¹ Pan matok, Yesus wam kitn ok wus kiphi Yudea pan matok wsak wus daphar asi kala Yordan. Pan, matok kousa yimok yoln dai wa faulu suk, pono tol masen wfitin waisuk masen. ² Pein matok kousa nefarisi yfeden yin maso, payak yih khey maso, yink wai, "nedala wamkitin nelagi mayak moloya? ³ Fun Yesus wmana pus yiphi Musa wmana kamak kul pus nani ipha? Yma yesek", ⁴ Musa wsikhain maya ne simin dala wfasos alphe lukhetek peinii wluketek ⁵ pono kanak en Fun Yesus wfai pus yiphi nan nalan nkhat sphaphi Musa wfai alphe pus yiphi. ⁶ Pono kanak en pein ak iphana wfasos, na wfasos ay nedala ikaf nelagi. ⁷ Di pein masagu wam kitin mun wakafu dime. pamak yak ⁸ nedala di wam kitin mun wakafu dime ayus mele ay khisk mele pono masen ay sata neuk ali dauk a ykhisk mele. Di kamkul yak ⁹ Funa wsati kophong ke diak ne yamkul wkhis sel dau. ¹⁰ Pausuk keik pdur daman yink waisuk pus ligin o ¹¹ ok yfai pusu yiphi,"nemsak kul yak wfatek wnelagi ok wisik suk nelagi wai ysa wsel suk wa lagi om ¹² diak lagi mulu kitin dalayow ok msati kophong re pa, newai sa pono iphok new sel sow. ¹³ Yisik mi khiem pusu muh Fun Yesus pasok wning pati yen daman ye dauk. ¹⁴ Fun Yesus wegen pono yen, wphaik wfai pusu daman yiphi fatek kay miye i, nimi nefeden nus taphi nih, khey dauk miye ane pasok miye a nsan bok pamayak malaso langgi. ¹⁵ Tmana u aph tropoyo pus naniphi, nemsak kul wamsan aya fos malaso pono mikhi yem diak woun dawuslun. ¹⁶ pein matok Fun Yesus wabun mamiyeyen wkhu pati wbis winin ali nu yspha en. ¹⁷ Fun Yesus wmana wok wamu nekhul we wrun wake Fun Yesus wtun wilk sasi ali pau Fun Yesus wba pha phi wink wai nefitin awobk o kamak kul ya tfasos ipha sok tolm a fos yo? ¹⁸ Yesus wmana pus yiphi nan mana tobor pein kamak kul ipha? ne khul wolmpobor busuk dauk, mangkay so funa wtaik ¹⁹ nan neek ligin alphe benbun dauk nfasos kamfilkwo nasilik dauk nasilik tabark dauk nangkar dauk noson pusu numun wa neme ²⁰ Ok nei fai pusu yiphi nefitin we titwai dadi nein patili tliphi. ²¹ Ok Yesus wfol pusu nelibi yo wsu sinagi pusu waphi wmana pus waphi melku pein naphi namu nsab ma nekham a nkhilk en nsu ²² nusu nebauk diak nsan kam waris pau malaso pein matok nfeden nama ²³ Pan matok Yesus wfos pusu a yefe wfai ligin pusu daman yen di pmaak pusu nea ykhok e padi youn yus malaso ²⁴ daman yitok kesok wfai weligin yen pan matok Yesus wfai ligin pus yiphi miye nan di pmaak kiem pa poun pusu malaso. ²⁵ A pobor mayak unta samele poun poko als pkhele padiak nekhok woun wusu malaso. ²⁶ Daman yitok wfai ligin pusu a yolom yiyen ponosuk idi nek nemak kul suk a wsan bok malaso iwa ²⁷ Yesus wfol pus yiphi ok wfai ligin pau ne molo kam kul iphe pe dadi dauk di pedadi busuk dau pa, Funa pasok kam kul neindik di nus Funa waphi. ²⁸ Petrus wfai sagu pusu Yesus now mamun kitin kam nein dadi mamil masor nik om. ²⁹ Yesus wmana tfai ap molo pusu nimk nekhul wamkitin da keik dauk wlama dala, aphe wlama lagi, aphe dime aphe mun aphe