kong genang sogo Mikha lo semu go
1 . Sedue meno menduim Efraim sik sogo nemot go sui Mikha. 2 . Nemot lo gemang pen nemot go unen no: “ drang perak 1100 ngga sedue meno lo mo iti mot sik sogo ngganemot tang so mot lo nembut piam mo pu—nembut ngga genam tangso mo tup—seni so drang ngga gemang genam no—genam lo iti go.” Nggano unen lo gemang pen natun: “Kiwali Iram lo ta nemot no se tui.” 3 . Ngganemot idi lo drang 1100 tandali gemang iti natun nemot go unen nogo nggano unen lo gemang pu: “genam lo drang ngge dewi pu genang Kiwali Iram sono nggaey mea iti at go duo nogo drang ngga logo patung pahatan ey patung tuangan ey semu genang sogo ngganemot tang sogo drang ngge mot nogo tandali gabe iti.” 4 . No sedue ngga lo drang ngga tandali gemang iti nemot go unen no, nggano kabung ngga lo drang perak 200 iti go nggaey gemang iti natun kebali sedue perak so semu gono nemot lo patung pahatan ey patung tuangan ey drang ngganemot lo semu genang so; nggano patung ngga gemang tui Mikah go yap ba nogo. 5 . Mikha nemot go dewi pu genang yap gemang nggano Efod ey terfim ey gemang semu nggano nemot go duo sedue denok meno ta tui go nemot go imam so gemang lemoy. 6 . Ku nganemot nogo sikabung Israel nogo Iram so suing go kwa; nemot go-nemot go taibat semu go suey seguong nemotnang so ikum go. 7 . Nggano sedue ngguot meno Betlehem-Yehuda sik sogo; ngga tang Yehuda; nemot ngga sedue Lewi sip nggano suing go saula meno sik sogo. 8 . Nggano sedue ngga gemang pung yakena dega Betlehem-Yehuda sik sogo gemang weng sip sung genang sogo gemang wet natun nago-nago no sip mo ikum go mea suing; tapmasi balo uweng go nemot gemang pung menduim Efraim no ngga Mikha go yap no. 9 . Mikha lo nemot no gemang usi: “Mot nago sik so?” nemot lo gemang pen: “genam sedue Lewi Betlehem-Yehuda sik sogo genam klong go ngge nago no sip mo ikum go genam mea suing ngga nogo.” 10 . Nggano Mikha lo nemot no gemang pen: “genam ey suing-a mot genam go aya ey imam ey so se lemoy; ngganemot tang sogo yagui klaya no genam mea iti mot nogo drang 10 perak nggaey amkeba klaya nggano ten mot nogo.” 11 . Sedue Lewi ngga lo gemang yang go suing nemot ey nggano sedue ngguot ngga nemot go danon kalik so gemang lemoy a-tun. 12 . Mikha lo sedue Lewi ngga gemang ta tuik; sedue nguot ngga Imam so gemang suing Mikha go yap ba no. 13 . Mikha lo pen go: “nggesui go genam gabe senong Kwali Iram lo ta suey gabe mo taling genam nogo sedue Lewi tang so genam go Imam so mo suing.”