, Efraim ey

¹ . Sikabung Efraim gemang klong Zafon nogo nggano Yefta no gemang pu: sogo tangso mot klong go ple pung go tang Amon ey no imotnang kwa mot lo kua usi kerlam so klong sogo mot ey? Ngganemot tangso yap mot ey kerlam so koy lo mea blon go kuim!” ² . No Yefta lo way gemang pen: “at ey at go blung ey ple kangok dega so mo pung tang Amon ey; nggano motnang mo usi no motnang ne kwa weng imot susuwoy genang sogo nemotnang go ta ba sik sogo. ³ . Genam ikum go motnang kwa weng genam susuwoy genang ngga tang sogo genam dabui iku kok go gemang klong tang Amon ey ple pung go nggano Kiwali Iram lo genam go ta bano nemotnang gabe iti tun. Sogo tang so ne nggasui go motnang genam no weng go ple ne kong?” ⁴ . Nggano Yefta sikabung Gilead gemang yaluim nggaey plepung go tang Efraim ey. Sikabung Gilead sikabung Efraim ngga gemang but. Sikabung ngga lo ngge kalik gemang pen: “Motnang ngge sikabung tang Efraim sik sogo kap go!”—Tang Gilead ngga tang Efraim ey tang Manasye nesip so gemang susuing--. ⁵ . Tang Efraim ey tugu genang sogo sikabung Gilead lo sip gemang klong go semu bu Yordan suwe genang sip dagu no. Tang lo kap sogo mo nemotnang lo mea pen: “ney-a genam ngge lo mea suwe,” sikabung Gilead mea pu nemotnang nogo: “mot ngge sedue Efraim?” nggaey nemot lo tandali mea pen: “ kwa,” ⁶ . Nggaey nemotnang nogo mea pen: “yatrang so pen kundo:syibolet.” No nemot pen: sibolet, ngga suey so nembut ngga kua pen nggano nemotnang lo nemot mea mlok ngaey bluindon tong go sip suwe go Bu Yordan dagu nogo. Ku ngga nemot nogo tang Efraim go sedue kebong go 42.000 yam sogo. ⁷ . Yefta Tapegat so suing go sikabung Israel nogo yagui 6 yam sogo nggano Yefta sedue Gilead ngga gemang kebong nggaey mui sip semu go gemang tui yakena dega meno no sip nan Gilead nan no.

⁸ . Nemot kwa go nggano Ebzan Betlehem sik sogo sedue Tapegat so gemang suing sikabung Israel nogo. ⁹ . Nemot go sedue denok 30 yam sogo. Nemot go duo kabung denok 30 yam so ngga sedue mo iti lak ngga dia sik sogo tang no mo itak nggano duo sedue denok nogo kabung iti genang sogo dia logo tang lo gemang iti dali ngga 30 yam sogo kabung tang dia sik sogo gemang weng go suing. Nemot got a-natun go yagui 7 yamso.

¹⁰ Nggano Ebzan kebong go Betlehem no gemang tui.

Elon

¹¹ . Nemot kwa go Elon gemang suing Tapegat sogo sikabung Israel nogo.nemot lo suing go sikabung Israel go tapegat sogo yagui 10 yam so. ¹² . Nggano Elon kebong go sedue Zebulon ngga, nggaey gemang tui nan zebulon nogo nemot go sui Ayolan.

¹³ . Nemot kwa go nggano Abdon tang Hilel sedeu Piraton lo gemang suing tapegat so sikabung Israel nogo. ¹⁴ . Nemot go sedue denok 40 yam so nggaey domdat sedue denok 30 tang yam nemotnang lo 70 menai keledai kemsi blono iti go wet go keklong. Nemot lo sikabung Israel go tapegat so suing go yagui 8 yam so. ¹⁵ . Nggano Abdon tang Hilel gemang kebong sedue Piraton nemot nggano Piraton no gemang tui nan Efraim no ngga menduin sedue Amalek no.