Pasal 8
1
Nggano sedue Efraim go tang sik sogo gemang pen Gidion nogo” sogo kalik go ta sam mot mo plok genam nogo! No mot lo genamnang sogo so kwa usi, ku mot klong go Midian sedue ey ple pung go? Nggano nemotnang lo kunala walong so gemang lek.
2
Nemotnang nogo gemang pen:”sogo taibat genam mo plok motnang nogo no motnang kalik? No motnang lo mesip so buo go ngga suey Efraim go tang sik sogo nemot go seni naklai tegoup seni anggul di don ngga kwa kerlam Abiezer goo tang sik sogo?Kiwali Iram mo iti Midian go deguena namon ngga, Oree bey Zeeb
3
Kiwali Iram mo iti Midian go deguena namon ngga, Oree bey Zeeb ey motnang go ta ba nogo:” sogo ey ya mot lo mo semu ngga naklai kwa kerlam nemotnang ey?” nemot kalik so nembut nemotnang no pen gono nggano nemotnang go dabui piam gemang nimla.
Sikabung Midian teguey go nemotnang go Iramnang gemang but go kebong
4
Nggano Gidion bu Yordan no pung go 300 ple sedue ey kerlam so gemang li bu idi nogo no nemotnang-a sasyuk yamso mo lasu teba ne truik ton.
5
Nemot lo sikabung Sukot no gemang pu:” motnang go ten loti genam go blung no ya iti nemotnang genam ey kerlam so mo weng no nemot nang naklai mo wakot go no genamnang Zebah ey Salmuna ey truik go ngga Midian go deguena nang.”
6
No Sukot go trang nang lo way so gemang pu:” Zebah ey Salmuna ey motnang go tabano mo mlak ngganemot tangso genamnang ten loti mot go plesedue no ya iti?”
7
Nggano Gidion lo gemang pu:” nemot kalik so mo Kiwali Iram lo genam go ta bano Zebah ey Salmuna ey mo iti mo genam lo motnang go saysuk wong dikuagosip sik sogo lo samso mea wok.”
8
No nemotnang sik sogo gemang klong Pnuel nogo ngga nemot kalik dali gemang wadong sikabung Pnuel nogo no sikabung ngge sogo nembut kerlam dali gemang pen sikabung Sukot kalik.
9
Nggano nemot lo Pnuel sikabung no gemang pen:” no genam suey seguong ngge no mo pung mo genam lo blo sogo yap ngge mea togut sing.
10
Kungganomot no Zebah ey Salmuna ey Karkor so nemotnang go plesedue ey gemang sung ngga I go nemot go mata 15.000 plesedue yangga plesedue woy klak idi sik so ngga maning nemu kiki so sung go; no mata dali somo kebong ngga I go 120.000 plesedue ngga ple kalong ey mlok go.
11
Gidion lo banim klong go tap blo lo si kabung ngga lo bala sip semu go woy klak idi Nobah ey Yogbeha ey nggano plesedue nakali gemang but no pleseudeu ngga nang lo duing go ngge sip suey.
12
Zebah ey Salmuna ey gemang kap no Gidion lo nemot namon gemang truik Midian go deguena namon ngga Zebah ey Salmuna ey no nemot go plesedue naklai yamso gemang kuek lak.
13
Nggano Gidion bin Yoas tandali gemang weng pletuk sip sik sogo metuik Heres lo;
14
Nggano Sukot sik sogo unggout meno gemang mlak nggaey gemang usi nemot lo gemang klik sedue-sedue trang nang Sukot sik sogo Gidion nogo ngga I go nemot go mata 77 sedue
15
Nggano Gidion lo klong go Sikabung Sukot no gemang pu:” ngge Zebah ey Salmuna ey nemot namon tang so motnang lo genam no way idi lo mo pen: Zebah ey Salmuna mot go ta lo mo mlak ngga nemot tangso imotnang motno ten loti mea iti mot go sedue kabung ten lo wakot nogo?”Nggano blo yap ngga Pnuel sogo gemang togut nggaey sikabung naklai yakena dega basogo yamso nemot lo gemang but.
16
Nggano trang nang yakena dega banogo nemot lo gemang yaluim ngga ey wong dikuagosip sikso lo sikabung Sukot naklai gemang serap sing.
