¹ Walinebut Woy Wali Iram sik sogo Yeremia no pen-go, walinebut go kluim: ² “ dewi yap go yataput seboi no se ip-nalo gono, wali nebut se pen, gekalik se pu-analo: walinebut se tup, motnang naklay yataput gelo degut go Woy Wali Iram no takong genang sogoso! ³ Walinebut Woy Wali Kumam sik sogo, gekalik: mot go tasam pupluok go suey so lemoi-a mot go wali ba nogo, ganemot sgoso Genam mot ey kerlam so mea suing sip ngge nogo ⁴ Nebut wamoi mlue no ta kua melak, gekalik nebut go kluim: ngge dewi yap, dewi yap, dewi yap, ⁵ No seni so naklay mot tasam pluok go suey so mo lemoi, gano mot seni so neyboy go mo pupluok mot nang ba nogo nemotgo-o nemotgo-o, ⁶ Sikabung suk meno kua insring, duon sawon gano nalo, sikabung kon kua go kin kua pi gano demat no kua duk, mot go wali so piam go. ⁷ Ganemot sgoso Genam mot ey mea suing ngge-no, kukena Genam lo mot go babuasi no itak go, banim go sik so iti go e mani so mani. ⁸ No seni so, mot nebut pen wamoi mlue no melak go ganemot ba-nogo seni mea kua iti. ⁹ Sgokalik go sikso mot wom iti, sedue but go kebong, sikamea gano nebut wamoi mlue, , demat no taiti puit go gano demat ganemot no ta melak go duk,, demat ta so kong go ganemot mot kua senong. ¹⁰ Ganemot sik sogo mot weng go Genam go nemu ku no mea ip-lak dewi yap ba no, Genam go sui so pe-pen go, gano pu: imot sesuoy, ganemot tang so tasam piam go pluok-klong dali sogo! ¹¹ Sinebutsi go ut so mo lemoi keto yap ngge nemot Genam go sui so pen go yap? Genam so mo, Genam naklay-naklay mo ikum, walinebut Woy Wali Iram sik sogo ganemot kalik. ¹² No banim no Genam go sip Silo sogono se klong go ikum. Ganemot no banim go Genam go sui suing go, gano se-ikum tasam genam lo nemotnang no taling go nemotnang go wali piam so pupluok go sik so, Genam go blung Israel go tasam piam go! ¹³ Geasui go, mot go tasam pupluok go mo kerlam nemotnang lo pupluok go ey, walinebut Woy Wali Iram sik sogo ganemot kalik, gano mot mea kua tup go siksgo, nemot-a Genam lo nebut snang so pe-pen go mot nogo gano mot nebut way kua way Genam lo usi go nogo, ¹⁴ Ganemot sgoso yap ganemot, yap ganemot bano Genam go sui pen go gano mot lo ta so melak go, gano sip Genam lo mot ey mot go babuasi eygo nogoso itak go ganemot no, Silo no lemoi go kalik go tasam Genam sik sogo, Genam lo Silo piam go, tasam ganemot dali mea taling; ¹⁵ Genam mot mea beteb Genam go nemuku sik sogo, naklay mot go ntaton kalik, seni so mlenawalasrang Efraim Genam lo mo beteb

¹⁶ No, mot ngge saula ngge nogo dewi kua pu, nemotnang lo klum sgoso wadong go gano dewi naklay-naklay kua pen, gano Genam kua mot ,” Genam mot lo pen go mea tup ¹⁷ Mot gemang go ikum nemotnang lo pupluok go KOTA-KOTA Yehuda no gano tap-tap Yerusalem no? ¹⁸ Denok koy so u-uwet, ayanang lo koy PUpuit gano kabung-kabung kue semu go RATU SURGA no taiti iti genang sogo gano sikabung lo taiti demat sono iti go, tasam ganemot Genam no taling go Genam dabui sadui tra genang sogo.