ey Gilead ey

¹ . Yefta ngga sedue Gilead plesedue sasyuk kangik go no nemot ngga kamea kabung go duo; Yefta nglangin ngga Gilead. ² . Gilead go senun lo duo sedue denok nang gemang tui dali nemot nego. Nemot go senun go duo nang kangok go no Yefta nemotnang lo gemang yat nggaey nembut ngge gemang pen kunon:”mot ngga kabung meno go duo genamnang ey drang ngge yakwa wasei.” ³ . Ngggo Yefta gemang kap ntanon yap sik sogo nan Top no gemang suing; sip ngga nogo nemotey gemang yaluim tap masi sedue nang nan meno sip sik sogo nemotnang ta wom semu genang sedue nemot ey kerlam so gemang suing. ⁴ . Ku santugun go tang Amon lo ple gemang semu sikabung Israel ey. ⁵ . Sikabung Israel maning ple nesip bano nggano sedue kunala nang Gilead sik sogo Yefta gemang wawi nan Ton sik so. ⁶ . Nemotnang Yefta no gemang pen nawon:”weng-a imot go ple wengkabui so pla suing nggano tang Amon tuk genang.” ⁷ . No Yefta lo gemang pen nawon kunala sedue nogo: ”no motnang genam dabui piam so mo yat genam go yap sik sogo? No sogo kali so tandali ne weng genam nogo ku ngge kalik pluokgo?” ⁸ . Gilead sik sogo Sedue kunala lo gemang pen nawon Yefta no:” seni so sang imotnang tandali gabe mo weng mot nogo keng-a genam nang nogo Tang Amon ey ple pung genang nggano mot wengkabui so mea suing genamnang nogo e sikabung Gilead naklai nogo ey.” ⁹ . Yefta lo gemang pen nawon Gilead go kunala sedue nogo: “no motnang lo genam wawi go nggano klong go tang Amon ey ple pung go nggano Kiwali Iram nemotnang at go taba no mo it imo, genam motnang go wengkabui so mea suing?” ¹⁰ . Nggano sedue kunala Gilead lo gemang pen Yefta no: ”Kiwali Iram tangso mo tup no nemot lo mo ikum dali imotnang nesip bano go: imotnang lo mea semu mot lo pen go kalik.” ¹¹ . Nggano Yefta gemang keng sedue kunala Gilead sik sogo ey nggaey si kabung ngga nemot lo nemot gemang taling nemotnang go ple wengkabui so gemang suing. No Yefta lo takebali ngga naklai gemang iti Kiwali Iram go suwong ku nogo Mizpa no. Tang Amon ey

¹² . Nggano Yefta lo deguo sedue gemang pu go klong Iram tang Amon nogo deguo ngge kalik: “no sogo tangso mot weng go genam ey ple ya pung genam go nan nogo?” ¹³ . Iram tang Amon lo gemang pe wawon Yefta go deguo sedue nogo: “ngga ku nogo sikabung Israel Mesir sik sogo weng go atnang go nan mo gluik ngga bu Arnon sik sogo nggaey bu Yobak e bu Yordan no gemang pung ngga nemot sogo so atnang no tadali se iti suay so dabui lo seiti tandali.”

