¹ . Abimelekh kwa go Tala bin Pua bin Dodo gemang ip ngga Isakhar go tang sik sogo sikabung Israel suswoy genang. Nemot Samir so susung ngga menduim Efraim no ² . Nemot lo sikabung Israel go ta pegat so gemang suing walong so yagui 30 yam; nggano nemot kebong go mu no gemang tui Samir no.

³ . Nemot kwa gono Yair sedue Gilead lo gemang suing ta pegat sogo sikabung Israel nogo yagui 20 yam so gemang suing. ⁴ . Nemot go duo sedue denok 30 yam sogo nemotnang lo menay keledai kemsi 30 yam so nggaey nemot nang go sip suing 30 yakena dega nggano siskabung nemotnang so usi genang sedue Hawot-Yair nan Gilead so. ⁵ . Nggano Yair kebong go sip mu Kamon no gemang tui. Amon lo Sikabung Israel gemang gluik

⁶ . Sikabung Israel lo ta kebali piam go gemang semu Kiwali Iram go nemu damoi no; nemotnang lo dematnang ey Asytoretnang ey nggano sedue Aram go dematnang nggaey sedue Sidon go dematnang nggano sedue Moab go dematnang nggano sedue bani Amon go dematnang nggano sedue Filistin go dematnang nggaey demat ngga nang no sogo-a ta-ey gemang kong, no Kiwali Iram lo nemotnang gemang itak-a natun Nemot nogo-a dabui kwa wat ey ta kwa kong ⁷ . Nggano Kiwali Iram go dabui piam so gemang bong sikabung Israel nogo nggaey sedue Filistin ey bani Amon ey go ta bano sikabung Israel gemang iti.

⁸ . Yagui ngganemot nogo sikabung Israel nemotnang masi lo gemang gluk; yagui 18 sikabung Israel naklai nemotnang masi go lo gluk go ngga bu Yordan ngga idi so suing go ngga nan sedue Amori Giead no. ⁹ . Nggaey bani Amon gemang li bu Yordan nogo ple pung genang Yehudaey benyaminey Efraim go tang ey nggano sikabung Israel pluok so gemang sung. ¹⁰ . Nggano sikabung Israel Kiwali Iram so gemang usi:” genamnang piam ey konkebamling mo plok Mot nogo ngganemot tanggolo Kiwali Iram mo itak nggano dematnang no ta mo kong.” ¹¹ . No sikabung Israel nogo Kiwali Iram lo pen go ngge kalik: “Genam tangso motnang mo suswoy sedue Mesir, sedue Amori, sedue Amon, sedue Filistin nemtnang go ta ba sik sogo, ¹² . Sedue Sidon ey tang Amalek ey tang Maon ey motnang masi lo mo gluk no motnang lo Genam no mo usi? ¹³ . No motnang Genam mo itak nggano demot meno no ta mo kong; ngga tangso Genam lo motnang suswoy genang tandali tete Genam moiso. ¹⁴ . Klong-a demat ngganemot no se usi ngga motnang go duduing tangso lo; nemotnang lo motang mea suswoy ku ngge kalik bano pluok go.” ¹⁵ . Sikabung Israel Kiwali Iram no gemang pen nawon:” Genamnang tasam piam mo plok go. Genam nang nogo tasuey-a iti ya Mot go nemu lo ikum kalik. No genam nang nggasui go Mot go klum iti-a!” ¹⁶ . Nggano nemotnang lo dematnang ket sono kemang ta nemotnang ba sik sogo nggaey nemotnang dewi gemang pu Kiwali Iram nogo. Ngganemot tangso Kiwali Iram dabui klum gemang tra nemotnang go koy wongiseng tangso. ¹⁷ . Ngga ku nogo bani Amon gemang klong bala sip Gilead no gemang semu no sikabung Israel yaluim go bala sip semu go Mizpa no. ¹⁸ . No blung Gilead sogo wengkabui lo gemang pen sedue menoey meno dali no gemang pen dali: “nando lo banim so ple-a yapung bani Amon nogo? Nemot lo wengkabui so mea suing sikabung Gilead nogo.”