¹ Mot seni so, Woy Wali Iram, nagono genam Mot eygo nebut segi! No Genam mot eygo nebutpen, nemudi genang sogo nebut-a mea pen, sgokalik go sikso sikabung koysedue go wali suey so keklong gano sikabung kuatupduk go? ² Mot lo nemotnang suey so lemoi go pupung, gano srang suey so king, suey so pung, gano seni ey tagot dali. Gano Mot senang so nemotnang go lomsuk no, no nemotnang go dabui banogo kuet dega. ³ Woy Wali Iram, Mot genam mo snong, Mot genam no ikum, gano Mot lo genam go dabui yatrang ey mlue sgokalik so genam dabui Mot sogo. Lek-a ja sono nemotnang domba tong sgokalik gano nemotnang banom se ta tong nang sogo kalik. ⁴ Ku nago yamso kukenan ngge lekuoi go sip so ya lemoi, gano neguen sunguong pung go sip neguen yam so poyuk? Sikabung kukenan ganemot susuing go tasam piam go sikso menai-menai gano wi naklay yamso rlat-sing, nemotnang lo gekalik so duing: “Nemot imot go tasam mea kua ikum!” ⁵ “ mot mo kukuek sikabung masi lo keklong go ey, gano mot dabui koy ey mea sue, sgokalik so mot KUDA eygo kekap nang sogo ya wayang? Gano kukenan ngengam yakay senguong-a nogo mot ngengam mea kua tra, mot lo sogo ya pluok duen kangok go bu Yordan sogo? ⁶ Gekalik go sikso mot go ntaton nang gano mot go yap tenglam, nemotnang dali mot sogo tasam piam go taling, nemotnang dali kerlam so mot go taton so. Nemotnang no kua senong go keng, nemotnang tom tom so pen go sikso kua? ⁷ Genam sipsuing Genam lo susuing go mo itak, kukenan Genam go mo beteb, Genam lo seni dabui ba so gigit go nemot go plesi go ta sono mo itak. ⁸ Kukenan Genam go SINGA duen ba sogo kalik mo lemoi, nemot lo nebutpen don ey Genam sono wayang go, ganemot sgoso Genam nemotnang sogo dabui-a piam. ⁹ Kukenan Genam go, wi belang so mo lemoi Genam nogo; wi iseng eygo lo nemot teguot. Wenga yaluim-a menai sip neguen senguong-a pung go nogo, iti go weng go yam so kua genang! ¹⁰ Domba yai so suing go mata sogo lo Genam go anggul usu mo waluk, Genam go nan mo gualing masi lo, gano kukenan Genam go dabui ba nogo ey duing go dikuago sip so lemoi. ¹¹ Nemotnang lo kluim kua go sip so mo lemoi, tebung go genuing Genam go nemu kuno suing! Geasui go kukenan ganemot mo tebung go kluim kua, no sikabung kua ikum kukenan ganemot. ¹² Sikabung piam go pluok genang sogo mo weng metuik dikuago blo no pung go dikuago sip so; ganemot sikso Woy Wali Iram go tengang kaluang ten sogoso pupluok , kukenan seding sikso seding meno no, ngengam yakay kua kiki sagot go nogo. ¹³ Nemotnang lo gandum kuali go, no seni-a didingwong go seni so gabe lemoi go buo, nemotnang lo diding balo mo u-usei, no nemotnang lo u-usei go seni kua, nemotnang suongsut nemotnang go seni tagot go sikso, ngga lemoi go Woy Wali Iram nat go sikso.” ¹⁴ Walinebut Woy Wali Iram siksgo gekalik: Genam go yap tenglam piam go, Genam go kukenan mo yat go Genam lo blung Israel Genam go blung no iti go nemot go kukenan so lemoi genang so, Genam lo mea teguik nemotnang go kukenan siksgo gano Genam lo kukenan Yehuda mea teguik nemotnang nesip sik sogo. ¹⁵ No Genam lo nemotnang teguik go siksgo, gano Genam lo nemotnang tandali mea kugla. Genam lo nemotnang tandali nemotnang go kukenan sono mea wawi go klong nemotgo-nemotgo. ¹⁶ Gano nemotnang lo Genam go blung go wali seni-seni so mo senong gano Genam go sui no tanat go mo: Woy Wali Iram go sui no, nemotnang lo Genam go blung demat no tanat genang so mo nguok go kalik dali so, nemotnang mea ip-lak Genam go blung nesip no. ¹⁷ No nemotnang mea kua tup go mo, ganemot kalik so mo Genam seni-seni so mea teguik go gano kupiam go mea taling saula ngge nogo, walinebut Woy Wali Iram sik sogo gakalik so.