¹⁴ . Nggano Yefta tandali go deguo sedue gemang pen go klong Iram tang Amon ¹⁵ . Deguo nemot ngge kalik: “Yefta lo ngge kalik gemang pen: sikabung Israel lo sikabung Moab ey tang Amon ey go nan kua gluik. ¹⁶ . Mesir sik sogo pung go ku nogo sikabung Israel nan duen kwa go sip lo gemang klong e biyap Teberau no pung go nggaey Kadesh no gemang weng. ¹⁷ . Ngganemot ku nogo sikabung Israel deguo sedue gemang pen go klong wadong sogo: genam nang lo motnang go nan ngge blo logo klong genang sogo ya iti. No Iram nan Edom lo kua tup. Nemotnang lo deguo sedue gemang pe go klong Iram nan Moab sono no nemot lo kua yang. Nggano sikabung Israel Kadesh so gemang suing. ¹⁸ . Ngga nemot ku nogo nemotnang gemang klong nan duen kua gossip lo gemang klong ngga nan Edom ey nan Moab dia lo gemang pay go klong nggano woy klak idi nan Moab no gemang pung, nggano nemotnang bala gemang semu bu Arnon idi lo Moab go nan sono kua degut bu Arnon ngga nan Moab go sang so luo go. ¹⁹ . Nggno sikabung Israel deguo sedue pen go klong Sihon sono sikabung Amori go Iram ngga Hesybon no sung go nggano Nemot no gemang pen: genamnang tap masi nan ngge blo lo bewon sogo mot lo ya iti. ²⁰ . Sihon sikabung Israel no dabui lo kua yang nemotnang tap masi ngga lo klong sogo nggano nemot go blung naklai yaluim sing nemot Yahas no bala gemang semu nggaey ple gemang pung sikabung Israel ey. ²¹ . No Kiwali Iram Israel lo Sihon nemot go blung ey sikabung Israel go ta bano gemang iti natun nggano nemotnang gemang but nggamenot tang sogo sikabung Israel lo nan ngga naklai gemang suing ngga sikabung Amori go nan sip. ²² . Ngganemot kalik sogo nan ngga sikabung Israel lo gemang suing nan sikabung Amori logo ngga bu Arnon sik sogo e.. bu Yabok nan di kua go sip lo tong e.. bu Yordan nogo gemang pung. ²³ . No nggasui Israel go Kiwali Iram lo mo gluik sikabung Amori sik sogo sikabung Israel nogo. Motnang logo sogo kalik duing tugoy nan ngge iti dali so? ²⁴ . No motnang go ngga demat Kamos logo ya iti ? ngge nemot kalik sogo naklai-naklai mo gluik genamnang nogo genamnang go Kiwali Iram tang so. ²⁵ . No motang so duing go mot ngge sedua naklai suey seni Balak tang Zipor Iram Moab sik sogo? Nemot tang sogo mo pen nemot nogo iti genang no sikabung Israel nogo ple way nemotnang nogo? ²⁶ . Nggano sikabung Israel yakot so suing gono Hesybon no yakena-yakena suguey Aroer no ngga naklai yakena suguey nang ngga yakena dega nemot go walong bu Arnon katang lo nemotnang suing go yagui 350 no sogo tang so motnang lo yakena ngga nang ta kua itak? ²⁷ . Ngga nemot sogo so genam ta kon kwa motnang nogo no motnang lo way sogo ple genam nogo ne tuk. Kiwali Iram ngga Ta Pegat Nemot lo tapegat seni ku ngge nemot nogo sikabung Israel nogo ey tang Amon nogo ey.” ²⁸ . No tang Amon go Iram ngga nembut pen nang ngge kua tup Yefta go deguo sedue nang lo pen nangam go lo Tegadi gemang dok ngam

²⁹ . Kiwali Waglo lo Yefta blo no gemang gualing; nemot lo gemang klong Gilead, Manasye ey go sang blo lo ngganemot Mizpa sik so Gilead no ngga ey Mizpa sik sogo nemot klong go tang Amon go sip no pung. ³⁰ . Nggano Yefta lo tegadi gemang dok Kiwali Iram pen nangam: “Mot lo seni seguong so tang Amon genamgo ta bano mo itak, ³¹ . No sogo-a ya pung genam go yatap put sik sogo genam ey tugu genang ku genam suey seguong so tandali weng go tang Amon sik sogo ngga Kiwali Iram go sogo so lemoy genang ngga taitisoput go so mea iti Mot nogo.”

³² . Nggano Yefta masi gemang keklong ple pung sogo Tang Amon ey nggano Kiwali Iram lo nemotnang gemang iti Nemot go ta ba nogo. ³³ . Nemot lo tang Amon but go mata dega seni gemang pui nemotnang nesip bano ngga Aroer sik sogo iti go e Minit no-ngga 20 yakena dega nang e Abel-Keramim no ngga ey Tang Amon ku nogo gemang suing sikabung Israel go nemu ku nogo. ³⁴ . Ngga ku no Yefta gemang weng nemot go yap sono Mizpa nogo nggano gemang ikum duo kaguit gemang pung dia no rebana ey bubut use so gemang pepla no nemot ngga duo kalya seni nemot go danon nang, denun nang meno kwa. ³⁵ . Nemot no ikum gono ambekeba nang gemang tegek a-natun nggaey gemang pen nawon: “Ah genam go duo mot genam go dabui ey mesop sing go genam diding balo kenong situ; genam go lom lo tegadi mod ok Kiwali Iram ey ngganemot sogo so genam yakua tuguey.” ³⁶ No nemot lo way gemang pen tun: “Aya no mot lom lo mo pen tegadi ngga kiwali Iram eygo no genam nogo se lemoy mot go tegadi pen go kalik so, Kiwali Iram lo plesi nang yam so ku nogo mo suing yang ngga tang Amon.” ³⁷ . Tandali tete nglangin no gemang pen a-natun:” ku tebot ngge ba nogo genam nogo ku banu namon so se iti at ey andua nang ey masi-masi so menduim blo lo klong so u kluo genang at go kaguit so, genam go andua nang ey.” ³⁸ . Yefta pen won: “Klong-a,”nemot lo pu go banu namon walong so gemang klong. Nggano kabung denok ngga nemot gemang klong kerlam so nemot go andua nang ey menduim blo nogo nemot go kaguit u kluo genang so. ³⁹ . Banu namon natun go nemot gemang weng nglangin nogo nggano nglangin lo gemang semu nemot nogo Tegadi dok go kalik gemang lemoy a-natun; kaguit ngga nemot sedue maning kwa senong. Ngga Israel go demu so mo lemoy, ⁴⁰ . Ngga ku nogo yagui-yagui no sikabung Israel go kabung denok nang lo u klu go tong kwa tong 40 ku yam no Yefta sedue Gielad go denun so u kluo go.