai pusu waphi ,Nkhidiyo pein matok wphelek ma ligin no,tkidi mayak Ligion patili yo ne pamok.
10
webe pusu yesus waphi,wawuluk fuluwo,num ketek ypo
11
pau yanagi Gisok nimok, nik noke mala plaba.
12
kolok-kolok kne mana pusu Yesus waphi,nsayuk mamusu Gisok ane ma moun musu Gisok.
13
ligin nyo Yesus wee peinmayo kolo kasa nimok maso nbu ali nurun nusu kala pigik nmudu niphi.
14
pein matok ney gisok kini yurun ymana badir pusu bendar pusu kiphi,pasok ney yow kam pfilk ow.
15
pein matok, nee yefeden yusu Yesus waoi yowo neewelkam pebemun Ligion, wolom pakufu wulu sansun, wobok punusu waboke peimayo nee yabakolo.
16
Peimayo yowo pa swo liginaflik, yfawai pusu nee yein dadi, papiso nee ya welkam mo wakafu gisok en.
17
Nee yebe Fun Yesus wamuk ketek kipi yo.
18
Fun Yesus walim wusu kama, neyebe yili Fun Yesus, Fun Yesus wedau.
19
Peinso Fun Yesus wedau, manakaso wamana pusu yipi Nusu : nabak wayiwi, nalak wayiwi namana badir ligin ko Fun Yesus wafasos pusu napi peinso Fun Yesus wsinagi pusu niom.
20
Peimayo nee yumu ymana badir pusu nee yu Dekapolis peinkaso ligin aniya Fun Yesus wasos nusu yipi, pein matu yekede.
21
Fun Yesus wali kama wusu daparana, nee pamok yafagu suk, yolom yada kalapigik.
22
Nee ya wikidi Yairus, feden wana Fun Yesus, wada wilik pau Fun Yesus waba papi.
23
Webe pusu Fun Yesus wapi, Fun Yesus tmeye lagi kiyem pgo pagi, nefeden nibis ninim pabai meyeko, palom psu sowo.
24
Pein mayo Fun Yesus wakafu Yairus, nee pamok yiti wai yisok yili mani yada.
25
Pitili yo nee lagi kulu taun fet nalali nga mkala sadam.
26
Masan sadam pamok mefeles nee yososgik sadam, mangkaiso sdam punu salmasen, sdam peten dau.
27
Muaniton Fun Yesus wkidipse nelagi mefeden mana Fun Yesus wapi muun msafuk nee pamok mein wkidi pawi mada Fun Yesus mgoti Fun Yesus wasansun.
28
Munuwai pau malan, togoti sansun ano falan su sowo.
29
Pitili mayo, sadan pakadak, mefein mikisik pamalan pein suyo.
30
Pein mayo Fun Yesus we matu, koson apulu pein tikme, wepelek wusu kidi, pau maso nee pamok pauyo, wunuwai, nemsa famak ta sansun kpa.
31
Wadaman yamana pusu Fun Yesus wapi, noubuk daya nee pamok, yada nima, nemasa wogoti tit ta.
32
Pein matu wegentobo pein yasi-yasi, wouya nee msa ywa wpasos kamkpa.
33
Nelagi anamse mabakolo mboun peso ligin kpe pasa masom, mfeden mada milik mosom Fun Yesus pali malan, mafai maso ligin aniya mowoye.
34
Ligin psala pusu nelagi mapi, tmeye nim: nwak Funa wusu bo pusu napi namus bok pali nim nsu sowo pein nalansu.
35
Fun Yesus wfaiti ligine, nee yfeden kousa nepele weinkeik ywa Funa wfai punu sken, tameye pagiso pamana nefedenbaluk nifilun tikom guru
36
Fun Yesus wasalapaguk dau ligin nein neye, Fun Yesus wfai pusu nee pele keik ywak nabakolo fuluwo, nwak fnongkai.
37
Pein matu Fun Yesus wedau nee yili dau, mangkaiso Petrus, Yakobus wakatu Yohanes malak Yakobus.
38
Yili ma keik nee pele keik wak, pau yanggi yowo nee pamok yguk yii yasala pela.
39
Pein matu wuun wfai pusu nee yipi nanfain nanii kamana, meye pagidau pau.
40
Pein matu nee sdelo Fun Yesus, wawuye yeiru dadi, wali muna dime meye yuun yusu meye pele kada.
41
Pein matu Fun Yesus wisike meye pinin fai punu sken Talitakum pasala punusken, temeye nin tafai nin nibili.
42
Pein mayo meye pbili pamu, papiso meyo pmur taun petnalali pein mayo nee yaguk pakafu ykede.
43
Pein matu webewai pusu nee yipi nanekata, pein matu wsayuk meye pak. pasal 6