¹ Petli yumu ygok yilik Yerusalem, yadawok kephi Betfage pakafu Betania, phau mla zaitun. Yesus wuyuk dman ali, ² wmna yumu yusu kephiali anolom nei woplaba, anumu bensa nilik mayo anegen keledai aphotum liphi saguyo ysakti phau wopigik neyilimbusuk datiphe. Aneiksi peinmatu, anilipama. ³ Neinikwai nanmpelek ligin nfai pusu yephi, Yesus wkhain walim keledai ko. Yelipilik waphi, peinmatu wafatipusu bensa kho. ⁴ Peinmatu yumu ysantli keledai aphotumliphi sagu ysakti phaowilinsa apusu leyo phau womaso, yeksi keledai yo yeli pamu. ⁵ Nekhulu ayswon anye inikwai pusu miyeke yephi kamsakhul pha pai nan nfasos nekisi keledai yupha? ⁶ Yephelek ligin pnoso Yesus wfai pusu yephiyo, neiye youmek miyekhiye yumumatu, ⁷ yelima keledai yo pilik Yesus waphi pein matu ylawuk yei sansunkornu keledai pein matu Yesus wali waulan wolomkotok, ⁸ phakafu neimok ayiliye yfenek sansunkornefe woyuphan pakafu yalkedik ouknma nein kisik yfenek nhu wo mayuphan. ⁹ Neyimok ayumu yilimaye yumuton yolom woplaba, yibis sal ywakes yfain ymana, Wak nusu Fun Na aufedenkili Na wkedi yo. Mazmur 118:25-26 ¹⁰ Bok pusu kedi pela pakafu ligin aphiwalmla polo pein phapabaung Daud oh, sal wak nusu wolom paukiphi malaso langgi. ¹¹ Peinmatu Yesus wowun wusu Yerusalem wamuwok Nawa Keik Belem. Pakafu wofol wai kam anumayen, Wamu wusu Betania wakafu wdaman fetumali ali ye peso debeyo leims. ¹² Pidin ma dephe lauk se yumu katek Betania Yesus wefein wlan plon. ¹³ Yesank mayo wegen ma ouk ara lomele plas pswon pusu beis. Wilik wana wegen wai peso ekau kam mele kulu wasantili phau ouk polo yupho. Wana ouk poloyo wsantili dau kam wai, wegen kaiso nlas se, peso petili yuphe ess ouk ara nisin dati. ¹⁴ Pein matu Yesus wfai ligin pusu ouk ara yo, neyik tolo ma nisin yuphe yik manda duwo auphes, peinak pno salk maso. Wadman ywanin ligino. ¹⁵ Pein matu yumu yusu Yerusalem, Yesus woun wusu na wa keik blem pakafu pein mayo waulukne ysaukam pakafu ne ysli kam phau nawa kleik blem oh. Pein matu wfa plek dafle ysau kamnuyen pakafu dafle neya i plek tolo kam knak nuyoh, peinsuk matu wfa plek kadera neya ysau kelem merpati yolom tolo yeiyen. ¹⁶ Yesus wedau neyi sik kam yumu yefe nawa keik belem plaba phai. ¹⁷ Pematu Yesus wfitin ligin pusu neyiphi wmana welsi ne yfa dau pnokupha tkeik ko yebeten pkedi keik swokumuk pusu ne pgelek peindik? Pein mase ysasigin pkedi neislik ysak yfagu phau. ¹⁸ Nesiphal ysik kedi yswo kumuk tolo phau keik belem, ikafu nefulus ligin fos (ahli taurat) ywani ma liginno, yefeleswai yfagalis akh yubun wno snah, peso ybakhol phe wali wne yimook ylampo bok pusu wfai ligin fitin wayen. ¹⁹ Pein matu Yesus wakafu wadman ne yumu katek kephi yo peso dephe yuphe pleims. ²⁰ Petili lauk yumu yilik, yegen ouk ara yo magras psilik pusu ma pelik delik mainin. ²¹ Petrus wunuk wai. Pakafu wfai pusu Yesus waphi, nefetin ligin, negen ouk ara nmanati apesin nau yipise pisilik pmagras so. ²² Pein matu Yesus wepelek ligin pusu yephi, nsan nwak pusu na wa phi. ²³ Tit tfai ligin mlo pusu naphi, nhe msak kolwa wmana pusu mlayanyu, ptal pakafu ykalak bilgik pusu misin klawos pdor, pnomayo nlan ptunum manda duwis, main kaiso nwak pusu ligin wfaiyen du ne dadi, pein matu kham en nedadi nusu nannephi. ²⁴ Pono mayen, Tit tfai pusu naphi, nanswo kumuk nfai pakafu nebe kam, nannwak maso du wusu nsan kamen, kam wusu nusu nin naphi. ²⁵ Petili nansuwon pakafu nswo kumuk nfai sinagi pusu neya yei nisulu nlamrok keye, pno busuk so mun wolom mlaso wisinagi walkha kamsel-kamsel yen. ²⁶ Pein matu, Markus 11-12 Ni sinagi nalkha yaune yo Mun wolom malaso wisinagi walkha dau nin nai kamsele yen. ²⁷ Pein matu yefeden suk yini Yerusalem. Petili Yesus wamu wusu nawa keik blem, keik blem pne siphal (imam-imam) ikafu nefulus fos (ahli taurat) ikafsuk nekaun (tua-tua) Yahudi yefeden yini waphi. ²⁸ Pein matu yfai pusu waphi, ksong aphai nfagalis kamke pakafu ne sakulwa wusu ksong pusu naphi phai nfasos kham kuna? ²⁹ Yesus wmana pusu yephi, Tit tinik wai ligin mele kulu pusu nan nephi, nphelek pusu taphi, pein masagu tmana pusu nin, phai ksong su pha Tit tfasos kama yen. ³⁰ Yohanes wisik neisli kla polo pein mlaso au pno sna pein nemlo? Npelek pusu Tit taphi! ³¹ Yfai plik ligin kul wayi kul yan yo ymana, pha plek, pein mlaso, dufai pusu pha phe phi, pnoma yo, kam sakulu phainan nwa dau pusu waphi yupha? ³² Main kaso pha plek, pein nemlo? ne siphal ye ybakol pusu neyimook peso nema ye yein dik yfai pno sukho Yohanes so mlo nefitin ligin fos kulmaso (nabi). ³³ Pnomayo, ypelek ligin pusu Yesus waphi, mamek dau. Pein matu, Yesus fai pusu yephi, pno busuk Tit kom, Tit tfai busuk dau pusu nan ksong a phai tfasos kamken."