Pasal 9
1
Peim sagu Yesus wfai pusu yewi. Tit wfai molo pusu nan, kousa nan swon pau kewi o tit fai nanigi au mani nanowo Funa fden pakafu wafooso.
2
Pakafu dewe matnan mele. Yesus wsanak Petrus, Yakobus, Yohanes, yumu fguluk yusu malapsa yowo Yesus wsatapsa.
3
Pesansun pegek pso ; Nee poyum mele pso pono dau pau malawen ko.
4
Pau ysata yowo Elia pakafu Musa wfai ligin pau Yesus.
5
Pein sagu Petrus wfai pusu Yesus, "Nefetin (Guru) wawolom pau kewiko wobok. Nan nimi fuafasos kei toluk Nin nsan mele, Musa psan mele pakafu Elia psan mele."
6
Peiso, Petrus we dau wfai ligin pusu yewi peso yo bolo wfai
7
Peinse mandek wuluti mase, peinse ywani sala wein mandek o psala pusu Ta miye masso, Tisinagi masso, nan wani kay maso.
8
Wetilimayo yowo kewi pisidi, nedau wai yowokai maso Yesus.
9
Peinse yeindik yulu yein malapsa, Yesus webe wai ligin pusu yewi, nan wfai dau pusu ne an yee. Masni Miye Nemolo wbiliketen wein Yigio.
10
Peinse ysikti ma ligin, yeindik yewiniay kmak punu psuluh/pibili pein igiwaa?
11
Peinse yewinik wai pusu Yesus, nee fulus Taurat yemana Elia feden ton?
12
Pein matu Yesus wfai pusu yewi. Elia we feden ton wfasos kaam lendik wobok, pakafu ligin fetin yusuwai, pusu Miye Nemolo psan gelen fok pau kaam labes.
13
Main kaso tit wfai pusu nan, Elia wefden pakafu yefasos ptili nee yekidio.
14
Petili Yesus, Petrus, Yakobus pakafu Yohanes, yepelek yusu daman-daman, yowo nelimok yutima daman ee pakafu nee fulus Taurat yesalouk pakafu mase.
15
Pakafu, neyeindik yowo ma Yesus yitouk pakafu yorun syee maso.
16
Peinse Yesus wenik wai pusu yewi nan salouk kama wa pusu nee fulus Taurat yewi?
17
Neu mele weik ne safaii, pelek ligin pusu wawi. "Nefeten (Guru) ta tuwo miye dela pusu Nawi. Peso kazas pkhu wafasos miye pasala au.
18
Petili pkhu feden wolomti see pkalakbalik pau egis. Wigik phous, pakafu wefeknukotok, peinse wikesikpkosok. Tit tabe nandeman yawuluk pkhu o, mainkaso yee dau.
19
Pakafu, Yesus wma pusu yewi, "eh neliwi nansan dau bok o nan tolo dewe wasna Tit fagu pakafu nan dewe wasna titolo pakafu nan? Natuwo Miye pusu Tit tawi."
20
Peinse yetuwo miye pusu Yesus wai, wetilima kazas pkhu wegin Yesus ee, pisik bowon miye yo. Miye wolok pau eges, buluk kay pigik phuus loleh.
21
Peinse Yesus winik wai pusu miye Mumwai, kamko pein naak sa pidin miye ko? Mum pelek pusu, petili pkeyem o.
22
Pakafu pkhu weden wakatuk pusu yaach podor pakafu kla podor pemani mainkaso, ninfasos kaamkulu pusutawi, Ninsinagi mam pakafu nisikkey mam.
23
Yesus wamana pusu wai Nin nsan? kaam leindik pusu nee ywoak Nin.
24
Petili mum wiyi pakafu webe tefeden wach Nin, Ninsinagi tit.
25
Petili Yesus wou nee yimok feden yuwuti see. Wfai ma pusu pkhu o pkhu nin touknuk, niwsala au, Tit tsayuk nohle nein miyeo nefeden such dau pakafu noum such dau.
26
Pein mase pkhu woleh. Miye wau punu nee wagi. Nee safi wfai see "wagi so".
27
Main kaso Yesus wisik miye wintou, wibili pakafu psuwon.
28
Peinse Yesus woum pusu keipodor deman yendik yuwinik way wilik o kamak punuwa wuluk busu owah.
29
Pakafu wfai pusu yewi nan swogumuk molo kaam punu anwa wohle ufei.
30
Pein anji Yesus pakafu miye damane yum yoke kiwi Galilea pakafu, We dau nee yeik.
31
Pakafu Wafetin nanfai pusu yewi, "miye nemolo, yusu pusu neyamuk yinitowo yebenbum matu. Yebenbum peinse, pau dewe toluk Wibili."
32
Mainkaso dman yechdau ligino pakafu yebokolo yuwini wai-Nin.
33
Peinmato Yesus pakafu daman yilik Kapernaum. Yesus woum pusu keik pudor, Winik wai pusu yewi "wetili nanum we nan wfai kamak wa?
34
Mainkaso yosowo, peso petili yumpe saloh wilik weya nema pelwa.
35
Peinse Yesus wolom, pakafu wabe daman fee thunel ali wfai ligin pusu yendik. Nemawa wunu nee busa nee maso polom pakabu pein yendik. Pakafu nefetin pusu yeindik.
36
Peteli Yesus wabe miye kiyam wuluk pson pakafu nemaye. Peinse Wafan ma miye o wfai pusu nemaye.
37
Nemsakwa siyee miyekyam pau Tit kedi oo nee maso siyee Tit pakafo nema wa siyee Tit, siyee dao Tit, mainkaso wuyuk maso Tit o.
38
Yohanes wfai pusu Yesus, nefetin (Guru) mam mowo nee ya uluk kazas pau Nin kedi o. Pakafu ma manatie pusu wali dau mam.
39
Mainkaso Yesus wfai. "Nan mnati dao peso ne mawa fasos kam fatna pau Tit kedi o Ne maso wamnauuh Tit.
40
Paiso mema wa pkarsa dau pusu mam, waf nee maso.
41
Paiso Tit wfal ligin molo pusu nan, nemawa wusu kla soek mele, ne maso wali Kristus, ne wunu yo woroek dau olomfos.
42
Pau ne suwa, wfasos sele pau miye kiyam mele pwach pusu Tit, fwasus sale, newunue yutuwunqii pakafu kwak pau mackuruo yfatu pau tasik podor.
43
Pein pakafu ninintou wisik kaamsele, yalkedit pamketin. Peiso nolom pai nintou kabu wobok maso, mainkaso nintou ali noum neraka pusu yaak au putunu o.
44
Kewi buuk wagi dau pakafu yaak o putunuk au.
45
Pakafu neelik wfasos sale nalketin nelik pamketin, pobok pusu nai nolom pakafu nelik kabu, peso nelik ali yikatu pusu neraka.
46
Kewi buuk wagiau pakafu yaak putunuk au.
47
Pno bokso nusuwo pisik kaam sele, nisikselek nsowo. Bok pusu ma nawi noum musu malaso nsuwo mele punu dau nsowo ali yekatuk pusu neraka.
48
Kewi buuk wagi au pakafu yaak putunu au.
49
Pauyendik yetek ygasi pein yusuk pau yaak psa.
50
Gasi yo wobok, mainkaso gasi pemlik se nin fasos punu yo? nin nolom pau gasi pau nkesik o pau olok oh pakafu olompobok pusu nan nendik. pasal 10