bahasatech.indotimur-kmt_jer_text

Pasal 9

¹ Genam go wengkabui bu lo damoi go so na, gano genam go nemu bu pi go so mea lemoi, ganemot tang sogoso genam lo u ku blong ku klik gemang go mo kukluo genam go saula go kaguit but go kebong go sikso! ² Kaseglok pay sogo genam go sip suing genang sogo gemang go sikabung tap masi nogoso, genam go saula itak go gano nemotnang mit sik sogo mea klong! Nemotnang naklay sikabung kamea, sikabung tupduk kua go yaluim go. ³ Nemotnang lo nebleng ple dai kalik so kik go; wamoi mlue gano seni eygo lo kua kenok kukenan ganemot ba nogo; seni so, nemotnang go masi iti go klong go piam meno pluok blo idi lo piam meno mea pluok dali, no Woy Wali Iram nemotnang kua senong. ⁴ Ganemot sgoso Sikabung nemotgo-nemotgo yai se suing nemot go andua, gano dabui klaya kua iti ntaton nang naklay, gekalik go sik so ntaton nang ngga wamoi mlue eygo, gano andua klong weng go nebut wamoi mlue so pe-pen dali go. ⁵ Sikabung meno lo sikabung meno wamoi so mlue, gano sikabung naklay seni eygo kua pen; nemotnang mo melai nebutiwot pen klong genang, nemotnang piam go pupluok go gano teguey sogo moiso. ⁶ Nsring go blono nsring dali, wamoi mlue blono wamoi mlue dali, nemotnang kua duing Woy Wali Iram sogo. ⁷ Gakalik go sikso walinebut Woy Wali Iram siksogo gekalik: seni so, genam nemotnang iwot sogoso gano yatrang mlue sgoso, ganemot kalik go sikso sogo-a Genam lo tasam so ya pluok genam go blung go duo kaguit nogo? ⁸ Nemotnang go nebleng ngga ple sedue but genang, nebut pen nemotnang lo pen go ngga wamoi mlue; nemotnang lo teguop yakay andua ey pen, no nemotnang go dabui ba nogo atuia ngga piam go nemotnang blono so. ⁹ Tasam genemot naklay siksgo Genam lo nemotnang no idekeba mea kua iti? Walinebut Woy Wali Iram gakalik, sgokalik go sikso genam mea kua taling genam go naklay piam go saula gekalik go nogo? ¹⁰ U se kluo medium sogo, yawi ey se neguenpay dikwago sip sogo sik so, gekalik go sikso naklay bukuago sip so mo lemoi sikabung ganemot logo kua pung, gano sikabung menai go nebut kua tup; wi blolo pling go gano menai nan bo logo, naklay mo kuek-lak. ¹¹ Genam lo Yerusalem yap trong gono suk go so mea lemoi, udo bluim go sip suing so mea lemoi; Genam KOTA-KOTA Yehuda kluim kua go so mea lemoi, gano sikabung kua suing.”

GLEMOT GO KURLUK GO LO GANO KUKENAN MENO NO BETEB GO LO

¹² Nando-a mo kunala snong ey go, ganemot sgoso nemot lo mea senong, sikabung walinebut mo mlak go Woy Wali Iram go lom sik sogo, ganemot sgoso nemot lo pen sogo? Sgokalik go sikso kukenan ngge piam, bukuago sip dikuago sip kalik sikabung ganemot logo kua pung? ¹³ Walinebut Woy Wali Iram lo pen go: gekalik go sikso, nemotnang lo Genam go demu itak go, Genam lo nemotnang no mo iti go ngga, gano nemotnang Genam go nebut kua tup go sikso gano kua duk. ¹⁴ No waiso nemotnang go dabui kuaseni gono duk gano demat no duk, nemotnang no nemot go babuasi lo tasam piam go ganemot nguok go kalik. ¹⁵ Gakalik go sikso Woy Wali Iram go nebut gekalik, Israel go Woy Wali Kumam: seni so, Genam lo saula ngge di ip eygo mea iti go dam gano ip mea drop. ¹⁶ Genam lo nemotnang saula-saula nemotnang lo kua senong go ta sono mea itak, gano Genam lo nemotnang tengang kaluang lo mea truik go e nemotnang yamso mea waluk-sing. ¹⁷ Ikum-a! usi-a kabung-kabung yawi sogo, nemotnang weng sogo,gano sikabung pu go klong kabung-kabung kunala senong go mit no, nemotnang uweng-lak sogo! ¹⁸ Nemotnang kedaso se gano imot sik sogo se yawi, ganemot sgoso imot go nemu unbu li sogo, ¹⁹ Gekalik go sikso yawi tup go Sion sik sogo: imot mo piam-lak! Imot naklay suongsut genang sogo! Gekalik go sikso imot kukenan ngge itak genang, imot go yap suing sikabung lo mo truong go sikso. ²⁰ Ganemot sgoso walinebut Woy Wali Iram logo se tup: ey kabung-kabung, neia mot go kama se mlak walinebut Wali Aya go lomba sik sogo; yawi se ngguok mot go duo kabung denok nogo, gano kabung lo nemot go andua no u yawi nang sogo se nguok: ²¹ Kupiamgo guoi go imot go JENDELA lo, degut-a imot go pemlenta go yap kangok go bano; nemot lo denok itat rlat-sing genang sogo tap sik sogo, duo nengguot dia neguon sik sogo; ²² Sikabung kebong go tebadali usu belolo nang lo git, PUPUK kalik so, gandum dok go kalik sikabung nemotgo seni so buo go taton sogo, no kua yaluim.”

WOY WALI AYA SENONG GO NGGA SIKABUNG GO TEGUOP YAKAY

²³ Walinebut Woy Wali Iram go gekalik: sikabung kunala senong go kua yakay kunala snong go sik sogo, sikabung don eygo kua yakay nemot go don sik sogo, sikabung drang mata sogo kua yakay mot go taut mata go sikso, ²⁴ No nando lo ya yakay, no yakay sogo gekalik go sikso se: nemot mo senong gano Genam se senong, Genam ngge nemot lo Woy Wali Iram mot no klum tup duk so taling go, nemudi gano seni eygo kukenan blo nogo; seni so, ganemot kalik goso Genam lo duing go, walinebut Woy Wali Iram sik sogo gakalik,”

²⁵ Ikum-a, nemot go ku weng so gemang, walinebut Woy Wali Iram sik sogo gakalik, seni so Genam lo sikabung naklay saduisuk mo tong go idekeba mea taling: ²⁶ Sikabung Mesir, sikabung Yehuda, sikabung Edom, sikabung Amon, sikabung Moab gano sikabung naklay betuo yengkabui ketang logo senguong-a mendok go, sikabung naklay dikuago sip so suing go, gekalik go sikso saula naklay saduisuk kua tong go gano sikabung Israel naklay nemotnang go dabui saduisuk kua tong go.