Iram so gemang suing Sikhem no
1
. Abimelekh bin Yerubaal sikhem no gemang klong nemot go mia go ntaton yap nang nogo:
2
. Klong go pen-a yakna dega Sikhem go blung nogo: nago-a suey motnang nogo: naklai yerubaal go danon nang 70 yam lo motnang go wengkabui so ya suing? Nggano seduing genam dali nemot go duoseni”
3
. Nggano nemot go mia go ntaton nang lo nembut nggga gemang pen yakena dega Sikhem go blung nogo nggaey sikabung ngganemot dabui gemang iwot Abimelekh sono gemang keng nggaey nemotnang tang so gemang pen seni nemot ngge imotnang ntaton.”
4
. Ngga nemot idi lo nemotnang drang perak 70 yamso gemang iti nemot nogo Kuil Baal-Berit sik sogo, nggano Abimelekh lo perak ngga gemang iti sikabung tap masi so kekelong go ey sikabung nemot no naklai dabui lo duing go gemang keng.
5
. Nemot go Aya go yap no gemang klong ofra no nggano nemot lo ntaton yap nang gemang but sing Yerubaal go danon nang 70 yam demu klaya blo no, Yotam Yerubaal go duo sat seni-a gemang wali nemot banom-a son go tangso.
6
. Ngga nemot idi lo sikabung yakena dega Sikhem sik sogo ey Bet-Milo sik sogo ey; nemotnang lo gemang klong ta tui genang Abimelekh Iram so lemoy genang di terbantim demu tangwit dagu so Sikhem nogo.
7
. Ngga blo idi lo Yotam nogo deguo gemang pung nggano nemot menduim Gerizim blo no gemang ip nggaey wak gemang klung nemotnang nogo: ”Genamno tup-a Sikhem sikabung nggano Kiwali Iram motnang no mea tup dali.
8
. Kai seguong-a lemoi genang sogo di naklai lo klong go nemot blo no ut go nemotnang blo sono Iram so lemoy. Nemotnang lo di zaitun no pen go: genamnang blo sono Iram so lemoy-a!
9
. No di Zaitun lo gemang pen nemotnang nogo: genam lo sogo kalik ya itak at go mlay lo semu go ta way kong genang Kiwali Iram nogo ey sikabung nogo ey, di blo sono klong-a pling?
10
. Ngga ey di nang ngga lo gemang pen di ara nogo: Weng-a, genamnang sono Iram sono se lemoy!
11
. No di ara lo wai so gemang pen: sogo tang so at go di don tegoup seni tom-tom sogo ngge ya itak nggano pling go di meno nang blo sono?
12
. Nggano di nang ngga lo di anggul no gemang pen: genam nang no Iram so suing-a!
13
. No di anggul lo tandali gemang pen nemotnang nogo: sogo kalik tang so at go di don ey bu tegoup seni go ey ya itak ngga sikabung ey Kiwali Iram ey go dabui yakai seni semu genang nggano ne long di nang blo lo ne?
14
. Nggano di ngganeot lo gemang pen wong diding nogo: weng-a genam nang no Iram so pla suing!
15
. Wong diding lo tandali gemang pen di nang sono: no motnang lo genam no seni so mo duing to mlay lo se tui genam motnang go iram so mea suing nggano weng-a genam ba sono se degut no kwa go ney-a koy wong diding ngge balo pung go di aras nang naklai mea dam sing menduim Libanon nogo.
16
. Nggasui ku no motnang lo seni so dabui lo mo duing go keng Abimelekh Iram so mo suing motnang nogo nggey motnang lo ta suey mo semu Yerubaal no nggano nemot go mlenawalasrang nogo ey nemot go tasuey nemot go taibat ey motnang tandali mo way so se plok dali.
