Plesi gemang yat natun

¹ Nggano Yerubaal – ngga Gidion – wadikwa seni bong go naklai nemot go blung ey gemang klong bala semu so butab Harod dagu no: nggano sedue Midian lo dun idi no gemang sung ngga metuik more dagu no pay idi dali. ² Kiwali Iram lo Gidion no gemang pen: sedue mata dega seni mot ey go no genam go duduing kalik sokwa Midian sedue nemotnang go ta no itak sogo, no sikabung Israel lo dabui yakai kwa semu genam go soung ku nogo, gano gemang pen: Genam go ta lo tang so genam mea suswoy. ³ No nggasui goblung naklai no ngge kalik so se pen: “nando suali so mo tandal se teguey menduim Gilead sik so.” Nggano 20.000 sedue gemang teguey ngga ey 10.000 sedue dato-a gemang suing. ⁴ No Kiwali Iram lo gemang pen Gidion nogo: sedue maning mata dega so no nemotnang nogo pen-a li-a bu klong go delop nggano Genam lo mea pen mot nogo: nge sedue mot ey kerlam so klong genang sogo nemot-a mot ey mea klong no nando no genam ngge kalik mo pen nemot so: ngge sedue moey yakwa keng kerlam so, ngga nemot mot no mea kwa keng. ⁵ Nggano Gidion lo nemotnang nogo gemang pen li-a bu klong go delop nggaey Kiwali Iram nemot ni gemang pen:” nando lo bu drop go nembleng dia no pung go uduo kalik so mo drop mo nemotnang banom so se yaluim nggano nemotnang segabuem nuik go bu so drop go mo ngga banom so se yaluim dali. ⁶ I gono sedue ta ba sik sogo bu delop go nembleng ey delop go ngga 300 sedue, no meno-meno blung ngga sik sogo segabuem nuik gono bu gemang drop. ⁷ Nggano Kiwali Iram nembut gemang pen gidion nogo:”300 sedue bu ta lo drop ngga ey mot ey mea suswoy: Genam tangso sedue Midian mot go ta no me iti, no meno kalik go nemotnang ngga naklai se klong nemot go sip – nemot go sip no.” ⁸ Nemotnang ba sik sogo ten ey tagui suk ey gemang iti: nggano sedue israel naklai gemang pu go klong, nemotnang go bala sip nogo, no 300 sedue-a gemang suing,ngganemot ku no sedue Midian go bala sip kuno gemang semu ngga pay ba sip. ⁹ Wadi ku nogo Kiwali Iram lo gemang pen nemot no: “ bong-a lia nemotnang go bala sono no Genam tangso nemotnang mo iti mot go a bano. ¹⁰ No mot suali mo tra nemotnang truik genang so mo, li-a kerlam so mot go degoup-ey nemotnang go bala sono. ¹¹ Nggano nemotlo gemang tup nemotnang lo pen go nembut: ngganemot no mot suali mea kwa tra nemotnang truik genang so nemotnang go bala no.” nggaey nemotnang gemang li nemot go deguop ey pung go nemotnang go plesedue seboy no bala sip nogo so gemang. ¹² Sedue Midian ey sedue Amalek ey nggano naklai sedue-sedue woy klak go sik so ngga naklai mata dega seni pay ba so mendop kalik mata dega nggano nemotnang go menai unta mata dega seni kaseglok kalik beap katang nogo kalik. ¹³ Gidion ngganemot no pung go tala kalik sogo sedue meno nemot go sedi sedek go gemang pen nemot go andua nogo nemot lo pu go:” genam lo sedi banoikum go ten loti jelai liling go sedue Midian go bala bas ono gemang degut: nggano bala nggeno gemang pung dali ngge blolo gemang pung sing ngga tang so bala ngge togut yamso se togut sing bala ngge sogo. ¹⁴ Nggano nemot go andua lo gemang pen: ngge meno kwa Gidion Yoas go danon sedue Israel nemot go tengang kalong no Kiwali Iram lo sedue Midian naklai nemotnang go bala ey nemot go ta ba no gemang mo iti.” ¹⁵ Sidi ngganemot Gidion lo lo tup go keda so gemang pen tandali sidi go seni nggano sedue ngganemot lo segabuem gemang unuk nemot nogo. Nggano nemot tandali gemang klong sedue Israelgo bala sono nggaey gemang pen: Bong-a Kiwali Iram tang so sedue Midian motnang go tabano mo iti gabe. ¹⁶ Nggano sedue 300 gemang wasey sing tang yam-tangyam sogo sedue 100 so gemang suing ngga ey nemotnang nogo tagui suk ey sro ule sogo ey nggano sagoy gemang king sro banogo. ¹⁷ Nggaey nemotnang nogo gemang pen:” Genam no se ikum nggano genam kalik dali motnang se keng no genam go tasam semu go kalik. ¹⁸ Nggano sedue genam no keng go genam ey tagui suk go kluim mo u go motnang tagu suk se u dali nemotnang go bala katang nogo nggano wak se usi: “Kiwali Iram lo tangso Gidion tangso!” ¹⁹ Nggano Gidion ey sedue 100 ey kerlam so nemot ey klong go bala siding nogo ngga nemotnang gosedue yai suing go waiso sedue demening weng go suing genang wadi nesib yai sung so gano nemot go sip maning demening ip go nggano nemotnang tagui suk kluim gemang u kerlam sogo sro ta no mlok go gemang mesop sing ²⁰ Nggano nangglik si plesedue ngga kerlam sogo tagui suk go kluim gemang u nggaey sro ta nogo gemang mesop sing nggano sagoy ta kalik idi no gemang mlak nggaey gemang u ngga nemot no wak ey gemang pen:” Tengan kalong ngge Kiwali Iram nogo ey Gidion nogo ey!” ²¹ Ngga nemot nogo nemotnang-a maning ip nemot go sip nogo bala katang nogo no plesi naklai gemang suep sing ngga ey wak ey klung go gemang kap suali so. ²² Maning 300 plesedue tagui suk so u go no plesi go bala nemotnang nogo wai-wai so gemang taling nemotnang go nembem nemu kuno nggano plesi ngga gemang kap suali sogo Bt-sita ngga Zerera dagu gemang klong e.. Abel – Mehola ngga Tebat daguno gemang pung. ²³ Nggano sikabung Israel Naftali go tang sik sogo, Asyer go tang nggano Manasye go tang naklai ngge nemotnang naklai lo sedue Midian gemang truik sing. ²⁴ Gidion lo sedue no gemang pen go klong menduim Efraim naklai nogo deguo se pen:”li-a sedue Midian nogo nggaey sip sung se semu bu sip nogo e.. Bet-Bara nogo nggano Yordan bu nogo,” no tang Efraim nogo sedue naklai gemang klong nggaey sip ngga gemang sung bu go sip nogo e Bet-Bara sik sogo e Yordan bun ogo. ²⁵ Nemotnang lo sedue Midian go deguena namon gemang mlak yang ngga Oreb ey Zeeb ey. Oreb menduim Oreb nogo gemang but go kebong nggano Zeeb gemang but dali aggul bu sik go sip no gemang kebong nemotnang lo sedue Midian gemang truik nggano nemotnang lo Oreb ey Zeeb ey go wengkabui iti go gemang klong Gidion nogo bu Yordan idi no.