go Patung ta kokong genang so tang Dan lo wom so gemang iti go kap

¹ . Ku ngga nemot nogo iram so suing genang sikabung Israel nogo kwa nggano tang Dan lo nan sip suing genang maning uwet nemotnang go, no nemotnang sip sung maning kwa tugu e nggasui go kuno nemotnang nan sip kwa iti sikabung israel go tang nesip nang bano go. ² . Ngganemot tangso Tang Dan sik sogo gemang pen go klong sedue 5 nemotnang tang yam sik so ngga naklai sedue sasyuk don dega-ey yang ngga sip Zora ey Esytaol sik sogo nemu ikum ngga ey tetong genang sogo nggano nemotnang no gemang pen: “klong-a nan suey so se ikum.” No sedue ngga nang lo gemang pung mwnduim Efraim no Mikha go yap no nggalo nemotnang gemang sedek ³ . Mikha go yap no dedagu nemotnang lo sedue nggout tang Lewi sik so nemot go nembut blem lo gemang senong nggano nemotnang gemang degut ngga nogo nggaey gemang usi nemot no: “kay mot nandolo ngge sono wawi go weng? No sogo kebali nggeno plok to?” ⁴ . Nemotnang no gemang pen nemot nogo: “nggakalik nggekalik lo Mikha lo genam gabe semu; nemot lo genam drang iti go genam nemot go Imam so lemoy go.” ⁵ . Nemotnang lo pu go: “usi-a Kiwali Iram nogo tap masi imotnang lo klong go ngge suey seguong so ya lemoy.” ⁶ . Imam ngga lo gemang pen nemotnang nogo: “suey so se klong! Tap masi monang lo klong go ngga Kiwali Iram lo ikum go suey.” ⁷ . Ngga blo idi lo sedue 5 ngga gemang klong Lais no nemotnang gemang pung nggano nemotnang lo ikum go blung ngganemot nogo suey segoung so gemang susuing Sidon go demutru kalik suey seguong so suing lak. Sikabung ngga nemotnang drang mata dega seni kukenan blo ngge no, drang mata seni. Nemotnang go sip sung ket so sedue Sidon dagu so kwa nggano sedue meno-meno ey nembut semu kwa pen. ⁸ . Ngga blo idi lo tangdali gemang tugu ntaton yap nan gey Zora ey Esytaol no nggano ntaton yap nang ey nembut gemang usi nemotnang nogo: “sogo piam motnang lo mo ikum ngga nogo? ⁹ . Way gemang pen nemotnang nogo: “keda so ip-a weng-a imotnang lo nemotnang ple pung genang imotnang lo mo ikum nan nggasogo naklai suey dega seni no sogo tangso motnang yakot so ne sung! Moyso sogo kwa lemoy se klong lak sip ngga gluik go se syung. ¹⁰ . No motnang lo mo klong go sip nggano mo degut go nemot go blung suey dega seni so gemang suing nggano nemotgo nan ngga bata dega seni ta kalik idi no nggano ta semla idi nogo dali bata dega so. Seni seguong so Kiwali Iram lo sip ngga imotnang go ta ban ogo mo iti; sip ngga teguop seni bu min yakai sip ku kenan blo logo.” ¹¹ . Nggano nemotnang ngga sik sogo gemang klong Zora ey Esytaol sik so 600 sedue tang Dan sik sogo play taut naklai ey idok go klong. ¹² . Nemotnang klong go nggano bala sip gemang semu Kiryat-Yearim no ngganemot tang so sip temuit go ngga sui Mahade-Dan nggasui go-ey maning kerlam; sip ngga woy klak idi no Kryat-Yearim sik sogo. ¹³ . Ngga sik sogo nemotnang klong go menduim Efraim no pung go Mikha go yap no gemang pung. ¹⁴ . Nggano sedue 5 lo ngga nemu tong go gemang pen sip Lais nemotnang go ntaton yap no gemang pen tang klaya sik sogo: “motnang mo senong yap genang balo efod, terafim, patung pahatan ey patung tuangan ey gemang? Ngga nemot tang sogo naklai se senong sing sogo kalik-a ya semu