YAM NO DOK GO TEGAN KI LO YAM SO MO DAM

¹ Walinebut Woy Wali Iram siksgo genam nogo gekalik: klong go Tegan kui dok go se iti nalo duoi lo, Tegan ganemot mot go kui no se dok, no bu banogo-a kua king!” ² Woy Wali Iram lo pen go kalik so genam klong go kui no dok go Tegan duoi lo iti, gano Tegan ganemot genam go kui sono dok. ³ Ganemot siksgo da namon tite sogo Woy Wali Iram go nebut genam sonogo ga pen dali, nemot go kluim: ⁴ Kui no dok go Tegan mot lo duoi lo iti go se mlak gano mot lo saisuk temoi no dok ngga ey! Bu Efrat sono klong go kui no dok go Tegan ganemot demu-demu bano se kok go itak-nalo!” ⁵ Ganemot no genam klong go kui no dok go Tegan bu Efrat ketang no kok go itak, Woy Wali Iram lo pen go kalik. ⁶ Ku se nayum-klong, walinebut Woy Wali Iram siksgo genam pu: klong go kedaso kui no dok go Tegan Genam lo mot no pen go mot lo bu Efrat ketang no kok go ganemot ey se iti-analo!” ⁷ Ganemot no genam gemang klong go bu Efrat sono, gano genam lo tegan kui no dok go sip no, bu ketang no tui go ganemot no tuet go gemang tandali iti Tegan kui no dok go ganemot, no gekalik ikum go yamso kui no dok go Tegan ganemot ki lo mo dam. Mea kua go kok kui nogo tandali go. ⁸ Gano walinebut Woy Wali Iram siksgo genam no weng go: ⁹ Wali Iram go nebut gekalik: ganemot kalik so Genam lo mea suep kaley-kaley Yehuda go gano Yerusalem go. ¹⁰ Saula piam go ngge, Genam go nebut mea kua tup go, nemotgo dadui kua seni gono duk go gano demat no duk go susubu ey gano nemotnang no susubu ey unuik, Tegan kui no duk go kalik so mea lemoi. ¹¹ Tegan kui no dok go kalik so sikabung go kui no sbut go, ganemot kalik banim go blung Israel gano blung Yehuda naklay Genam sono tebok, Wali Aya go nebut ganemot kalik, ganemot kalik go sikso nemotnang genam go blung so lemoi genang, sui eygo so,terpujih gano ta ey kong. No nemotnang kama tup sogo mea kua. SO SDE GO SIP KESUOP GO

¹² Nemotnang no walinebut ngge se pen:Wali Aya, Israel go Woy Wali Iram go nebut gekalik: anggul sde go sip klay-klay anggul bu sde go nase damoi! Gano nemotnang logo mot nogo mo pu go mo: sogo tang so genamnang kua senong anggul so sde go sip naklay anggul lo sde go nase damoi? ¹³ Ganemot sogo so nemotnang no se pu: Wali Aya go nebut gekalik: seni so sikabung kukenan ngge blo sogo anggul bu lo yamso yengkabui ey mo ide: iram Daud go iram demu bloso susuing go, taitisopuit go nang, nabi nang gano sikabung Yerusalem so susuing go naklay. ¹⁴ Genam lo sikabung klay-klay mea pui-sing go nemotnang ey mea kesuop, ayanang nemotgo denok itat ey, Wali Aya go nebut ganemot kalik, Genam lo nemotnang mea kesuop dabui klum ey mea kua tra GO GANO GLEMOT GO

¹⁵ Tup-a, kama tui, dabui blono kua iti, gakalik go sikso Wali Aya nebut pen go. ¹⁶ Wagloblong mot go Woy Wali Iram, ku maning kua klik go so lemoi gono, mot go masi metuik-metuik ku klik yam sgolo pok gono kling eygo, gano mot ku blong go so bubung, no Nemot lo kuklik piam go sik sgogo mea lemoi gano naklay ku klik goso mea lemoi. ¹⁷ No mot kua tup go so mo, genam gabano son gono u mea kluo, mot go kaley kaley sikso, genam go u-nambu mea lili naklay so, gekalik go sikso, Wali Aya go domba nang idok go boy ba sono mea tega.

¹⁸ Pu-a iram no gano iram go unen sono: suing-a ku seni no, gekalik go sikso, naliblong mot go yengkabui sikgo mo teguik!” ¹⁹ KOTA-KOTA nan Negeb sogo yataput kangok go degut genang sogo mo kadun, gano sikabung logo mea kua tenuing, sikabung Yehuda naklay boy ba sono mo tega. ²⁰ Nemu beteb-a Yerusalem, gano ikum-a, sikabung dun sikso ngga uweng go! Nagoso menai naklay mot sono iti go, kambing gano domba mot go wagloblong so lemoi go? ²¹ Mot logo sogo-a ya pu, mot yengkabui so lemoi go sikabung mot lo kabungsop so lemoi nang sogo blo nogo? No mot iseng lo mlak genaning, kabung duo tui sogo kalik? ²² Gano mot lo mot go dabui bano usi go: “sgokalik go sikso naklai ngge genam blo sono lemoi?” mot go tasam piam go mata go sikso ganemot nogo mot go amblekeba blono iti go mot no kamea piam go pluok go! ²³ Sikabung Etiopia nemot go suk kuo sogo ya sikoy? Sgokalik so mot tasam suey go ya pluok, ey sikabung tasam piam go so pluok go mo mlai go? ²⁴ Genam lo nemotnang di lekop kalik so mea idok go tega, nebit dikuagosip lo. ²⁵ Ngga mot nogo so kalung go, mot go tite sogo kaiso yam Genam lo mo tui go, Wali Aya go nebut ganemot kalik, mot lo Genam kai go sikso, ganemot nogo mot go saisuk temoi ja so. ²⁶ Genam lo mot go amblekeba sron blono iti go mot go nebuem nemu yamso mea, mot go saisuk temoi ja sono mea itak. ²⁷ Mot go kamea gano mot go sikamea metuik-metuik blo logo gano sip neguen senguong-a pung go blo nogo, Genam mo ikum mot go tasam kua seni go seni ganemot. Mot sgaplu, ey Yerusalem ku walong kua mot tendali mea pali.