17
. No at go aya lo motnang plepung ku nogo nemot lo motnang nesip no mo ip motnang naklai wali genang, ngga ey motnang mo plet sedue Midian go ta ba sik sogo,
18
. No motnang nggasui go waiso nembut ne semu at go aya go duo yap nang nggaey naklai mo but ngga nemot go mata 70 sedue, demu klaya sip no ngga ey Abimelekh kabung koybutasemu go danon Iram so mo suing sikabung yakena dega Sikhem no nemot ngga mot go ntaton
19
. No nggasui go ku nogo motnang lo dabi lo mo keng duk Yerubaal nogo mlenawalasrang nogo no motnang yakai se pla Abimelekh nogo nggano nemot lo motnang no dabui yakai ey mea tra dali.
20
. No ngga kalik so kwa go mo ney-a koy Abimelekh ba sik sogo pung go yakena dega Sikhem ey Bet-Milo ey mea dam naklai, nggaey koy mea pung sikabung Sikhem ey Bet-Milo ba sik so nggano Abimelekh yamso mea dam.”
21
. Nggano Yotam gemang kap; Beer no gemang kap nggano gemang suing ntaton Abimelekh suali so.
22
. Yagui nangglik yam no Abimelekh sikabunng Israel go Iram so suing gono,
23
. Nggano Kiwali Iram nemotnang ba sik so kunala piam bong go gemang pung ngga sikabung Yakena dega Shikem ba sik so Abimelekh nogo wayang so gemang semu,
24
. Tasam piam ngga plok go ngga Yerubaal go duo 70 kebong go kin ngga Abimelekh sono way tandali gemang glung ngga nemotnang go ntaton yamso mo but nggaey kerlam so sikabung yakena dega Sikhem ey gemang but sing ntanton nang ngga.
25
. Yakena dega Sikhem sik sogo sikabung lo tap no nemot gemang buop menduim blo sini no nggaey gemang mlok go gluik sedue tap ngga lo uwet go. Deguo Abimelekh lo no gemang pung.
26
. Ku ngganemot no Gaal bin Ebed nemot go satyap ey gemang weng yakena dega Sikhem nogo. Sikabung SIkhem nemot no dabui lo keng,
27
. Nggano nemotnang gemang klong usu nogo; anggul seni usu blo so nemotnang gemang yaluim naklai nggaey gemang suik nemot go bu wallop semu genang so. Nemotnang gemang degut demat ta kong go sip no nggano ten dam bu dedrop nggaey nembut piam gemang pupu Abemelekh no.
28
. Gaal bin Ebed lo gemang pen:” Abimelekh ngga nando nggano imot sedue kabung Sikhem ngge nando, no imotnang nemot go kuybutasemu so lemoy? Nemotgo seni ngga Yerubaal danon ey Zebul ey ngga sikabung hemor go koybu tasemu so mo suing ngga Sikhem go aya no sogo tangso imot naklai nemot go koybutasemu so ne lemoy?
29
. Sikabung yakena dega ngge bano genam go tabano mo suing ngganemot tangso genam lo Abimelekh mea but.” Nggano nemot lo Abimelekh sono gemang pu:” mot go plesi don ey se bsi!”
30
. Ngga ku nogo Zebul yakena dega yai so suing go gemang tup Gaal bin Ebed go nembut, nggano dabui sagui gemang tra nayun.
31
. Nemot lo sedue gemang pu go klong deguo pen genang ngge kalik: Gaal bin Ebed mo weng nemot go ntatonnang ey ngga nemot no nemotnang lo sikabung Shikem no nembut lo tong go mot no way kong genang
32
. Ngga nemot sogo so wadi nesip no seklong mot go blung ey kerlam so nggano duen kua go sip no nemotnang se suing tap no tong genang sogo
33
. Wadikwa seni woy demening klak go mot lo yakena dega ngga ple sepung ngganemot no nemotnang tandali way mo semu no mot lo nemotnang ngga nemot kalik so semu mot tegu go kalik.”
34
. Ngga tang sogo so Abimelekh gemang ip go klong wadi nesip no naklai nemot go blunge y kerlam so gemang klong nggano nemotnang tap no gemang suing 4 plesedue daley Sikhem no way semu sogo.