17
Nggano blo yap ngga Pnuel sogo gemang togut nggaey sikabung naklai yakena dega basogo yamso nemot lo gemang but.
18
Nggano nemot lo Zebah ey Salmuna ey gemang usi:” nago sip no sedue kabung mot lo but go Tabor nogo ngga?” nemotnang lo way gemang pen:” nemotnang ngga genam kalik nemotnang go wime nemot go – nemot go deguena go danon kalik.”
19
Nggno Gidion lo pu go: “ngga genam go satyap at go mia go duo nang! Kiwali Iram tangso Kiki so sung go no motnang lo nemotnang wali so na itak go sung genamlo motnang me akua but dali.”
20
Nemot go dou trang Yeter no gemang pen:” bong-a nemotnang ba but.” No sedue unggout ngga tengang kalong lo kua but nemot maning unggout tangso suali-a gemang tra.
21
Nggano Zebah ey Salmuna ey gemang pu:” mot ip-a genamnang pla but tegang lo mot go semu go kalik mot go don kalik ey se.”nggano Gidion ip go Zebah ey Salmuna ey gemang but nggaey nemotnang go Tegan ngoi menai unta go blindon no glung go gemang iti natun.
Gidion Ta kebali mo plok nggano nemot gemang ip
22
Nggano sikabung Israel lo Gidion no gemang pen:” ney-a mot lo genamnang go wengkabui so se lemoy ngga mot go dou ey nggano domdat ey segoung lo se suing wengkabui sogo no mot tang so genamnang sedue Midian go ta ba siksogo mo susuwoy.”
23
Wai sogo Gidion lo gemang pen nemotnang nogo:” Genam lo motnang go wengkabui sogo yakua suing genam go duo lo yakua dali no KIwali Iram lo motang go wengkabui so mea suing.”
24
Nggano Gidion lo nemotnang nogo gemang pen:” Klaya dato genam lo motnang no wadong genang sogo: motnang lo gluik go drang kama sua no glung go ngga se iti.” No plesi ngga kama sua no drang gemang glung dali emas lo semugo drang nemotnang ngga Ismael go tang sik sogo.
25
Way nemotnang lo gemang pen:” genamnang lo naklai dabui yakai ey mea iti.” Ngga nemot no amkeba walong go gemang sei nggano nemotnang lo nemogo-nomogo so gemang iti drang kama sua no glung go amkeba walong blo no gemang betep.
26
Kungganemot no yaluim go drang nemot go ide 700 syikal drang emas nemot lo wadong go, ngoi menai unta no glung go kua I, nggano drang kama no sebut go ameba ungu deguna-deguena Midian lo kok go nggaey blindon no glung go ey nemai unta nogo ngga naklai maning kua I dali.
27
. Nggano Gidion lo Efod gemang semu drang ngganemot logo nggaey Ofra yakena dega ba no gemang tui nggaey sikabung Israel lo Efod ngganemot no ta gemang kong; ngga Tegan kalik gemang lemoy Gidion go yap tenglam bano.
28
. Ngganemot kuno si kabung Midian suali gemang tra sikabung Israel no ngga ey nemotnang wengkabui blo sono yakua yalap; ngano nan ngga suey so gemnang suing yagui 40 yam so ngga Gidion ey.
29
. Nggano Yerubaal bin Yoas klong go nemot go yap banom go no gemang suing.
30
. Gidion lo tui go duo 70 sedue denok seguong ngga nemot go duo seni nemot go senun mata dega ngga;
31
. kabung meno sikhem sogo lo sedue denok dali gemang tui no nemot lo Abimelekh so gemang temuit.
32
. Gidion bin Yoas kebong go betodop dato yamso mo klaut nggano mu nemot tui genang so nemot go nglangin Yoas go mu bano gemang tui sip ngga Ofra yakena dega Abiezer.
33
. Gidion mo kebong no sikabung Israel tandali gemang tuguei tap masi banim degas ono ngga demat go Baal no nggano demat Baal-Berit gemang semu nemotnang ta kong genang;
34
. Sikabung Israel Kiwali Iram sono kunala sang mo kai ngga nemotnang go Kiwali Iram nemotnang so suswoy go plesi go ta nesip basik so,
35
. Nggano nemotnang lo taitisuey sang kua pu ne Yerubaal-Gidion go duo ey domdat yap nogo yangga nemot lo ta suey sang mo semu sikabung Israel nogo.