miye, aphe kisik, en pasok. Tikom pasok ligin fos ³⁰ Ai yolm tol pau ma pono makho ysan dayak yolos pbalk, kutin mele keik en aphe lama dala aphe, lama lagi aphe nelagi aphe miye ape kisk pau ladak. Di pa wokha iphama olm yak pfos yo ³¹ Pono kanak en ney yimok ay busa iye di yigyen ok ney yigyen yolm plaba. ³² Yum yium yus Yerusalem Yesus wam wefe yba pha phi yfani ygin nbili pein matok ney yil iye ybakholo ok Yesus wusu wanow daman fetmal ali en wmana kho pus yiphi diak kamak kul pan pidim iwa ³³ Wmana pus yiphi nanow paphilim pus Yerusalem diak miye nemolo ysu wusu fun sankus yikafu nephl Taurat, ysati, mani wagi ysu wusu ne Yehudi dauk. ³⁴ Diak wmana glew ykus gik ow aphe yeben ow aph ybebun ow pono kanak en pau dephe tuluk wbili. ³⁵ Pan matok Yakobus, wa Yohanes, miye sebe deus yin Yesus waphi yink wai,"ne fitin we mamsi khaw mayak nfasos kam kul pus mami yo kam kul yak mameb kho ³⁶ ok Yesus wfai pusu yiphi," kamak kul ya nan sikain ipha tfasos pus nani ipha? ³⁷ yink wai pus waphi nee ya nelik mel win mam wolm pau aing klak nimk nee ya neuk mel win mam wolm pau aing kede nimk pau nhkhu ya pfos yo. ³⁸ Pono kanak en Yesus wfai pusu yiphi, nanek dauk kamkul yak naneb yo nan khoson nano cawan ak di to kho aphe iysang kala aphe sangkla kul yak tasan ko. ³⁹ Yfai pus waphi mame dadi iphe pan matok Yesus wfai pus yiphi cawan kul to khu phe diak nano busuk nansan kala di paya tsan kala pein tit ⁴⁰ Pono kanak en ayolm yi aingklak timk aphe aing kede timk tel dauk pa tsu yo kam kul iphe pus sok ney ay fagu tal ye. ⁴¹ Ywani nonden daman neuk fe ypaik pusu Yakobus wa Yohanes. ⁴² Ok Yesus webe wmana pusu yiphi, nanek maso ay sata mayak ne yuw ne Yehudi dauk yfasos ponosok, yoln tine ye ne yuwiye or. ⁴³ Nephela iya yimasok ykoson pau yey pono kanak en di pau nani iphe di pono kha sikhen, nemak kul wkain wa nephela pa nani ipha diak wadaman diak wadaman pa nimk, ⁴⁴ Ok nemsak kulwa wkain wa ne busa iwa pasok diak wa daman pein dadi ⁴⁵ Pasok miye nemolo wfeden padayak ining key dauk wfeden pe manak wining key yo diak. Wsu wen palkhati neyindik. ⁴⁶ Pein matok yilk ma Yeriko, Yesus wok wamkitin ma, warafma daman yeindik yikafu ne yimok pan se ne ebtas kulwe wkhiri sok Bartimeus miye Timeus wolm wawo pkiri ⁴⁷ Wani mayak suolek Yesus wein Nasaret ok wsal, wakes, wmana, Yesus miye Daud. Nsinagi buk tikime! "pan matok ne yimok ⁴⁸ Yphaik ymana wsow pan matok, wsal wakkes tamba suk matok miye Daud, nsinagi buk tik ime. ⁴⁹ Pan matok Yesus wsu won ok, wmana, naneb wamu. Ok yebma ne suoselek ow, pan matok wfai puswaph, nsu nalan ow! "Nsu on se, web nimk mo". ⁵⁰ Wilu lusuk ma sansun koryo nesuo selek iwe wsu won wfeden wus Yesus. ⁵¹ Pan matok, Yesus wfay pus waphi kamak kul yak nsikain ipha pa tfasos ipha pus naphi? ne suoselek wmana,"nefitin tegen busuk iphe". ⁵² Pein matok Yesus wfai pusu waphi, "namse nkhu palkha ne ins." Pinak dauk wsan mayak egen pusu, pein matok wali Yesus yoko wo wi iphana.