¹ Tap Yerusalem lo se pung, suey so se ikum gono se mlak! Nan-nan ganemot klong go se ikummotnang sikabung klaya-nang go yaikum-kebalo, sogo seni eygo gemang pluok gano sesuoy go sogo gemang u-uwet, ganemot sgoso Genam mot go piam ngga sono mea kai kota ganemot nogo. ² Sgokalik nemotnang lo pen-go: Woy Wali Iram go sui no, no nemotnang nebut semu so pu go. ³ Woy Wali Iram, sgokalik go sikso Mot go nemu seni eygo no kua ikum? Mot demun nemotnang, no nemotnang iseng kua tra,Mot lo nemotnang kesuop, no ngguok go sgo nemotnang moiso. Nemotnang wengkabui demu-a totaling gonemot go don demu sik sogo bloso gano tasam piam go itak nang sogo mea kua. ⁴ Gano Genam lo duing: ngga sikabung sui kua go; nemotnang sikabung seglaplu, ganemot sgo sik so nemotnang Woy Wali Iram go tap kua senong, demutrui nemotnang go Wali Aya go. ⁵ Gakalik go Genam sikabung kangok gono mea klong gano nemotnang no nebut mea pen,ganemot sik sgoso nemotnang-a Woy Wali Iram go gemang senong. Demutrui nemotnang go Wali Aya go. No-esang nemotnang naklai idekeba mo tega, Tegan dok go motong-lak. ⁶ Ganemot sgoso SINGA duen ba sik sgolo nemotnang but go mea kebong, gano uduo bluim lo nemotnang mea waluk. MACAN TUTUL nemotnang go KOTA ketang lo mea tutuogom, sikabung pung go kekaiso mea glok, nemotnang tasam piam go matadega go sikso. ⁷ Sgokalik so, ganemot kalik go, Genam mot go piam-a gasno kai? mot duo-nang genam mo itak, demat go sui no nebut pu klongnemotnang Genam lo nu temoi go,nemotnang sikamea so gano kamea yap no tgu. ⁸ Nemotnang ngga KUDA-KUDA kemsi bap gogano iseng senguong sogo,nemotngoso-nemotngoso iseng nemot go andua go senun sgoso pupluok. ⁹ Sgo sikso Genam idekeba nemotnang nog mea kua iti? Woy Wali Iram go nebut ganemot kalik, sgokalik go sik so Genam dabui piam mea kua taling saula ngga nemot nogo? ¹⁰ Klak-a anggul usu tengelam eygo no, waluk-a no tang ey kua buin, anggul go kali-kali kua betep. Ganemot sgoso naklai ngga Woy Wali Iram go kua gemang! ¹¹ Ganemot sgoso blung Israel ey blung Yehuda eyseni senguong so Genam nogo kua kekengduk, Woy Walk Iram go nebut ganemot kalik. ¹² Nemotnang Woy Wali Iram mlue gano pen-klong: Nemot sgo-sgo mea kua pluok! Ku kedik go imot blo nogo mea kua tui. Ple eygo gano ten kua go kupung imot blo sonogo mea kua u-weng. ¹³ NABInang nebit so mea lemoi, Woy Wali Iram go nemotnang ba sogo kua. ¹⁴ Ganemot sgoso Woy Wali Iram go nebut gekalik, Ki Wali Kumam: nemotnang lo ganemot kalik pen go sikso, ganemot sgoso gekalik so nemotnang no mea lemoi:, seni so Genam go nebut-nebut koy mea lemoimot go lom ba no nggano saula nggekoy so mea lemoi, ngganemot nogo nemotnang naklai koy lo mea dam go kua. ¹⁵ Seni so, Genam lo saula meno kuet sik sogomea pu go weng mot ple sruom sogo, ey blung Israel Woy Wali Iram go nebut ganemot kaliksaula meno don kangok go, saula meno banim sikso iti go, saula meno nemotnang go nebut mot kua senong go gano nemotnang lo pen go mot kua senong. ¹⁶ Ple so sdego sip mui kalik so bata-lak go, nemotnang naklai ngga PAHLAWAN-PAHLAWAN. ¹⁷ Nemotnang lo mea dam go kua mot go seni tagot go,gano mot go ten, mot go duo naklaisedue denok gano kabung denokyamso mea dam go kua, mot go KAMBING DOMBA gano LEMBU SAPI, mot anggul gano ara, mea kesuop tengang kaluang lo mot go KOTA-KOTA don eygo, mot lo ta-a melak go. ¹⁸ No, ku ganemot dali no, Woy Wali Iram go nebut ganemot kalik, Genam lo mot tang ey mea kua buin. ¹⁹ Gano mot mo u-usi: Sgo nang so Woy Wali Iram , imot go Wali Aya, sgo-sgo naklai mea pluok imot blo nogo?, Mot nemotnang nogo nebutway mea: mot lo Genam itak go gano demat no mot go saisuk koybutasemu so lemoi. Mot kukenan nogo ganemot kalik so mot go saisuk koybutasmuso lemoi sikabung meno go kukenan no. ²⁰ Ganemot se pen mlenawalasrang Yakob no, deguo ganemot se pen Yehuda nogo. ²¹ Nggenemot se tup, ey saula sglaplu sogo gano kunala kua gonemu eygo, no me kua ikum, kama gemang go no mea kua tup. ²² Mot sgosikso Genam sogo suali kua tra, Woy Wali Iram go nebut ganemot kalik, mot bubuong ey kua Genam sogo, no seni so Genam lo kaseglok bu beap ketang logo sang nang sgoso lemoi go beap bu logo, ngga sang ey mo tui mea kua pung ? nemot unuim eygo, nemot mea kua, neua nemot go alui kutkayang eygo, nemotnang mea kua pung! ²³ No-esang saula ngge dabui waydang eygo, nemotnang mo pai-sing gano nega. ²⁴ Nemotnang dabui ba nogo kua pe-pen: neua imot Woy Wali Iram sogo suali, imot go Wali Aya. Imot no sa so, sa go ku no iti go, ku sa iti go e sa I go sogo ku no mea pung gano seni so imot nogo ku MINGGU-MINGGU mo tui seni bo genang sogo ²⁵ Mot go piam lo naklai puem go, gano mot go konkebamling lo suey go puem go mot sik sogo. ²⁶ Seni so Genam go blung ba sogo koy sedue gemang nemot go kebapalo so ta go; wi so mlak go kalik, nemotnang sado ta go, nemotnang sikabung mlak genang. ²⁷ Ut kalik wi lo damoi go, ganemot kalik dali nemotnang go yap wamoi mlue lo damoi go; ganemot kalik go sik so nemotnang sedue kangok go so lemoi gano taut mata so. ²⁸ Sikabung bap. Ganemot no nemotnang lo piam pupluok go gakalik so itak. Demu nogo ta kua mlak, no duon sawon kua ikum gano sikabung drang kua gono kua tebok. ²⁹ Sgo sikso Genam nemotnang naklai idekeba mea kua iti? Woy Wali Iram go nebut ganemot kalik. Sgo sikso Genam dabui piam wai mot nogo mea kua itis aula gakalik go? ³⁰ Naklai piam go sikso kukenan ngge no mea lemoi. ³¹ NABInang lo wali deguo wamoi mlue sogo mea pen gano taitisopuitgo nang lo tetbadali me ngungnguok, gano Genam go blung gfanemot kalik go so duing! No sgo-a ya pluok mot nang logo, nemot go ku u-weng go nogo.