Pasal 4
1
mot teguey sgoso mo duing, ey Israel, Woy Wali Iram go nebut ganemot kalik, teguey mot “Genam” mot sono gano mot go demat-demat kua seni go kuet sono se ka; mot “Genam go nemu ku sik sogo kwa kap.
2
Mot kekengduk bano tanat go mo, nemudi basono gano seni eygo bano: Woy Wali Iram go sui no! saula-saula naklay way-way so tatui goWoy Wali Iram ba no gano Woy Wali Iram senguong-a blosno se-iti.
3
Ganemot sgoso Woy Wali Iram go nebut gekalik Yehuda sikabung nogo gano sikabung Yerusalem so suing go nogo: “tenuing-a nan demening go mot nogoso, gano kwa bluim sip diding-wong eygo ba logo.
4
Mot sadui suk tong-a Woy Wali Iram nogoso gano sadui suk mot go dabui ba nogo kuet sono se ka, ey sikabung Yehuda gano sikabung Yerusalem so suing go, ganemot sgoso “Genam” genam go nat mea pugn koy kalik, gano beblon go ngo mea kua sut sikabung logo, mot go tasam tasam piam go sik so!”
YEHUDA MENDAPAT ANCAMAN DARI YEHUDA GLEMOT GO DUN SIK SO
UTARA
5
Yehuda no se-pen si-lo gano Yerusalem nogo deguo ganemot se-pen dali: kabui se-u kukenan banogo, kangok so nase bega-silo: yaluim lak-a gano imot ya klong go KOTA KUBU eygo no.
6
Iti-a panji-panji Sion sono! Keda-keda so mot-nang se kuek, gano kua suing! Genam lo ku piam go dun sik so pu go weng go sik so gano yam-so mea mesuop.
7
Singa diding ba sik sogo mo ip-nawon, saula-saula tang ey buin genang sgoso gemang mo ip-nawon, nemot sip sik sogo mo pung gemang. Mot go kukenan bu kua sip so lemoi genang sogoso; mot go kota-kota plo-plo so mea iti, ganemot nogo mea kua suing.
8
Ganemot sgoso amkeba genuing genang sogo se pok: u-se kluo gano yawi se suing ganemmot sik sogo Woy Wali Iram go nat koy kalik so bebluon go imot blo nogo
9
Ku ganemot nogo, Woy Wali Iram go nebut ganemot kalik, aram gano sikabung sui ey go saisuklaam-a mea kua taitisopuit go woy-woy naklay suing nemu klaya tap lo mea yalapgano NABI naklay nemot dali.
10
Gano mea pe-pen: a-Woy Wali Iram, seni so, Mot lo saula ngge yamso malo go gano Yerusalem so suing go sikabung, gano mea pu: nggenggam yakay mot blosono, nemot-a tengang lo genam-nang nebuem nebit mo glemot.
11
Ku ganemot nogo mea pe-pen saula ngge nogo, gano sikabung Yerusalem so suing gono: nebit nengkoy eygo medium di kua blo sik so kaseglok pay nogo, iti-ya Genam go blung go kabung kaguit mit sono; no tong genang kua gano giang genang kua.
12
No nebit ngga don kangok genam lo pug ono weng go,geasui go genam lo pugo idekeba nemot-nang no mea iti.”
13
Ikum, nemot gum kalik so ngga keklak go, nemot go KERETA kap go nebit kalik nemot go KUDA don kangok puipak ey kua kerlam, imot mea nawit, ganemot sik so imot piam gono mea taling.
14
Dabui b ulu-a piam go sik sogo, ey Yerusalem, mot sesuoy sogo! Ku nago yam so mot go dabui ba so ya sesuing, mot go gluing iseng eygo sik sogo?
15
Tup-a! sikabung lo Dan sik so ngga pen-go, kukedik go ngga pen go Efraim go ku medium blo sik so.
16
Tene-singa saula-saula nogo: seni so nemot u-weng! Deguo se pen Yerusalem nogo: teguot genang sogo ngga u-weng go kukena kuet go sik so, se u-usi klong KOTA-KOTA Yehuda nogo.
17
Sikabung naklay nemot-nang go usu-o bubung go kalik naklay mea teguot go gasiksogo-gesiksogo, ganemot sik so Yehuda Genam no pleasing Wali Aya go nebut ganemot kalik.
18
Mot go tap masi gano mot go tasam, ganemot sik so mot no naklay ngge taling go. Mot nogoso piam go kalung goso taling go, betey kangok. Naklay dabui nogo ey luik.
19
Ey, genam go dabui, genam go dabui! Iseng kangok seni! Ey genam go dabui go ding, genam yakot so mea kua suing, genam kabui kluim tup go sik sogo, ple sogo.
20
Mesuop gano mesuop dali go deguo mea tup, kukenan naklay mo waluk, genam go KEMA kekaiso waluk go, genam go TENDA da klaya seni.
21
Ku kua walong gono genam PANJI-PANJI mea ikum, gano kabui kluim mea tup?
22
Seni so, Genam go blung puplu so, nemot-nang Genam kua senong! Nemot-nang denok-itat puplu sogo, gano nemot-nang iguong kua! Nemot piam pluok sogo duduingalay, no tasam suey lpuok genang sogo nemot-nang kua senong.
23
Genam kukenan no ikum go, seni way-way so bluot go ganu ule-so, gano ut no ikum go nemot go neblong kua.
24
Genam lo ku medium blo-lo ikum go, sesugueng; gano metuik blo naklay u-ulue.
25
Genam ikum, nemot-a sikabung kua ba, gano wi naklay mo pling go kap –lak.
26
Genam ikum, nan suey go kaseglok pay so mo lemoi. Gano KOTA naklay yan so truong Woy Wali Iram go nemu ku no, Nemot go nemu ku no nat koy kalik so bluon go!
27
Ganemot sgoso Woy Wali Iram go nebut gekalik: “ kukenan naklay ngge kluim kua go so mea lemoi, no naklay tang ey mea kua buin.
28
Ganemot sik so kukenan genuing mea suing, gano ut blo sogo ku klik goso mea lemoi, ganemot sgoso Genam mu pu-yu, Genam ganemot mo glueng, Genam ganemot teguot glung mea kua gano taton sno mea kua iwot ganemot sik sogo.
29
Ganemot sgoso ple sogo KUDA-ey kekap go ikum go gano ple eygo, kukenan naway mo kuek-lak. Nemot-nang diding balo degut gano metuik demu blo sono klak-lak; kota mo itak gano sikabung naklay ganemot no kua suing.
30
Gano mot tang ey buin genang sogo, mot sgokalik go tasam-a ya pluok, mot sgokalik amblekeba kilmisi kok, mot emasi kok saisuk temoi nogo, yam-so nemu-nang ut-singnemot go seni kua mot lo saisuk yam so balukuasom go, mot so klum go mot ey tenguo, nemot-nang mot go nebuem nebit teguik sogo ey duing
31
Ganemot sik so genam kabung duo tui so watam go kayang tup go, nebut sikabung nebuem nebit dap go kabung keduong duo so tui kalik so, kabung kaguit sion sogo nebut bata-lak, ta bata so tui “ genam mo piam, genam mo waluk sikabung so but go nemu ku no.