Tamot Bokhim so

¹ Nggano Gilgal sik sogo Bokim nogo klong go Kiwali Tamot gemang pen-atun : Genam lo motnang mo wawi go pung Mesir sik so ngganomo wawi dali nan tegadi so dok go motnang go babu asi ey go sip no mo pung, ngga tangso genammo pen: Genam go nembut tegadi- ngge kua-kuago mot-nang logo yakwa tengou. ² No motnang logo tegadi kwa dok sikabung ngge nogo: motnang lo nemotnang go taiti so puit go sip se togut no motnang kwa tup genam go nembut, sogo tangso ngga kalik so nesemu? ³ Tandali go genam lo mo pen dali: Genam tang so nemotnang yakwa yat mot go nemu damoi sik sogo, no nemotnang demat-demat naklai mot go tawai-a mea semu plesi Tegan mea kok motnang nogo ⁴ Kiwali Tamot go nembut ngga naklai yam so pen go sikabung Israel no, ngga nemot tangso Israel sikabung u nembu kangok so gemang kluo a-natun. ⁵ Kiwali Tamot go nembut ngga naklai yam so pen go sikabung Israel no, ngga nemot tangso Israel sikabung u nembu kangok so gemang kluo a-natun. ⁶ Yosua lo sikabung Israel ta gemang itak, ngga ey nemotnang naklai gemang klong, nemot go sip-nemot go sip nogo nan tegadi so dok go nogo gemang klong. ⁷ Sikabung ngga logo ta gemang kong Kiwali Iram nogo yagui yam-yagui yam Yosua suing go, Yosua mo ip nggano yagui yam trang kose maning suing go nemotnang lo mo ikum Kiwali Iram go ta kebali teguop go Israel sikabung nogo. ⁸ Ngga ey Yosua bin Nun Kiwali tamot ngga gemang kebong yagui 100 yam no gemang ip. ⁹ Nemot nogo si mu gemang tuet tegadi nan idi no ngga Timnat_ Heres menduim Efraim dun idi go menduim Gaas no. ¹⁰ Mlenawalasrang ngga yamso yaluim go suing si mu ba so nemotnang go babu asi nan gey, ngga nemot no denok demening gemang suing yang ngga sikabung Kiwali Iram kwa senong go, sikabung ngga Nemot no ta kwakong go no nemotnang lo kwa senong dali Kiwali Iram go takebali nemotnang gobabu asi nogo. ¹¹ Ngga nemot nogo sikabung Israel ta kebali piam go mo plok ngam Kiwali Iram go nemu kono, ngga ey nemotnang lo ta gemang kong demat-demat no. ¹² Nemotnang logo Kiwali Iram mo itak, ngga kiwali Iram nemotnang go babu asi somo wawi go pung nan Mesir sik so no saula-saula meno go demat nogo so ta gemang kong yang ngga saula-saula nemotnang mit no suing go, nemotnang lo ta demat nomo kong go tang so Kiwali Iram dabui sadui ey gemang tra. ¹³ Ngga tangso nemotnang Kiwali Iram gemang itak nggano demat Baal ey Asytoret nang nogo-a ta gemangkong ¹⁴ Ngga tangso Kiwali Iram dabui sadui kangok so trago sikabung Israel nogo ngga ey Kiwali Iram lo nemotnang naklai sedue wom ey piam go tabasono gemang itak nggano plesi go ta no nemotnang naklai doy so gemang nay ngganemot tang so nemotnang naklai don kwa so gemang lemoy a-natun. ¹⁵ Tandali go nemotnang klong so no Kiwali Iram go ta yakw tengou ngga ey ta demun gemang but nemotnang nogo, ngga lemoy go Kiwali Iram go nembut tangwit ey tanat ey nemotnang nogo, ngga tangso nemotnang plok go. ¹⁶ Nggano Kiwali Iram lo sedue tapegat gemang taling ngga nemotnang susuwoy sogo plesi go ta ba sikso. ¹⁷ No sedue tapegat go nembut no nemotnang ne kwa keng, kamea semu go tang so demat-demat no mo keng naklai ngga ey ta mo kong nggano nemotnang naklai suey go babu asi go tab-a itak go ngga Kiwali iram go tap teguop seni mo wayang nggano tap kwaseni-a gemang keng ¹⁸ Tandali tete Kiwali Iram lo sedue tapegat ip go nemotnang nesip nogo nggano sedue tapegat ngga Kiwali Kumam ey susuing go nemot logo nemotnang naklai mo susuwoy plesi go ta basik sogo ngga sedue tapegat maning wali so susuing Kiwali Iram dabui klum trago nemotnang go U kayang tangso saula meno lo nemotnang no plo-plo so plok go. ¹⁹ Tandali tete sedue tapegat ngga mo kebong no tandali nemotnang ta sam piam mea plok dali nonemotnang ta sam naklai piam seni nemotnang go babu asi ey kwa kerlam nggano ta tandali demat-demat no mea kong dali nggaey skabem mo nuik dali demat nogo tasam piam ngga yakwa tong senang so mea plok. ²⁰ Ngga ku nogo Kiwali Iram dabui sagui sikabung Israel no Nemot lo ngge kalik so gabe pen: Genam tegadi mod ok motnang go babu asi ey no motang-a Genam go nembut kwa tup, ²¹ Ngga tang so Genam lo yakwa yat dali saula-saula ngge klaya tete yakwa yat, Yosua lo itak go ku no nemot mo kebong. ²² Nemotnang ngga nemotnang sogo so saula-saula ngga Genam logo yatrang mlue mea semu sikabung Israel nogo, nando sedue-a ya sung nemudi sogo Kiwali Iram go tap nogo ngga nemotnang go babu asi kalik ya suing no ya kwa. ²³ Ngganemot no Kiwali Iram lo saula-saula meno gemang itak go sung sikabung Israel ey kerlam so, Kiwali Iram lo nemotnang kwa yat; ngga ku nogo Yosua go ta ba nogo Kiwali Iram lo kwa iti dali