¹ Walinebut Yeremia sono weng go Woy Wali Iram siksgo, nemot go kluim: ² Tup-a nebutpen tegadi ngge gano se pepen sikabung Yehuda no gano sikabung Yerusalem so susuing go nogo. ³ Nemotnang no se pen: walinebut Woy Wali Iram sik sogo gekalik: dagi-a sikabung nebut pen tegadi ngge kua tup go ⁴ Motnang go babuasi no ganemot mo pen ku nemotnang Mesir sikso pung gono, walinebut ganemot: Genam go nebut se tup gano se pluok genam lo mo pen go ngga, gakalik go sgoso, mot Genam go blung so mea lemoi gano Genam mot go Woy Wali Aya so mea lemoi. ⁵ Genam go tanat, Genam lo kua pluok go mot go babuasi no ngga nemotnang no nan suey go min ey madu eygo gakalik so gigit go nan nemotnang no iti genang sogo, geasui go nogo ku kalik so. Gano genam lo nebutway: ganemot kalik so se lemoi Woy Wali Iram. ⁶ Walinebut Woy Wali Iram siksgo genam nogo: se pe-pen klong nebutpen genemot KOTA-KOTA Yehuda nogo gano tap-tap Yerusaleng logo gekalik so se usi: setup-lak nebutpen tegadi genemot gano takebali so se lemoi! ⁷ Ganemot sgoso Genam lo seni seni so mo pu yu mot go babuasi nogo, ku Genam lo nemotnang nan Mesir sikso wawi go pung gono; e geasui go ku no pung genam senang so nemotnang nogo pu: Genam go nebut tup-a! ⁸ No nemotnang tup sogo kua duing gano kua ikum, no nemotnang nemotgo-nemotgo nemotgo dabui lo tasam piam go so duing gono duk; ganemot sikso Genam lo nebutpen tegadi genemot nemotnang blono mo taling, Genam lo mop u yu go mlak genang, no nemotnang kua mlak.” ⁹ Walinebut Woy Wali Iram siksgo genam sono pen go: tegadi tasam piam go pluok genang sogo sikabung Yehuda bano ikum go gano sikabung Yerusalem so suing go banogo dali. ¹⁰ Nemotnang tandali mo kenong piam nemotnang go babuasi lo pluok go bano banim go dega go Genam go walinebut kua tup. Nemotnang demat no duk go gano susubu demot no unuik. Blung Israel gano blung Yehuda Genam go tegadi mo wayang mot go babuasi ey dok go tegadi. ¹¹ Ganemot sgoso walinebut Woy Wali Iram siksgo gekalik: seni so, genam lo nemotnang blono kukedik nemotnang mea kua paising-go mea taling, gano motnang lo Genam so u-usi go mo, Genam nemotnang go nebut usi go mea kua tup. ¹² Gano KOTA-KOTA Yehuda, gano sikabung Yerusalem so susuing go klong go demat no nebut u-usi gano nemotnang lo susubu ey taiti ey puit demat no,no demat ganemot nemotnang kua tebok nemotnang nogo kukedik pung go siksgo. ¹³ Ganemot sgoso mot go KOTA go miam sgokalik ganemot kalik dali motnang go demat, ey Yehuda, mot go tap go miam kalik dali so mot lo taiti so puit go sip klik go ganemot blono taiti demat nogo pu-puit. ¹⁴ Ganemot so mot, dewi kua pu saula ngge nogo, gano saula ngge tebok genang sogo Genam nogo kua pu, gakalik go sikso nemotnang lo Genam so u-usi go Genam mea kua tup, nemotnang go kukedik sikso. ¹⁵ Sogopiam Genam go debuisop go kebali Genam go yap nogo, no nemot lo mo pupluok glueng-glueng kua seni go? Sgokalik so tegadi Genam ey dok go gano kedong klaut sogo kukedik go mot siksgo yapung, ganemot siksgo mot ya-yakay? ¹⁶ Di Zaitun dop mata go, nemu lo ikum go balukuasom, mot nogo Woy Wali Iram logo sui mo temuit. Kluim naklay go balo Nemot lo koy mo blon didop temoi nogo, kali-kali yamso mea kuim. ¹⁷ Woy Wali Kumam, mot so suey gono pupung go, kukedik go mot blo nogo mea taling tasam piam go blung Israel gano blung Yehuda eygo lo pluok go Genam dabui sadui tra genang sgoso, ngga taiti demat sono pupuit go.

¹⁸ Woy Wali Iram lo kuklue ganemot genam blono lemoi genang sogo pen go, ganemot tang sgoso genam senong, ku ganemot no Mot sikso, Woy Wali Iram lo genam no taling tasam nemotnang lo genam no pluok genang sogo ngga. ¹⁹ No banim go genam domba nok sasuik no mlai go kalik tong genang sgoso mo taling, genam kua senong tasam piam go nemotnang lo genam no pluok genang sogo: weng-a imot di ngge nemot seni ey waluk go! Wenga imot nemot rlatsing go kukenan ngge siksgo, ganemot sgoso nemot go sui mea duduing dali!” ²⁰ No, Woy Wali Kumam nemudi so koywong idekeba mea taling, dabui yatrang so mlue go, neia genam se ikum iseng way go Mot siksgo nemotnang blo nogo, Mot go ta sono genam go wali go tasam gemang i-itak.