¹ . Ehud mo kebong nggano sedue Israel tandali Kiwali Iram nogo suongkuno piam gemang plouk ² . Nggano Kiwali Iram nemotnang Yabim go ta bano gemang itak ngga deguena Kanaan Hazor go sip so gemang suing ngga ple wengkabui Sisera nemot Haroset-Hagoyim so suing go ³ . Ngganemot ku nogo sedue Israel Kiwali Iram so gemang usi, Sisera lo yagui 20 yam no sedue Isreal nemot lo kuno kenok, nemotnang go 900 keleta besi tangso ⁴ . Ku ngganemot nogo Debora tamot so nemot ngga Lapidot go senun Israel go tapegat so gemang suing ⁵ . Nemot go dali di korma ku no gemang suing ngga Rama ey Betel ey menduim Efraim nogo, sedue israel nemot mit nogo weng go nemotnang go taibat tapegat wet so gemang weng susuwoy genang ⁶ Nemot lo gemang usi Barak Abidon go danon no ngga Kadesh si sogo sedue Naftali go tang sik sogo nggano gemang pen : sogo tang so Israel go Kiwali Iram ngge kalik so ne pen: klong-a menduim Tabor no klak-a 10.000 sedue Naftali go tang ey Zebulon go tang-ey kerlam so mot ey ⁷ Ngga nemot no Genam lo Sisera wengkabui ple sedue Yabim go kleta-kleta kay seguong so ple sedue naklai bu Kison no mea klong ngga nemot no Genam lo nemotnang naklai motnang go ta bano mea iti.” ⁸ Barak Debora no gemang pen : “No mot genamnang ey kerlam so klong go ngga nemot tangso at ey mea klong dali, no mot kwa keng go tangso genam mea yakwa keng dali. ⁹ Debora gemang pen: “ngga suey! Genam ey keng go tang sogo mot no ta mea yakwa kong ngge tangso Ki wali Iram lo Sisera kabung go ta bano go mea iti.” Kiwali Iram lo Sisera kabung go ta ba nogo Debora gemang ip go klong kerlamso Barak ey Kadesh sono. ¹⁰ Zebulon go tang ey Naftali go tang ey Barak lo gemang wawi Kadesh nogo ngga I go sedue 10.000 yam so nemot no gemang keng go klong kerlam so Debora ey gemang klong dali. ¹¹ . Nggano sedue Keni nemot go sui Heber nemot banom-a mo suing tang keni ey kerlam so kwa suing, nemot ngga Musa go msanon Hobab go domdat nggano sip klaya no kwa suing ngga ey yap sip demening gemang semu di terbantim no, ngga Zaanaim sip Kadesh dagu nogo. ¹² . Deguena Sisera gemang tup a-tun Barak Abidon go danon menduim Tabor blo sono gemang klak, ¹³ . Kay segoung-a kleta besi 900 gemang pu go klong naklai nemot ey nomot go blunge y Horoset – Hagoyim sik sogo bu Kison no. ¹⁴ . Nggano Debora lo Barak no gemang pen : “ ip-a keda so klong-a nggasui ngge Kiwali Iram lo Sisera motnang go ta ba no gemang mo iti, nggasui go Kiwali Iram Banim mo bisi?” nggano Barak menduim Tabor sik so gemang li 10.000 sedue nemot no tebok go ey. ¹⁵ Nggano Kiwali Iram lo Sisera ey taplu so gemang lemoy a-tun ngga ey nemotnang go kleta plesedue naklai semu tegang kalong lo ngga lemoy go Barak go nemu damoi nogo, nggano Sisera kleta blo sik sogo li go gemang kap masi lo. ¹⁶ Ngga ey Barak lo kleta ngganemot lo plesudue nang gemang truik Haroset-Hagoyim no gemang pung nggano Sisera go plesedue naklai gemang but tengang kalong lo. ¹⁷ No Sisera masi lo gemang kap Yael go bara no gemang pung, Heber go senun ngga Keni sik sogo nemotnang suey segoung so mo suing banim sik so Yabin ey ngga deguena Hazor ey sedue Kani Heber go tang sik sogo ¹⁸ Yael dia no pung go Sisera gemang tugu ngga ey gemang pu:”namboy nggeno degut-a mot suali kwa tra”. Nggaey nemot gemang degut bala ba no ngga nemot no kabung ngga nemot lo nemot gemang kebet amkeba walong lo. ¹⁹ Ngga nemot no kabung nggano gemang pu:” genam no bu dato sre kundo genam drop so blindon yam so mo pang” nggano kabung nggalo bu min sip no gemang sre iti go drop ngga ey amkeba walong lo sedue ngga gemang kebet a-anatun. ²⁰ Tandali kabung ngganemot sono gemang pen: “Bala yataput no mot se ip nagono sedue weng go genam so mo usi go? Na se pen : kwa wa.” ²¹ No Heber go senun Yael lo di tebot bala so semu go ta no gemang iti dali ngga ey yakot so sedue ngganemot so dagu no ip go di tebot nggalo gemang tegak wengkabui suongdon no e..nan no pung nemot dato usene nemu so mo temoy ngga ey sedue ngganemot gemang kebong. ²² Ngganemot ku nogo Bara gemang weng Sisera truik tangso nggano Yael ey gemang tugu nggano nemotlo gemang pen:” weng-a sedue mot lo wet go ngge genam taling so” nggano Barak bala bano degut go gemang ikum a-natun Sisera mo kebong di tebot lo wengkabui no mo tegak ²³ Kungganemot nogo Kiwali Iram lo Yabin deguena Kanaan masi lo gluik go sikabung Israel go nemu damoi no. ²⁴ Nggano sikabung Israel lo don kangok so lemoy go yabim ku sono se lemoy deguena Kanaan ngga e… nemot nang lo Yabin deguena Kanaan ngga gemang but.