logo sikabung seni ta lo itak gemang suing

¹ Ngge Kiwali Iram go ta lo itak ngam go saula-saula sedue Israel so yatrang mule sogo nemotnang nesip no gemang itak go suing kerlam so yang ngga plesi Kanaan kwa senong go sikabung Israel naklai ² Ngge nemot go seni tang-tang sikabung Israel banim nogo plesi nemotnang manig kwa senong go ngga Kiwali Iram lo ple ta mea tetaling. ³ Ngga nogo suing go 5 deguena yakena dega Filistin sikabung ey Kanaan sikabung naklai, Sirdon sikabung ey Hewi sikabung, nggano menduim Libanon so susuing go ngga menduim Baal – Hermon logo tap ey ngga Hamat no klong go tap ⁴ Nemotnang ngga so gemang suing. Ngga tang sogo Kiwali Iram lo yatrang so sikabung Israel senong genang sogo, ngge nemotnang genam nogo nembut atui-a babu asi nogo itak go suey so ya keng Musa no tegadi so iti go. ⁵ Nggano sikabung Kanaan nesip ba nogo sikabung Israel gemang suing-lak ngga Het sedue Amori, sedue Feris sedue Hewi ey sedue yebus. Otniel ⁶ Nemotnang lo kabung kaguit sikabung Kanaan no gemang iti nemot go senun so gemang lemoy, nggano nemotnang go kabung denok way so sikabung Kanaan go sedue ungout no gemang iti dali way sogo nemotnang go senun so gemang lemoy dali, ngga ey nemotnang go demat no ta-ey gemang kong. ⁷ Sikabung Israel lo taibat piam mo plouk Kiwali Iram go swoung ku no ngganemot nogo Kiwali Iram so nemotnang kunala mo kay, nggano demat Baal ey Demat Asyera nogo-a ta gemang kong. ⁸ Ku ngganemot no Kiwali Iram dabui sadui sikabung Israel nogo gemang tra nawon, ngga tangso Kiwali Iram lo nay so gemang iti sikabung Israel naklai Kusyan – Risyataim deguena Aram – Mesopotamia no gemang iti ngga ey sikabung Israel suali gemang tra Kusyan – Risyataim no sung go yagui 8 yamso. ⁹ Nganemot no sikabung Israel loKiwali Iram sono gemang usi, ngga nemot tangso Kiwali Iram Otniel gemang pu go ip nemotnang naklai susuwoy genang Otniel ngga Kenas go danon Kalep go ntato sat. ¹⁰ Kiwali Waglolo nemot no gualing go nemot ta pegat so lemoy go Israel nogo ngga ey banim ple gemang semu nggano Kiwali Iram lo gemang iti Kusyan – Risyataim, deguena Aram nemot go ta banogp Kusyam – Risyataim gemang pui ¹¹ Ngga ey nan ngga gemang nimla yagui 40 yam no, ngga nemot no Otniel Kenas go duo gemang kebong ¹² No ngga nemot ku nogo sikabung Israel taibat piam maning peplok Kiwali Iram go swoung kunogo; nggano Eglon deguena Moab Kiwali iram lo don gemang isi sikabung Israel blo sono, nemotnang go taibat piam tang so. ¹³ Deguena ngge nemotlo tang Amon ey tag Amelek ey kerlam so gemang sung, ngga nemot no nemotnang lo sikabung Israel gemang but ngga ey gemang kukui. Ngganemot no di korma sip yakena dega ngga gemang suing ¹⁴ Yagui 18 yam no sikabung Israel kukui so gemang suing Eglon deguena Moab bano. ¹⁵ Nggano sikabung Israel gemang usi Kiwali Iram nogo, ngganemot nogo kiwali Iram nogo, nggano Kiwali Iram Ehud ip nemotnang suswoy genang sogo, Ehud ngga Gera go danon, Benyamin go tang sik sogo ngga takalik idi sedue nemotnang sogo sikabung Israel go taiti Eglon deguena Moab sono nemot lo gemang wawi. ¹⁶ Nggano Ehud lo tengang nemu namon ngga gemang semu nemot go walong klaya Hasta nggano nemot go amkeba kebum semela idi no gemang kok natun ¹⁷ Nggano taiti ngga nemot no gemang iti Eglon deguena Moab nogo Eglon nemotgo sasyuk kangok dega ¹⁸ Taiti mo iti nggano sedue taiti so lek go Ehud lo gemang pu go klong. ¹⁹ No nemot-a gemang teguey tap demu put Gilgal dagu no tandali gemang klong deguena dagu sono, nggano nemot lo gemang pu “yakotso” ngga nemot sogo so nemotnang naklai dia sono gemang pung sing. ²⁰ Nggano Ehud gemang degut ngga ba no ngganemot nogo nemot banom-a yap bo sono nembit kuno gemang suing. Ehud lo gemang pen: “Kiwali Iram go nembut pen mot nago so ngganemot ²¹ Ehud lo ta kali idi gemang sera ngganemot no kebum semla idi lo tengang lo gemang luk deguena ngganemot go tugean bano. ²² Ngganemot tangso tengang nemot go di-ey kai segoungso gemang degut nemot go tuguen bano gemang itak ngganemot no nemot gemang pung ngsongput lo. ²³ Ngganemot no Ehud seboi dia no gemang pung, yatapput blo nogo ngga basik so gemang kadun a-natun ²⁴ Maning ngga basik so pung go, deguena go kebali sedue gemang weng nemot ikum genang no yatap put mo kadung ngga basikso, nggano nemotnang lo gemang pen” Nemot maning bu so ku no gemang mo klong” ²⁵ Nemotnang lo maning bubung no kunala ey nagap go nggano deguena ngga yatap blo idi ngga maning kwa tunuing ne ngga tangso sebendi gemang iti yatap gemang tunuing nggano gemang ikum nemotnang go deguena mo kebong waklap blosono gemang pui a-tun. ²⁶ Nemotnang maning pleng so pleng no Ehud keda so mo kap demu put ketang lo e… seira tap lo gemang pung go klong. ²⁷ Nggano nemot ngga sono pung gono medium Efraim blono kubui lom nembit lo gemang u nggano Israel sikabung gemang li nemot ey kerlam so no nemot-a banim gemang bisi ²⁸ Nggano nemotang nogo nemot lo gemang pen “keng-a genam nogo Kiwali Iram lo plesi nang imotbano mo iti” ngganemot ku nogo nemotnang naklai nemot ey li go sip Yordan bu li tap ketang nogo ngga Moab tap sono go gemang gluik sing, nggano sikabung Moab klaya go yakua pung go kap nemotnang sik sogo. ²⁹ Ngga nemot kku nogo sedue Moab but go 10.000 ngga sedue kunala-ey go naklai klaya dou yakua kap nemotnang go ta ba sik sogo. ³⁰ Ngganemot sogo so Moab sikabung Israel lo gemang suing ngga nemot tang sogo so nan ngga suey so suing go yagui 80 yam so.

³¹ Ngga idi lo Samgar gemang ip nemot Anat go duo ngga nemot lo sedue Filistin gemang but di tebot Lembu so yat golo I go naklai 600 sedue gemang but a-tun nemot lo sedue Israel gemang susuwoy dali