Gaza nogo

¹ . Ku ngga nemot nogo Simson Gaza no gemang klong ngga nogo nemot lo kamea kabung gemang ikum nawon ngga ey gemang tugu nemot ey. ² . Nggano sikabung Gaza no gemang pen: “ Simson ngge sono mo weng,” nggano nemotnang lo nemot tang so sip ngga yai gemang suing nggaey tap no tong genang sogo wadi nesip seguong so gemang suing tap put kangok dega nogo no wadi nesip suing go ngga nemotnang sogo-sogo kwa semu ngga kalik duing tang so: “woy klak gono imotnang lo nemot mea but.” ³ . No Simson ngga lo gemang sedek e wadi nesip nggano wadi nesip no nemot bong go ngga ey tap put dop namon mlak go nemot go di namon ey kai seguong-a gemang tuguik naklai nemot go di blo lo tui go ey nggaey gemang tui nemot go yalu namon blo no nggano naklai gemang lek go klong menduim blo no ngga menduim Hebron go sik sogo nemu mea ikum menduim ngga idi no. dan Delila

⁴ . Nggano Simson dabui ey gemang kenong kabung meno nogo ngga sip pay ba kalik ngga Sorek sik sogo nemot go sui Delila. ⁵ . Nggano Iram nang Filistin go yakena dega sik sogo gemang weng kabung ngga nemot sono nggaey gemang pen: “ Yatrang sogo nemot mlue nggaey mea senong sogo tangso nemot go don kangok dega so lemoy nggano imotnang kenong go nggaey nemot dok go ku sono suing genang. Nggano imotnang lo mot nogo drang 1100 mea iti.”

⁶ . Nggano Delila pu Simson nogo: “pen-a genam sono sogo tang sogo mot go don kangok dega so lemoy nggano sogo lo yad ok ku sono suing genang?” ⁷ . Simson lo way pen nawon: “genam ple unen go tegan demening 7 yam so ngga maning kwa lekoy dok go dok nggaey genam mea malo nggano sedue meno nang ey kerlam so mea lemoy.” ⁸ . Nggano sedue Filistin go Iram nang lo ple unen go tegan demening lo ngga maning kwa lekoy nggaey kabung ngga nogo gemang iti nggaey Simson nemot lo gemang dok tegan ngga nang lo, ⁹ . Nggano kerlam so sedue nang gemang nemot yai so suing nggano kabung ngga lo wak-ey gemang usi nemot nogo: “ Simson sedue Filistin nang mot mlak genang so se!” no nemot lo ngga yam so ibot go tegan koy lo kum go kalik ngga kwa senong nemot go don go sip suing. ¹⁰ . Nggano Delila gemang pen Simson no: “ seni so mot lo genam nogo wamoi ey relam kalik mo semu to ngga tang so nggasui go pen-a genam nogo sogo lo mot ya dok.” ¹¹ . Way gemang pen nemot nogo: “no genam tegan demening lo dok go ngga maning kebali sogo-sogo so kwa semu go nggano genam sasyuk me malo sedue meno nan gey mea kerlam.” ¹² . Nggano Delila tegan demening iti go nemot gemang dok a-natun nggaey nemot lo wak-ey gemang usi: Sedue Filistin nang mot mlak so Simson!” –yap ngga bas ogo sedue nang gemang ip go yai so suisuing—no tegan nang nemot go ta sik sogo tong go ku sono net go amble dan kalik so net a-natun. ¹³ . Delila lo Simson no gemang pen: “nggasui go woi no pung go mot lo genam wamoi ey relam sogo ey semu to no pen-a genam nogo mot sogo yad ok.” Way sogo gemang pen: “ no mot lo genam go beto dop 7 yamso dok go kerlam so lungsin-ey nggano di no dok go nggano genam malo so me lemoy sedue meno nang kalik.” ¹⁴ . Nggano kabung ngga lo ngganemot kalik semu tenunan ngga di no dok go nggano nemot lo wak-ey gemang usi: “sedue Filistin nang lo mot mlak so Simson.”no kai seguong so nemot bong go masi lo but go nan nogo kai seguong so di tenunan lungsin ey go ngga gemang plet sing. ¹⁵ . Kabung ngga lo gemang pen nemot nogo: “no sogo kalik so mot genam nogo pen: genam mot so dabui lo dung no mot go dabui-a ket so genam no kwa? Nggasui go da nanglik tete mot lo genam no wamoy mlue ey relam so mo semu nggaey genam no kwa pen ne sogo tang so mot don kangok dega so lemoy.” ¹⁶ . Nggano nemot blo idi lo kabung ngga lo kuno-woyno u ey senang so usi go nemot nogo ngga tang so nemot lo dabui klum tra go nemot kebong kalik gemang tra ton. ¹⁷ . Ngga tang so nemot lo gemang pen nemot go dabui iku ba sik sogo gemang pen: “Genam go wengkabui ngge tegang lo kwa ndok ngga ku mia go sani ba sik so pung go genam ngge Kwali Iram go Nazir. No wengkabui ngge mo ndok genam go don yam so mea kwa genam sik sogo nggaey genam mea kerlam sedue meno-meno nan gey.” ¹⁸ . Nggano Delila ikum go nemot lo dabui iku ba sik sogo nembut yamso mo pen ba nemot nogo nggaey deguo gemang pen sedue Filistin go Iram nang yakena dega Filistin ngge kalik gemang pen: “Da klaya tete ngge se weng nemot lo nembut gab emo pen naklai nemot go dabui iku sik sogo genam nogo.”nggano sedue Filistin go Iram nang gemang weng yakena dega sik sogo nemot nogo kai segoung so drang ngga ey gemang iti go weng. ¹⁹ . Nggaey Simson weu go gemang sedek nemot go kebum blo no nggano nemot lo gemang usi sedue meno degut go buto dop 7 yam so dok go yamso gemang dok a-tun nggano Simson kabung ngga lo gemang tup duk nemot go don yamso gemang kwa seni nemo tba sik sogo. ²⁰ . Nggano kabung ngga lo wak-ey gemang pen: “sedue Filistin mot mlak so Simson!” nggano usene ba sik sogo bong go nggaey gemang pen: “kerlam dali banim go kalik genam mea kap dali yakwa mlak tegan lo yakwa dok.” No nemot lo kwa senong Kiwali Iram nemot mo itak banom so. ²¹ . Sedue Filistin lo nemot mlak go nggano nemot go nemu namot wagot go nggaey Gaza sono gemang iti go klong nggano nemot tegan rantai tembaga lo gemang dok nggaey boy bano nemot go kebali ngga nedik so gemang semu won. ²² . No nemot go beto ndok go beto dop demening go gemang pupung. Kebong