35
. Ngga nemot ku no Gaal bin Ebed gemang pung dia no nggano gemang ip tap put kangok yakena dega no nggano ta la kalik so Abimelekh gemang ip go nemotgo blung ey gemang tap no tong
36
. Gaal lo sikabung ngga gemang ikum nggano Zebul no gemang pen-atun:” ikum-a sikabung mata so menduim sik so gemang li.” Zebul lo way gemang pen- nawon: ngga menduim go lap wa mot lo ikum go sedue kalik.”
37
. Tandali tete Gaal lo gemang pen- nawon:” ikum-a sedue mata so gemang li menduim sik so meno dali tap Di Terbantim Peramal idi lo gemang pung go weng.”
38
. Way sogo tete gemang pen nawon tandali:” sogo temoy lo mot go lom lo mo pen: Abimelekh nemot nando imot nemot go koybutasemu so lemoy genang? Nemotnang ngge mot lo kua seni so mo pe-atun? Bisi-a banim nemot ple tuk genang.”
39
. Gaal gemang bisi banim nggaey sikabung Sikhem lo gemang ikum-atun nggaey ple Abimelekh ey gemang semu.
40
. No Abimelekh lo nemot gemang truik nggano suali so nemot gemang kap nemot go nemu damoi lo, nggano sedue mata dega seni gemang but go kebong sip taput yakena dega no.
41
. Ngga ku nogo Abimelekh sip Aruma no gemang suing no Zebul lo Gaal gemang yat nemot go ntaton yap-ey nemotnang naklai Sikhem no yakwa suing.
42
. Utep go ku nogo sikabung yakena dega no suing go gemang klong usu sip nogo deguo ngge Abimelekh gemang tup nawon,
43
. Nemot go blunge y gemang klong nggaey plesedue nangglik sip so gemang wasei nggano duen kwa go sip no gemang suing. Nemot go nemu lo gemang ikum sikabung mata dega seni pung go yakena dega ba sik so nggaey nemot gemang ip go nemotnang naklai gemang tuk nggaey gemang leguot sing.
44
. Abimelekh nemot go ple sedue ey kerlam so gemang kap go degut tap put yakena dega no, nggano plesedue meno tete lo sedue kabung di kwa go sip no nemotnang lo gemang truik gano gemang but sing naklai.
45
. Ku no woy no Abimelekh lo ple pung go si kabung yakena dega ngga nemot ey; nemot lo yakena dega ngga gemang gluik nggano sikabung ngga bano suing go naklai nemot lo yamso gemang but nggaey sip ngga gemang togut natun ngga ey biay lo gemang blum sing.
46
. Ngga tup go sikabung Sikhem sogo naklai gemang degut demu put nemu goi go sip no nemot nang naklai gemang son demat ta kong sip El-Berit.
47
. Deguo ngga Abimelekh mo tup sikabung yakena dega ngga naklai demu put nemu so goi bano mo degut ngga bano nemotnang gemang son
48
. Nggaey sikabung Abimelekh ey so suing go kerlam so gemang klak menduim Zalmon no. Abumelekh tengang katui gemang iti go di kali nang gemang tong nggano nemot lo yalu blo sono gemang tui nggaey nemot go blung so gemang pen nawon” genam lo plok go ngge motnang lo pla semu-a.”
49
. Ngganemot kalik so blung ngganemot lo gemang plok dali di kalinang tong go nggaey Abimelekh no gemang keng nggano di kali nang gemang tui mu tuet go blo lo nggano koy gemang puit sikabung go wengkabui blo lo. Ngganemot kalik so 10.000 sikabung Menara-Sikhem yakena dega gemang kebong sing yang ngga sedue ey kabung ey.
demu lo tuk go gemang kebong
50
. Ngga sik sogo Abimelekh tebes sono gemang klong; nemot Tebes yai gemang sung nggano gemang gluik
51
. No Menara kangok don ey go yakena dega nesip so sedue ey kabung ey naklai yakena dega ngganemot sogo ngga blo sono genang klak natun; nemotnang lo yataput ngga basic so gemang kadun nggaey menara go kebleng blono gemang klak sing.