go u

¹ Kungganemot nogo Debora ey Barak ey Abonoam go danon ey u kerlam so gemang kluo ngge nemot kalik: ² Nemotnang go sedue-sedue don ey naklai dabu lo plepung genang so, ngganemot tangso sikabung ngga dudung no ngga dabui lo mo iwat ngga nemot tangso Kiwali Iram iway blo sono gabe iti. ³ Tup-a deguena tang naklai ! kama nggeno se iti trang-trang naklai! Genam lo Kiwali Iram nogo u yakluo silu ngga u Kiwali Iram Israel nogo ⁴ Kiwali Iram kungganemot nogo Mot klong go Seir siksogo, Mot go masi sabang nan edom sik sogo kukenan kaiseguong-a kusu ey lemoy ngga ey u tba sik sogo sa gemang li ku nogo. ⁵ Sinai nogo menduim-menduim naklai gemang genong Kiwali Iram go nemu ku nogo ngga Israel go Kiwali iram nemu kuno ⁶ Zamgar anat go danon ngga kunogo, Yael ngga kunogo sedeu masi so wet go kwa keklong no nemotnang lo sedue masi so wet go kwa keklong no nemotnang lo tap masi walong so gemang pepay sing. ⁷ Sikabung Israel yakotso susuing go, ngga ey yakot-yakot son go, ngganemot nogo mot mo ip Debora Israel go mia kalik so mo ip go bisi. ⁸ Ngga kuno nemotnang demat demening no keng go ngganemot no ple gemang pung yakena dega go tap put degut no. seni so ding ey taming ey nemu yakwa yalap 40.000 sedue Israel nesip nogo ⁹ Genam go dabui nemotnang nogo mo iti israel go sedue don ey nogo nemotnang logo teba dal imo keng dabui lo ngge nogo mo duk Kiwali Iram nogo iway-a gabe iti! ¹⁰ Motnang keledai unen klaut sogo no mo klak ngga ey sip suing amblekeba suey gono mo suing nggano tap masi mo keklong go nembut ngge sepen klong. ¹¹ Bu so gluik go sip no pung go nggano nemotnang lo u so kluogo sip no ngga ey Kiwali Iram nogo u mokluo nemot ngga nemudi sogo sikabung ngga yakena-yakena Israel nogo. Ku ngga nemot nogo Kiwali Iram go sikabung gemang li yataput kangok nogo ¹² Bong-a bong-a Debora! Bong-a bong-a u ngge pla kluo-a! bong-a Barak! Ngge sedue kuklue go Barak Abinoam go danon yat go klong ¹³ Nggano li-a kunala sedue taplet go ngga Kiwali Iram go blung gemang li sedue don ey kalik ¹⁴ Efraim go tang sik sogo ngga pay tap lo gemang weng, ngga ey mot keng dali, Benyamin go tang ey nemot go plesedue ey: Tang Makhir sik so gemang li dali ngga plesedue wengkabui Zebulon go tang sik so ngga sedue di tebot ey mlok go gemang li dali. ¹⁵ Isakhar go tang sik sogo kerlam so Debora yai gemang suing, Isakhar go kalik Naftali go tang Barak yai gemang suing dali. Nemotang misip so keng go gemang truik pay bano degut. No plesedue Ruben go tang sik sogo maning kunala so duduing ¹⁶ Sogo kalik goso nemotnang ne susuing butui-butui bano kama-a ne tu suling menai so usi-a ne tu tu? Ruben go tang no pelsedue naklai kunala balo senang so maning klong weng! ¹⁷ Yordan bu idi no sedue Gilead lo gemang suing: Dan go tang sogo so motnang naklai bayi-bayi dagu no ne susuing? Biap ketang lo Asyer go tanglo gemang suing ngga bu susuon dagu so. ¹⁸ No Zebulon go tang ngga suali kwa tra go sedue, ngganemot no Naftali go tang dali sip metuik blo lo sip di kwa go so ¹⁹ Trang Deguena weng go ple pung genang so, ngganemot kuno Kanaan go deguena-deguena ple pung go Taanakh dagu so ngga bu tap Megido so no perak nemotnang lo it go ne kwa idok go klong. ²⁰ Ut blo sik sogo top nang lo ple pung dali ngganemot nogo Sisera nemotnang lo ple mo pung. ²¹ . Bu Kison lo plesi gemang lek, Kison ngga imotnang mo senong go bu banim sik sogo-bisi-a banim so at go sasyuk yai! ²² . Ku ngganemot no kuda masi lo klong go klaim kalik nemotang sogo kekap go. ²³ “yakena dega Meros piam pupu!” nembut Kiwali iram go tamot lo, “sedue kabung ngga ba sik sogo nemotnang blo sono piam yamso pupu nemotang lo Kiwali Iram no kwa weng go tebok “Kiwali Iram nogo tebok sedue don ey kalik” ²⁴ Heber sedue Keni senun Yael no tatui go ngga kabung meno ey kwa kerlam nemot nogo ta mo tui kabung nang butui balo ngga ey kwa kerlam. ²⁵ Bu so wadong go no min-a gemang iti nawon; daisruk teguop bano bu ngga gemang iti. ²⁶ Di tebot nemot go ta lo sra go gemang iti, ta semla idi lo di so tegak sogo so gemang mlok, ngga ey Sisera gemang tegak di ngganemot lo suongdon no but go kaiseguong-a wengkabui ey gemang mesoup ²⁷ Nemot go masi bano gosedeu ngga sedek go gemang kebong, nemot go masi ba dagu no sedue ngga mo kebong, sip sedek bano sedue ngga mo kebong. ²⁸ Ding put sik so Sisera go unen nemot so gemang ikum go bubung ngga ey gemang usi blo sik so “ sogo tangso nemot go kleta maning kwa weng? Sogo tang so kleta nang masi kluim maning kwa tup ne? ²⁹ Nemot go koybutasemu meno kunala kalong ey golo wai gemang pen, nemot tangso tandali gemang pen a-natun. ³⁰ No nemotang taut naklai mo gluk nggano gemang wasey sing, kaguit namon so klaya duo nogo nggano amkeba kin meno suk sogo namon tete genam go bulin don nogo gabe glung?” ³¹ Nemot kalik so mea kebong sing motnang go plesi naklai Kiwali iram! No sikabung nemot nogo dabui iti go woy gonembloung kalik so mea suing Nemot bano kangok so mea lemoy. Ngga nemot no 40 yagui yam no suey seguong so gemang suing lak.