²³ . Ngga blo idi lo nggano gemang yaluim sing sedue Filistin go Iram nang nemot nang dewi pu genang ngga taiti so puit genang kangok so semu go Dagon nogo ngga nemotnang go demat ngga-ey yakai mea pepla; nemot nang lo pu go: “imotnang go ta ba nogo Simson mo iti demat lo tang sonemot ngga imot go plesi.” ²⁴ . Ngganemot nogo sedue kabung mata sogo Simson ikum go nemot nang lo ta gemang kong demat nogo nggaey gemang pen: “Demat tang sogo imotnang no mo iti ple si ngge imotnang go ta ba sono imot go usu nan piam so plok go nggaey imot go andua mata deg seni mo but.”

²⁵ Nemotnang naklai yakai so pepla gono nemotnang lo gemang pen: “ Simson ey usi imotnang nogo nembut semu pen genang no imotnang naklai go nemu damoi nogo nggano nemotnang lo nemot gemang pu go ip nesip nogo ngga di namon nesip no kong gono nemot gemang ip. ²⁶ . Simson lo denok nemot so wawi gono gemang pen: “genam ta itak-a genam banom-a ta kasa go mea klong yap go di nesip no kong go ngge no genam mea tegue si lu.” ²⁷ . Nggaey yap ngga damoi ey tram go sedue ey kabung ey mata dega seni; sedue Filistin go iram naklai gemang nggano yap ngga blo no 3000 sedue ey kabung ey ngga blo lo gemang ip nggano nemu yalap go Simson lo nembut semu so gemang pepen. ²⁸ . Simson lo dewi gemang pu Kiwali Iram nogo ngge kalik: “yang Kiwali Iram genam nogo dung-a genam nogo don ey iti-a da klaya dato yang Kiwali Iram ngga tang sogo genam lo way nemotnang sono semu genang genam go nemu namon tang so sedue Filistin sono.” ²⁹ . Nggano Simson go ta namon lo di namon nesip no kong go gemang tuguot di ngga yap so srok mot go di nggano di meno no gemang tugue meno dali ta semla idi lo nggaey meno dali ta kalik idi lo di meno no. ³⁰ . Simson gemang pen: ney-a genam mea kebong kerlam so sedue Filistin ngge -ey.” Nggano nemot lo kuno gemang lek srong ku sono gemang li nggano yap ngga gemang togut yakena dega go Iram nan gey sedue kabung mata dega seni ngga ba nogo-ey. Nggano kebong go ngga mata dega seni nemot maning nemu wet so but go ey kwa kerlam yang ngge kebong go naklai mata dega seni. ³¹ . Nggano gemang weng nemot go sat yap nang nemot nang lo nemot gemang iti go klong ngga sik sogo ngga-ey mu no gemang tui sip ngga Zora ey Esytaol go mu dagu no yang ngga Ngalngin Manoah go mu no. nemot lo Tapegat so suing go sikabung Israel nogo ngga yagui 20 yam so.