eyun!” ¹⁵ . Nggano nemotnang gemang klong sip ngga sono nggaey gemang pung sedue ngguot ngga nogo Mika go yap no nggano gemang usi mot suey seguong so suing. ¹⁶ . Ngga nemot sogo 600 sedue tang Dan play nang-ey ip go yatap put kangok no gemang ip lak, ¹⁷ . Nggano sedue 5 yam sogo lo nan ngga nemu so totong masi gemang keklong ngga ba nogo degut go nggano gemang iti patung pahatan, efod, terfim nggano patung tuangan ngga ey no imam ngga yatap put no ip go kerlam so 600 sedue play ey ngga. ¹⁸ . No nemotnang meno lo degut go Mikha go yap bano ngga nang iti go patung pahatan, efod, terfim ey patung pahatan nggano imam lo gemang pen nemotnang nogo: “sogo taibat so motnang plok?” ¹⁹ . No way sogo nemotnang lo gemang pen: “yakot so lom-a kidik, genam nang no kenga-a imotnang go aya ey imam so se lemoy. Sogo-a suey mot nogo: imam so suing genang yap klaya nog-a no genamnang go imam so ya lemoy yang ngga genam nang go tang Dan nogo sikabung Israel nesip ban ogo?” ²⁰ . Ngga ey dabui yakai kangok so gemang tra Imam ngga lo efod, ey patung pahatan iti go gemang degut sikabung mata dega nesip bano. ²¹ Nggano sasyuk iwot go gemang klong lak denok nang, menai nggano taut drang seni ey banim so gemang tui go klong nemotnang logo. ²² Ikum go nemotnang masi ket soo keklong Mikha go yap sip sogo sedue nang yap idi nang lo Mikha go yap dau sik so tang Dan so gemang truik. ²³ Nemotnang lo tang Dan so gemang usi ngganemot nogo sedue ngga nang lo gemang iwot go pen Mikha nogo: “mot sogo kalik dung to sedue nggenang ey weng go?” way gemang pen: ²⁴ . Genam go taut ta so kong go Kiwali Iram nogo motnang iti go klong genam go Imam ey klong go no genam ey sogo-a ya suing? Sogo kalok go nembut-a pen kundo genam nogo: mot sogo so?” ²⁵ . Tang Dan lo gemang pen nemot nogo: “mot go nembut genamnang lo yakwa tup tandali go mo tup mo sikabung ngge lo dabui sadu tra go mot ey mot go yap tengglam ey yam so mea tuk go kebong.” ²⁶ . Nggano tang Dan lo tap masi gemang klong nggaey Mikha ikum go nemotnang naklai don dega ey nggano tandali gemang tuguey nemot go yap sono. ²⁷ Nggano tang Dan lo Mikha go taut nang nemot lo semu go yamso gemang ikak go klong nemot go imam ey kerlam so nemotnang gemang klong Lais nogo yang ngga blung sip suey segoung so sung go sip nggano nemotnang lo sikabung ngga sogo lo gemang but sing tegang kalong lo nggano yakena dega ngga koy lo yam so gemang puit. ²⁸ Sedue kabung kwa weng nemotnang no tebok genang nemotnang go yakena dega ngga ket so sip sidon sik sogo nggano nemotnang sedue menonang-ey nembut kwa pen no yakena dega ngga pay Bet-Rehob nogo. Nggano Tang Dan lo tandali yakena dega ngga gemang semu sing suey so. ²⁹ Nemotnang sui gemang temuit yakena dega ngga so Dan nemotnang go babu asi go sui so ngga Israel go duo so tui go no banim seni no nemot go sui Lais. ³⁰ Tang Dan lo patung pahatan nemotnang lo suey so semu go nggano Yonatan tang Gersom tang Musa kerlam so nemot go duo nang-ey imam so gemang lemoy tang Dan nogo nggano ku ngga gemang pung si kabung nan ngga logo gemang iti go klong ngga-ey gemang beteb. ³¹ Ngganemot kalik so nemotnang lo gemang semu Mikha go patung pahatan nogo ngga patung ngga so gemang gigit Kiwali Yap ba so Silo no.