¹ Se tup-lak walinebut Woy Wali Iram sik sogo mot nogoso pe-pen go, ey blung Israel: ² Walinebut Wali Aya sik sogo gekalik: “ saula-saula go tasam piam gono kua melay, bubuong ey kua king tasam-tasam ut nogo ikum go sik sogo, saula saula meno kalik bubuong ey kelak go ut nogo tasam ikum go sik so. ³ Gekalik go sikso saula-saula lo suali so tra ngga nemot go seni kua, demat ngga di duen bano sikabung lo tuo go gano di ganemot ta semu go gano demat so pu? ⁴ Sikabung lo di ganemot emasi lo perak lo suey so semu-sing; gano PAKU lo PALU lo tegak go tang so tutuing kua. ⁵ Demat ganemot usu mentimun no di sedue-sedue kalik so klik go wi mlue nang sogo so kalik, nebut mea kua pen, gano masi mea kua klong, sikabung lo ta lo mea iti go klong. Nemot nogo suali kua tra, demat ngga suey go piam go mea kua pluok nemot go ta logo.” ⁶ Mot kalik go kua go Woy Wali Iram! Mot senguog-a don dega ey gano Mot gi sui donblong lo blo sono iti. ⁷ Nando-a Mot nogo suali ey kua tra, saula-saula iram? Seni so Mot senguong no tasam gakalik go; gekalik go sikso saula-saula sik sogo sikabung kunala senong eygo gano nemotnang go iram ba nogo Mot kalik go kua! ⁸ Demat ngga naklay puplu sogo; nemotnang lo taling go seni kua, demat ngga di lo klik go, ⁹ PERAK kesuob go Tarsis sikso mea iti go weng gano EMAS Ufas sik so, demat ngga kunala sedue lo klik go gano kunala sedue EMAS sogo ta lo klik go. Nemotgo amblekeba amblekeba sron UNGU TUA gano amblekeba sron UNGU MUDA, ganemot naklay kunala sedue lo klik go gemang. ¹⁰ No Woy Wali Iram ngga Woy Wali Aya senguong-a seni eygo, Nemot senguong-a Woy Wali Aya gano Iram mani mani wali. Nemot go nat lo kukenan bubuong ey gano saula-saula mea kua suing Nemot go igon sik sogo. ¹¹ Gekalik so se pen-analo nemotnang nogo: demat demat kukenan kua lemoi go ngga kukenan ngge blo siksgo mea rlat gano ut go seglo ba siksgo.” ¹² Woy Wali Iram lo kukenan Nemot go don lo lemoi go, kukenan ngge Nemot go kunala kalong lo tu go, gano ut Nemot go alay tasam lo sei go. ¹³ Nemot lo nebut mo pen go mo, nemot go kluim lo ut blosogo bu kluim ey mea idok, kukenan seding sik so Nemot lo gum mea iti blo sono, Nemot lo kuidop ey sa ey mea lemoi, gano nebit Nemotgo sip sikso mea iti go pung. ¹⁴ Sikabung nemot-a puplu so, kunala nebut kua senong go, gano kunala sedue emas sogo suongsut ey mea nemot sana sana klik go sikso. Gekalik go sik so nemot sana sana nemot lo klik ngga wemoi mlue nebuem nebit kua. ¹⁵ Naklay ngga sgo-sgo kua go, kebali semu go ganemot sikabung tetebadali pen klong go so mea lemoi, gano mea piam-lak idekeba taling go lo. ¹⁶ No gakalik so kua Nemot Yakob titesogo ngga, Nemot lo kaisenguong so naklay lemoi go, gano Israel saula Nemot titesgo, Nemot go sui Woy Wali Kumam!

¹⁷ Idok-a mot go uluong kukenan ngge sik sogo, ey sikabung plesi lo teguot go ba so susuing go! ¹⁸ Walinebut Woy Wali Iram sik sogo gekalik: seni so, geasui go ngge Genam lo nemot mea beteb sikabung kukenan ngge sogo, gano Genam lo nemotnang sip kdik gono mea taling, nemotnang tra sogo.